San Lucas 10:18 - Q'eqchi Bible

¹⁸ Kixye li Jesus reheb': —Xwil laj tza chi t'ane'k chaq toj sa' choxa chanchan li raq'kaaq.

Li Santil hu

¹⁸ Li Jesús quixye reheb: —La̱in quicuil laj tza chanchan rakꞌ ca̱k nak quitꞌaneꞌ chak saꞌ choxa.

San Lucas 10:18 ပူးပေါင်းရင်းမြစ်များ

Isaías 14:12

“Chanru naq xatt'ane'k chaq sa' choxa, at xkaq chahimal li hik'e'k? Laa'at li xatnumtaak sa' xb'eeneb' li tenamit xatjilib'aak chik chiru ch'och'.

Apocalipsis 9:1

Li ro' ánjel kixyaab'asi li xtronpeet, ut kiwil jun li chahim kit'ane'k chaq sa' choxa toj sa' ruuchich'och'. Kik'ehe'k re li xlaawil li xchamal li Siwan,

San Juan 16:11

chirix li raqb'a aatin xb'aan naq laj Taqlanel sa' xb'een li ruuchich'och' a'in ak teneb'anb'il chaq tojb'amaak sa' xb'een.

San Juan 12:31

Anaqwan taaraqe'q aatin sa' xb'een li ruuchich'och' a'in. Anaqwan laj Taqlanel sa' xb'een li ruuchich'och' a'in taakute'q chi najt.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Hebreos 2:14

Jo'kan utan, kama' naq eb' li alal k'ajolb'ej neke'tz'aqonk sa' junaj chi tz'ejwalej ut kik'elej, jo'kan ajwi' li Jesus kitz'aqonk rik'ineb' xch'och'el xsululel re xsachb'al xwankil laj eechal re li kamk, a' laj tza, sa' xk'ab'a' li xkamik,

Apocalipsis 20:2

Kixchap li nimla xul, li najter k'anti' (a'an laj tza, li maa'us) ut kixb'ak' chi kareen chiru jun mil chihab'.

San Mateo 4:10

Toja' naq li Jesus kixye re: —Elen chiwu, at aj tza, xb'aan naq jo'ka'in tz'iib'anb'il sa' li Santil Hu: «A' li Qaawa' laaYos taaloq'oni ru ut ka'ajwi' chiru a'an tatpaab'anq».