San Lucas 10:20 - Q'eqchi Bible

²⁰ Ab'anan misaho'k sa' eech'ool rik'in naq eb' li maa'us aj musiq'ej neke'paab'ank cheru; chexsaho'q b'an rik'in naq tz'iib'anb'il leek'ab'a' sa' choxa.

Li Santil hu

²⁰ Misahoꞌ saꞌ e̱chꞌo̱l xban nak cuan e̱cuanquil saꞌ xbe̱neb li ma̱us aj musikꞌej. Chisahokꞌ ban e̱chꞌo̱l xban nak tzꞌi̱banbilak le̱ cꞌabaꞌ saꞌ choxa, chan.

San Lucas 10:20 ပူးပေါင်းရင်းမြစ်များ

Apocalipsis 20:15

Ut yalaq ani ink'a' kitawe'k xk'ab'a' chi tz'iib'anb'il sa' li xhuhil li yu'am, kikute'k ajwi' sa' li palaw xam.

Apocalipsis 20:12

Kiwileb' li kamenaq, jo' kok' jo' ninq, xaqxookeb' chiru li nimajwal k'ojarib'aal. Ut ke'teemank eb' li hu, jo' ajwi' jun chik li hu, a' li xhuhil li yu'am. Kiraqmank aatin sa' xb'eeneb' jo' chanru tz'iib'anb'il sa'eb' li hu, a' yaal chanru li xb'aanuhomeb'.

Apocalipsis 21:27

Maak'a' k'aru muxb'il taa'ok chisa', chi moko eb' li neke'b'aanunk re li tz'i'b'eetalil na'leb' malaj eb' laj tik'ti', ka'ajeb' b'an wi' li tz'iib'anb'il xk'ab'a'eb' sa' li xhuhil li yu'am re li Karneer.

Hebreos 12:23

a' li xch'utameb' li xb'een alalb'ej tz'iib'anb'ileb' xk'ab'a' sa' choxa, rik'in li Yos laj raqol aatin sa' xb'eeneb' chixjunil, jo'wi' rik'in li xmusiq'eb' li tiikeb' xch'ool li ak tz'aqob'resinb'ileb' chik ru.

Apocalipsis 3:5

Li ani taaq'axoq u, jo'kanaq xsaqal li raq' taatiqib'aaq wi', ut ink'a' tinsach li xk'ab'a' sa' xhuhil li yu'am, tinye b'an naq ninnaw ru, chiru linYuwa' ut chiruheb' li x'ánjel.

Daniel 12:1

«Sa'eb' li kutan a'an taachalq laj Miguel, li xnimal ru ánjel li nakolok re laatenamit. Q'axal rahaq rilb'aleb' li kutan a'an, jo' maajun wa kik'ulmank chalen chaq sa' xtiklajikeb' li tenamit toj anaqwan. Toja' naq taakole'q laatenamit, jo'k'ihaleb' li tz'iib'anb'ileb' xk'ab'a' sa' li xHuhul li yu'am.

Ezequiel 13:9

Tintaqsi li wuq' sa' xb'eeneb' li propeet li neke'ilok b'alaq'il moy u ut neke'yehok tik'ti'. Eb' a'an moko te'okenq ta chi k'uub'ank sa' xyanqeb' lintenamit chi moko tz'iib'anb'ilaq li xk'ab'a'eb' sa' xhuhul eb' laj Israel. Ink'a' te'ok sa' xteepal Israel. Toj aran te'xnaw naq laa'in li Qaawa'».

Éxodo 32:32

Ab'anan, us raj taakuyeb' xmaak. Wi ut ink'a', sach ink'ab'a' sa' li hu tz'iib'anb'il aab'aan”.

Filipenses 4:3

Jo'kan ajwi' nintz'aama chawu, a Sísigo, tz'aqal “wech aj k'anjelilat”, naq chatenq'aheb' li ixq a'an, xb'aan naq kaw xe'k'anjelak wochb'eeneb' chirix li Chaab'il Esilal. A'an ajwi' xb'aanu laj Klemente ut eb' li junch'ol chik aj tenq' we, li ak wankeb' xk'ab'a' sa' xhuhil li yu'am.

Apocalipsis 13:8

Ut chixjunileb' li wankatqeb' sa' ruuchich'och' ke'xloq'oni ru, eb' li ink'a' tz'iib'anb'ileb' xk'ab'a' sa' xhuhil li yu'am, chalen chaq sa' xk'ojlajik li ruuchich'och'. Li hu a'in wank rik'in li Karneer kikamsiik.

Isaías 4:3

“Santil tenamit” te'xk'ab'a'in li te'kole'q aran Sión, jo'k'ihaleb' li ink'a' ke'sache'k ru sa' li tenamit Jerusalén ut tz'iib'anb'il xk'ab'a'eb' sa' xyanqeb' li yo'yookeb'.

Salmos 69:28

Chatiq xkomon li xmaa'usilaleb' rik'in maa'usilal; ink'a' ta chik che'tz'aqonq sa' laakuyum.

San Mateo 10:1

Li Jesus kixb'oqeb' li xkab'laju chi tzolom ut kixk'eheb' xwankil sa' xb'eeneb' li tz'ajn aj musiq'ej re naq te'risiheb', jo' ajwi' re naq te'xk'irtasi chixjunil li yajel ut chixjunil li rahilal.

San Mateo 26:24

Li K'ajolb'ej taaxik jo' tz'iib'anb'il chirix, ab'an ra chaalel sa' xb'een li winq a'an li taaq'axtesinq re li K'ajolb'ej! Q'axal us raj cho'q re li winq a'an naq ink'a' xyo'laak chaq.

San Mateo 27:5

Toja' naq laj Judas kixkut li tumin sa' rochoch li Yos, ki'elk ut koxyatz' rib'.

Jeremías 17:13

At Qaawa', laa'at tz'aqal li royb'enihom laj Israel. Chixjunileb' li te'tz'eqtaananq aawe, xutaanal te'kanaaq. Eb' li te'najto'q aawik'in, taasachmanq li xk'ab'a'eb' jo' tawi' tz'iib'anb'il sa' pojtz', xb'aan naq xe'xkanab' li Qaawa', a'an li yu'amha'.

Apocalipsis 17:8

“Li josq' aj xul xawil, a'an li kiwank ut maak'a' chik anaqwan; taataqe'q chaq sa' li Siwan, ab'an taaxik sa' li sachleb'aal. Eb' li wankeb' sa' ruuchich'och', eb' li ink'a' tz'iib'anb'ileb' xk'ab'a' sa' li xhuhil li yu'am chalen chaq sa' xk'ojlajik li ruuchich'och', te'sachq xch'ool chi rilb'al naq li josq' aj xul kiwank ut maak'a' chik anaqwan, ab'an taak'ulunq wi' chik.