San Lucas 10:16 - Q'eqchi Bible

¹⁶ “Ani taa'ab'inq eere, laa'in tinrab'i; ut ani taatz'eqtaananq eere, laa'in tinxtz'eqtaana; ut li taatz'eqtaananq we, tixtz'eqtaana ajwi' li kitaqlank chaq we”.

Li Santil hu

¹⁶ Li ani ta̱abi̱nk re le̱ ra̱tin la̱ex, ta̱rabi ajcuiꞌ li cua̱tin la̱in. Ut li ani ta̱tzꞌekta̱na̱nk e̱re la̱ex, tinixtzꞌekta̱na ajcuiꞌ la̱in. Ut li ani natzꞌekta̱nan cue la̱in, naxtzꞌekta̱na ajcuiꞌ li quitaklan chak cue, chan li Jesús.

San Lucas 10:16 ပူးပေါင်းရင်းမြစ်များ

San Juan 13:20

Relik chi yaal ninye eere: ani nak'uluk re li nintaqla laa'in, laa'in nikinxk'ul, ut li nak'uluk we, a' Li kitaqlank chaq we naxk'ul”.

San Mateo 10:40

“Ani nak'uluk eere, laa'in nikinxk'ul; ut li nak'uluk we, naxk'ul li kitaqlank chaq we.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

San Juan 12:48

Ani natz'eqtaanank we ut ink'a' naxk'ulub'an eb' li waatin, wank ani taaraqoq aatin sa' xb'een: li Aatin xinye, a'an li taaraqoq aatin sa' xb'een sa' roso'jikeb' li kutan.

San Juan 12:44

Toja' naq kixye li Jesus chi kaw xyaab' xkux: —Ani napaab'ank we, moko laa'in ta nikinxpaab', a' b'an li kitaqlank chaq we;

San Marcos 9:37

—Ani taak'uluq re junaq ch'ina'al jo' a'in sa' ink'ab'a', laa'in tinxk'ul; ut li taak'uluq we, moko laa'in ta tinxk'ul, a' b'an li kitaqlank chaq we.

San Mateo 18:5

“Ani taak'uluq re junaq ch'ina'al jo' a'in sa' ink'ab'a', laa'in tinxk'ul.

Malaquías 1:6

Li Qaawa', li Nimajwal Yos, kixye reheb' laj tij: “Li alalb'ej naroxloq'i li xyuwa' ut laj k'anjel naxk'e xloq'al laj eechal re. Wi laa'in leeyuwa', k'a'ut naq ink'a' nikineeroxloq'i? Wi aj eechalin eere, k'a'ut naq ink'a' nekek'e inloq'al? Laa'ex nikineetz'eqtaana ut nekeye: «K'aru xatqatz'eqtaana wi'?», chankex.

Hechos 5:4

Ma maawa' tab'i' aawe naq toj maji' nakak'ayi; ut naq xak'ayi, ma ink'a' tab'i' xru xkanaak li xtz'aq cho'q aawe? K'a'ut naq x'alaak sa' aach'ool xb'aanunkil a'in? Moko winq ta xatik'ti'i, a' b'an li Yos.

San Lucas 9:48

ut kixye reheb': —Ani taak'uluq re li ch'ina'al a'in sa' ink'ab'a', laa'in tinxk'ul; ut li ani taak'uluq we, tixk'ul li kitaqlank chaq we, xb'aan naq li jwal kach'in sa' eeyanq chejunilex, a'an li nim.

Números 16:11

Jo'kan naq a' li Qaawa' nekewech' rix laa'at ut eb' laakomon. Ani laj Aharón naq yooqex chi aatinak chirix?”.

Números 14:11

Ut li Qaawa' kixye re laj Moisés: “Jo' najtil chik tinkuy lintz'eqtaanankil xb'aaneb' li tenamit a'in? Jo' najtil chik ink'a' tine'xpaab', us ta naab'aleb' li sachb'ach'oolej inb'aanuhom sa' xyanqeb'?

Éxodo 16:7

ut wulaj eq'la teeril li xnimal xloq'al li Qaawa'. Xb'aan naq ak xrab'i li xwech'b'al rix eeb'aan. Ab'an aniho laa'o naq yookex chi qawech'inkil?”, chankeb'.

Números 14:2

Chixjunileb' laj Israel ke'xwech' rix laj Moisés ut laj Aharón, ut ke'xye reheb': “Q'axal us raj xookamk chaq Ejiipt! K'a'ut naq ink'a' xookamk sa' li chaqich'och'?

Éxodo 16:8

Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

Gálatas 4:14

ut us ta ch'a'aj raj cho'q eere linyajel, ab'an ink'a' xineetz'eqtaana chi moko xik' xineeril, xineek'ul b'an kama' junaq x'ánjel li Yos: kama'in wi' li Kristo Jesus naq xineek'ul.