San Lucas 10:2 - Q'eqchi Bible

² Ut kixye reheb': “Li q'olom naab'al, a'ut eb' laj k'anjel ink'a' k'iheb'. Chetz'aama b'i' chiru laj Eechal q'olom naq xtaqlahaqeb' chaq aj k'anjel sa' li xq'olom.

Li Santil hu

² Ut quixye reheb, —Relic chi ya̱l nabaleb li incꞌaꞌ nequeꞌxnau xya̱lal. Abanan moco qꞌuiheb ta li teꞌxye lix ya̱lal reheb. Chanchaneb li ru li acui̱mk li ma̱cꞌaꞌ aj sicꞌol re. Joꞌcan ut tinye e̱re nak te̱tzꞌa̱ma chiru li Ka̱cuaꞌ re nak aꞌan tixtaklaheb laj cꞌanjel chixchꞌolobanquil lix ya̱lal chiruheb.

San Lucas 10:2 ပူးပေါင်းရင်းမြစ်များ

1 Ts 5:12

Ex qas qiitz'in, naqatz'aama cheru naq chek'ehaq sa' xnaq' eeru eb' li neke'xk'e xch'ool chi k'anjelak sa' eeyanq, eb' li neke'jolomink eere sa' xk'ab'a' li Qaawa' ut neke'xch'olob' eena'leb'.

San Marcos 16:15

Ut kixye reheb': “Ayuqex sa' chixjunil li ruuchich'och' ut chepuktesi li Chaab'il Esilal junsut junrub'el choxa.

2 Timoteo 4:5

A'ut laa'at aj'ajaq aawu rik'in chixjunil, chakuyaq li rahilal, k'e aach'ool cho'q aj puktesinel re li Chaab'il Esilal, chab'aanu laak'anjel chi tz'aqal re ru.

2 Ts 3:1

Sa' roso'jik, ex qas qiitz'in, chextijoq chiqix re naq li Raatin li Qaawa' chipuktesiiq chi junpaat ut chik'ehe'q xloq'al jo' xk'ulmank sa' eeyanq.

San Marcos 13:34

Jo' jun li winq koho chi najt: kixkanab' li rochoch, kixk'eheb' xwankileb' li xmoos, ak re re li xk'anjel li junjunq, ut kixchaq'rab'i laj ilol okeb'aal naq chiyo'leq.

1 Timoteo 4:10

A'in aj e naq yooko chi xtawasinkil qib' chi yalyo qaq'e, xb'aan naq wank qasahil oyb'enihom rik'in li yo'yookil Yos, a'an laj Kolol re chixjunileb' ut xb'een xb'een reheb' laj paab'anel.

Hechos 22:21

Ab'an li Qaawa' kixye we: «Ayu, xb'aan naq laa'in tatintaqla chi najt, sa' xyanqeb' li maawa'eb' aj Judiiy»”.

Hechos 20:28

Cherilaq eerib' jo' ajwi' cherilaqeb' chixjunil li karneer li xaqab'anb'ilex wi' xb'aan li Santil Musiq'ej cho'q aj k'aak'alehom reheb'. Cheb'eresi li x'Iklees li Yos li kixloq' rik'in xkik'el li Ralal.

Hechos 13:4

Laj Bernabé ut laj Sawlo, taqlanb'ileb' xb'aan li Santil Musiq'ej, ke'kub'eek Selewsia ut aran koheb' chiru ha' toj Chipre.

Hechos 13:2

Sa' jun li kutan, naq yookeb' chi k'anjelak chiru li Qaawa' ut chi ayuunik, kixye li Santil Musiq'ej: “K'ehomaqeb' cho'q we laj Bernabé ut laj Sawlo re te'xb'aanu li k'anjel xinb'oqeb' wi'”.

Hechos 11:19

Eb' li ke'xcha'cha'i rib' xb'aan li rahilal kiwank sa' li xkamik laj Esteban, ke'wulak toj Fenicia, Chipre ut Antiokía, ab'anan ka'ajwi' reheb' laj Judiiy neke'xch'olob' li Aatin.

Hechos 8:4

Eb' li ke'xcha'cha'i rib'eb' neke'xpuktesi li chaab'il esil yalaq b'ar.

San Lucas 9:1

Naq kixch'utub'eb' li Kab'laju, li Jesus kixk'eheb' xkawilal ut xwankileb' sa' xb'een chixjunileb' li maa'us aj musiq'ej, jo'wi' re k'irtasink yajel.

San Marcos 16:20

Ut eb' a'an koheb', ke'xpuktesi li Chaab'il Esilal yalaq b'ar, yo chi k'anjelak li Qaawa' rochb'eeneb' jo'wi' chi xk'eeb'al xwankil li Aatin rik'in li eetalil neke'ochb'eenink re.]

San Mateo 20:1

“Xb'aan naq li xnimajwal wankilal li choxa chanchan jun li winq aj eechal junkab'al li ki'elk toj eq'la chi xsik'b'aleb' aj k'anjel re li rawimq.

Zacarías 11:17

Ra chaalel sa' xb'een laj ilol ketomq li maak'a' na'ok wi', li naxkanab' xjuneseb' li ketomq. Chitiq'e'q ta chi q'esnal ch'iich' li xtel jo'wi' xsa' li ru wank sa' xnim. Chichaqiq ta chixjunil li ruq' ut chimutz'irq chi junajwa xsa'eb' li ru”, chan li Qaawa'.

Jeremías 3:15

Tinxaqab' eb' li te'k'aak'alenq eere jo' chanru naraj linch'ool, ut eb' a'an te'ch'oolaninq eere rik'in chaab'il na'leb' ut xseeb'al xch'ooleb'.

Filipenses 2:25

Xink'oxla ajwi' naq tento tintaqla eerik'in li wiitz'in Epafrodito, wech aj k'anjelil ut wech soldaadil, li xetaqla chaq chintenq'ankil naq wankin sa' rajb'al ru.

Filipenses 2:21

chixjunileb' neke'xsik' li us ka'ajwi' cho'q reheb' ut maawa' li us cho'q re li Kristo Jesus.

1 Corintios 12:28

Jo'ka'in li Yos kixxaqab' xk'anjel li junjunq sa' li Iklees: xb'een xb'een eb' li apóstol, sa' xkab' eb' li propeet; sa' rox eb' laj tzolonel; chirix a'an k'eeb'il li maatan re xb'aanunkil sachb'ach'oolej; chirix chik a'an k'eeb'il li maatan re k'irtasink, re tenq'ank, re jolomink, re aatinak sa' jalanil aatin.

Números 11:17

Laa'in tinkub'eeq chi aatinak aawik'in aran; tink'e reheb' kach'inaq li musiq'ej wank aawik'in re naq tate'xtenq'a chi rilb'al li tenamit a'in. Chi jo'kan ink'a' wanqat aajunes.

Colosenses 1:29

A'an aj e naq q'axal ninyal inq'e sa' link'anjel rik'in xnimal xwankil li Kriist, li kaw yo chi k'anjelak wik'in.

Filipenses 2:30

xb'aan naq kach'in chik maa kikamk naq yo chi k'anjelak chirix li Kriist: kixk'e sa' ra li xyu'am re xb'aanunkil li k'anjel li ink'a' kexruhank laa'ex xb'aanunkil chiwu.

Hebreos 3:6

A'ut li Kriist kipaab'ank jo' alalb'ej sa' xb'een li rochoch li Yos, a'ano laa'o, wi kawaq ut tuqtuuq qach'ool sa' li oyb'enink toj sa' roso'jik.

1 Ts 2:9

Ex qas qiitz'in, laa'ex najultiko'k eere li qak'anjel ut li qalub'ik. Xook'anjelak chi q'eq ut chi kutan re naq maa'ani xqach'i'ch'i'i sa' eeyanq naq xqapuktesi eere li xChaab'il Esil li Yos.

Colosenses 4:12

Naxtaqla xsahil eech'ool laj Epafras, a'an eekomon, xmoos li Kristo Jesus; junelik naxk'e xch'ool chepatz'b'al sa'eb' li xtij, re naq kaw xaqxooqex chi xb'aanunkil chi tz'aqal chixjunil li naraj li Yos.

2 Corintios 6:1

Jo'kan utan, laa'o aj k'anjel qochb'een li Yos, naqatz'aama naqelaji naq ink'a' taxaq chek'ul li rusilal li Yos chi maak'a' rajb'al,

1 Corintios 15:10

Ab'anan sa' xk'ab'a' li rusilal li Yos xinkanaak chi jo'ka'in jo' yookex chi rilb'al; ut li rusilal li Yos ink'a' xkanaak chi maak'a' rajb'al wik'in, xb'aan naq q'axal kaw wi' chik xink'anjelak chiru chixjunileb' a'an. Ab'an moko laa'in ta, a' b'an li rusilal li Yos li wank wik'in.

Zacarías 11:5

Eb' li neke'loq'ok reheb' neke'xkamsiheb' ut neke'xk'oxla naq maak'a'eb' xmaak; ut eb' li neke'k'ayink reheb' neke'xye: «B'anyox re li Qaawa', xinb'ihomo'k!», chankeb'. Chi moko eb' laj ilol reheb' neke'ril xtoq'ob'aal ruheb' li karneer.

1 Reyes 18:22

Ut laj Elías kixye ajwi' reheb': “Ka'ajin aj chik xpropeet li Qaawa', ut eb' li xpropeet laj Bahal, wankeb' lajeeb' roxk'aal xkab' o'q'ob'.

Números 11:29

Ab'an laj Moisés kixye re: “Ma xat-ok chinkaqalinkil? Us raj naq chixjunil li xtenamit li Qaawa' te'aatinaq jo' propeet ut te'xk'ul li xMusiq' li Qaawa'!”, chan.

Filemón 1:1

Laa'in laj Pablo li wankin sa' tz'alam sa' xk'ab'a' li Kristo Jesus, wochb'een laj Timoteo li qiitz'in, nintz'iib'ak rik'in laj Filemón li raaro qab'aan ut qochb'een chi k'anjelak,

Salmos 68:11

Chi jo'kan eb' laawalal xe'xtaw xna'ajeb', at qaYos, sa' li ch'och' kawresinb'il xb'aan laawusilal cho'q reheb' li neb'a' ut li ra wankeb'.

Apocalipsis 2:1

“Tz'iib'an rik'in li x'ánjel li Iklees li wank Éfeso: «A'in naxye li wank li wuqub' chi chahim sa' xnim uq', li nab'eek sa' xyi li wuqub' chi xna'aj kanteel ooro.