San Lucas 10:4 - Q'eqchi Bible

⁴ Meek'am eexalb'ek, chi moko eechampa, chi moko eexaab'; ut maa'ani teek'e xsahil xch'ool sa' b'e.

Li Santil hu

⁴ Incꞌaꞌ te̱cꞌam xnaꞌaj li cꞌaꞌak re ru ta̱cꞌanjelak e̱re saꞌ be, chi moco e̱tumin, chi moco xjalbal e̱xa̱b. Ut ma̱ ani aj iqꞌuin texxakli̱k chi serakꞌic saꞌ be.

San Lucas 10:4 ပူးပေါင်းရင်းမြစ်များ

San Lucas 22:35

Ut kixye reheb' chixjunil: —Naq xexintaqla chi maak'a' eeb'ools, chi maak'a' eechampa, chi moko eexaab', ma wank k'aru xmajelo'k eere? Ke'chaq'ok ut ke'xye: —Maak'a'.

2 Reyes 4:29

Tikto laj Eliseo kixye re laj Kejasí: “Kawresi aawib', k'am linxuq' ut ayu. Wi ani taak'ul sa' b'e, maak'e xsahil xch'ool, ut wi ani taak'ehoq xsahil aach'ool, maachaq'b'e. Ayu ut toxaak'e linxuq' sa' xnaq' ru li ch'ina'al”.

Proverbios 4:25

Tiik tat-iloq chawu ut k'e reetal li k'aru us.

2 Reyes 4:24

Ut kixtaqla xk'eeb'al rix li xb'uur ut kixye re laj k'anjel: “K'amon b'e. Yo'o ut maab'ar tatxaqliiq toj laa'in tinyehoq aawe”.

1 Samuel 21:8

Kixye laj David re laj Ajimélek: “Ma maak'a' arin aawik'in junaq jutz' che' malaj jutz' ch'iich'? Li awab'ej xinxtaqla chi junpaat; jo'kan naq ink'a' xink'am chaq linjutz' ch'iich' chi moko junaq ink'anjelob'aal re yalok”.

Génesis 24:56

Ab'an laj k'anjel chiru laj Abrahán kixye: “Mineeb'ay. Li Qaawa' xrusila linb'eenik. Jo'kan naq kanab'omaqin chi elk re naq tinxik rik'in laj eechal we”, chan.

Génesis 24:33

Chirix chik a'an kixk'eheb' chi wa'ak; ab'an laj k'anjel chiru laj Abrahán kixye: “Ink'a' tinwa'aq toj reetal tinye li b'arwan tento tinye”. Kichaq'ok laj Labán: “Aatinan b'i'”, chan re.

San Marcos 6:7

Toja' naq kixb'oqeb' li Kab'laju, kixtikib' xtaqlankileb' sa' ka'kab'il ut kixk'eheb' xwankil sa' xb'eeneb' li tz'ajn aj musiq'ej.