San Lucas 10:22 - Q'eqchi Bible

²² “Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil”.

Li Santil hu

²² Ut quixye reheb li cuanqueb aran: —Chixjunil li cꞌaꞌak re ru xkꞌaxtesi saꞌ cuukꞌ lin Yucuaꞌ. Ma̱ ani nanaꞌoc cuu la̱in li Cꞌajolbej, caꞌaj cuiꞌ li Acuabej Dios. Ma̱ ani nanaꞌoc ru li Acuabej Dios, caꞌaj cuiꞌ la̱in li Cꞌajolbej. Ut ta̱naꞌekꞌ ajcuiꞌ ru xbaneb li ani tincꞌut cuiꞌ lix ya̱lal, chan li Jesús.

San Lucas 10:22 ပူးပေါင်းရင်းမြစ်များ

San Mateo 11:27

“Chixjunil q'axtesinb'il sa' wuq' xb'aan linYuwa', ut maa'ani nanawok ru li K'ajolb'ej, ka'ajwi' li Yuwa'b'ej; ut maa'ani nanawok ru li Yuwa'b'ej, ka'ajwi' li K'ajolb'ej ut eb' li taaraj wi' xk'utb'esinkil.

San Juan 1:18

Li Yos maajun sut ki'ile'k ru xb'aan anihaq: li K'ajolb'ej jun chirib'il li kisutq'iik rik'in li Yuwa'b'ej, a'an kolk'utb'esinq re chiqu.

San Juan 10:15

jo' li Yuwa'b'ej naxnaw wu ut laa'in ninnaw ru li Yuwa'b'ej; ut nink'e linyu'am sa' xk'ab'a'eb' li karneer.

2 Juan 1:9

Chixjunil li ink'a' xaqxo sa' li xk'utum li Kriist ut na'elk sa' li xb'ehil, a'an moko wank ta li Yos rik'in. Ani xaqxo sa' li xk'utum, a'an wank li Yuwa'b'ej jo' ajwi' li K'ajolb'ej rik'in.

2 Corintios 4:6

Xb'aan naq li Yos li kiyehok: “Chilemtz'unq li saqenk sa' li aak'ab'”, a'an ajwi' xk'ehok chi lemtz'unk li saqenk sa' li qach'ool re naq taakutano'q li xloq'al li Yos li nalemtz'unk sa' xnaq' ru li Kriist.

1 Juan 5:20

Ab'an naqanaw ajwi' naq li Ralal li Yos kik'ulunk ut kixk'e qana'leb' re naq chiqanaw ru li tz'aqal Yos. Ut laa'o wanko rik'in li tz'aqal Yos, rik'in li Ralal, a' li Jesukriist. A'an a'in li tz'aqal Yos ut li junelik yu'am.

San Juan 17:26

Laa'in xink'e chixnaweb' anihat laa'at ut toj tink'e chik chixnaweb', re naq laarahom xinaara wi' wanq rik'ineb' ut laa'in wanqin rik'ineb'”.

San Juan 17:2

ut, sa' xk'ab'a' li wankil aak'ehom re sa' xb'eeneb' chixjunil li yo'yookeb', tixk'e taxaq xjunelik yu'am chixjunileb' li xak'eheb' re.

San Mateo 28:18

Kijilok li Jesus chi xk'atqeb', kiraatinaheb' ut kixye: —K'eeb'il we chixjunil li wankilal, jo' sa' choxa jo' ajwi' sa' ruuchich'och'.

San Juan 13:3

Naxnaw li Jesus naq k'eeb'il chixjunil sa' ruq' xb'aan li Yuwa'b'ej, rik'in li Yos elenaq chaq ut rik'in li Yos xik re.

San Juan 3:35

Li Yuwa'b'ej naxra li K'ajolb'ej ut chixjunil kixq'axtesi sa' ruq'.

Hebreos 2:8

Chixjunil xaq'axtesi rub'el roq rub'el ruq'”. Naq kixk'e chixjunil rub'el roq rub'el ruq', maak'a' k'aru kikanab'aak xb'aan li Yos chi ink'a' ta napaab'ank chiru li winq. Yaal ajwi' naq anaqwan toj maji' naqil naq chixjunil wank rub'el xwankil;

Efesios 1:21

kixk'e sa' xb'een chixjunileb' laj jolominel, sa' xb'eeneb' li wankeb' xwankil ut xkawilal malaj eb' li neke'awab'ejink, jo' ajwi' sa' xb'een chixjunil li wank moko ka'aj ta wi' sa' li ruuchich'och' a'in, sa' aj b'an wi' li toj chaalel.

1 Corintios 15:24

Chirix chik a'an aka' li roso'jik li ruuchich'och' naq li Kriist tixq'axtesi li x'awab'ejihom sa' ruq' li Yos Yuwa'b'ej, naq akaq xjuk'i chixjunil li wankilal, taqlank ut awab'ejilal.

San Juan 17:10

Chixjunil li k'aru we, aawe ajwi' laa'at, ut chixjunil li k'aru aawe, we ajwi' laa'in; ut rik'ineb' a'an xnimaak inloq'al.

San Juan 17:5

At inYuwa', anaqwan chanima inloq'al chak'atq rik'in linloq'al kiwank chaq chak'atq naq toj maji' kiwank li ruuchich'och'.

San Mateo 11:25

Sa'eb' li kutan a'an li Jesus ki'ok chi aatinak ut kixye: “Ninloq'on aawu, at inYuwa', laa'at aj eechal re li choxach'och', xb'aan naq xamuq a'in chiruheb' li wankeb' xna'leb' jo'wi' li seeb'eb' xch'ool, ut xak'ut chiruheb' li q'uneb' xch'ool.