San Lucas 10:28 - Q'eqchi Bible

²⁸ Kixye li Jesus re: —Xasume chi chaab'il. B'aanu a'an ut taawanq aayu'am.

Li Santil hu

²⁸ Ut li Jesús quixye re: —Ya̱l li xaye. Ba̱nu aꞌin ut ta̱cua̱nk a̱yuꞌam chi junelic, chan.

San Lucas 10:28 ပူးပေါင်းရင်းမြစ်များ

Ezequiel 20:11

Aran kinq'axtesi linchaq'rab' ut kink'e chi xnaweb' li waatin, li tento te'xyu'ami eb' li poyanam re naq te'wanq xyu'am.

Levítico 18:5

“K'uulahomaq sa' leech'ool linchaq'rab' ut lintaqlahom. Ani taapaab'anq re, taayo'yooq. Laa'in li Qaawa'.

San Mateo 19:17

Li Jesus kixye re: —K'a'ut naq nakapatz' we chirix li chaab'ilal? Jun ajwi' li Chaab'il. Wi taawaj ok sa' li yu'am, paab' li chaq'rab'.

Nehemías 9:29

Kaq'useb' re naq te'xpaab' wi' chik laachaq'rab', ab'an eb' a'an ink'a' ke'xpaab'; ke'xnimob'resi b'an rib' chawu, ke'maakob'k ut ke'xq'et laataqlahom li nak'ehok xyu'am li ani napaab'ank re. Ke'xkawub'resi ut ke'xjipu li xch'ooleb', tik ink'a' ke'ab'ink.

Gálatas 3:12

A'ut li Chaq'rab' ink'a' nachalk sa' xk'ab'a' li paab'aal, naxye b'an: “Li taab'aanunq re chixjunil a'in, yo'yooq sa' xk'ab'a' a'an”.

Romanos 10:4

Xb'aan naq li Kriist a'an li xraqik ut xtz'aqlojik ru li Chaq'rab', re naq tiikob'resinb'ilaq xch'ooleb' chixjunileb' li wankeb' xpaab'aal.

Romanos 3:19

Us b'i', naqanaw naq chixjunil li naxye li Chaq'rab', a'an yeeb'il cho'q reheb' li wankeb' rub'el xwankil li Chaq'rab', re naq chixjunileb' te'memo'q, ut chixjunil li ruuchich'och' chireek'ahaq rib' naq wank xmaak chiru li Yos.

San Lucas 7:43

Kichaq'ok laj Simón: —Nink'oxla naq a' li naab'al xk'as xsache'k, chan. Kisumeek: —Tz'aqal yaal li xaye.

San Marcos 12:34

Naq li Jesus kiril naq kisumeek chi chaab'il, kixye re: —Ink'a' najt wankat rik'in li xnimajwal awab'ejihom li Yos. Ut maa'ani chik nakawuuk xch'ool chi patz'ok re.

Ezequiel 20:21

«A'ut eb' li ralal xk'ajoleb' ke'xq'etq'eti rib' chiwu ut ink'a' ke'xpaab' linchaq'rab'; ke'xq'et ut ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil li hilob'aal kutan. Toja' naq kink'oxla risinkil linjosq'il sa' xb'eeneb' ut xrahob'tesinkileb' sa' li chaqich'och' xb'aan xmay linch'ool.

Ezequiel 20:13

Ab'anan eb' laj Israel ke'xq'etq'eti rib' chiwu sa' li chaqich'och' ut ink'a' ke'xpaab' linchaq'rab'; ke'xtz'eqtaana li waatin li nak'ehok xyu'am li ani napaab'ank re, ut ke'xsach xwankil linhilob'aal kutan. Toja' naq kink'oxla risinkil linjosq'il sa' xb'eeneb' ut xkamsinkileb' aran sa' li chaqich'och'.

Deuteronomio 6:24

Chirix chik a'an li Qaawa' kooxchaq'rab'i chi xyu'aminkil chixjunileb' li chaq'rab' a'in ut roxloq'inkil ru li qaYos. Chi jo'kan sa toowanq ut yo'yooqo, jo' wanko toj sa' li kutan a'in.

Proverbios 19:16

Li naxpaab' li chaq'rab', naxra li xyu'am; li naxtz'eqtaana li raatin li Yos, taakamq.

Romanos 7:10

ut laa'in xinkamk; ut li chaq'rab' re raj yu'am, a' chik li kamk xk'am chaq sa' inb'een.