San Lucas 1:78 - Q'eqchi Bible

⁷⁸ Rik'in xnimal ruxtaan li qaYos toloorula'ani jun saqenk chaalel toj taqe'q,

Li Santil hu

⁷⁸ Xban nak kꞌaxal nim ruxta̱n li Ka̱cuaꞌ Dios, xtakla chak li Jun li ta̱cutanobresi̱nk re li kacꞌaꞌux.

San Lucas 1:78 ပူးပေါင်းရင်းမြစ်များ

2 Pedro 1:19

Chi jo'kan q'axal chik paab'ajel cho'q qe li raatineb' li propeet. Us teeb'aanu wi teek'e eech'ool chi xk'ulub'ankil jo' nak'ulub'aak junaq saqenk nakutanob'resink sa' junaq na'ajej q'oqyink ru, toj reetal taahik'e'q li kutan ut taayo'laaq li kaq chahim sa' leech'ool.

Malaquías 4:2

A'ut laa'ex li nekex'oxloq'ink re link'ab'a', taalemtz'uno'q sa' eeb'een li xtiikilal linch'ool, ut sa' li xsaqenkil teetaw leekawilal. Toja' naq texpisk'oq xb'aan xsahil leech'ool jo'kaqex li saaj wakax naq neke'elk sa' li xna'ajeb'.

Colosenses 3:12

Li Yos q'axal nekexra ut kixsik' eeru re naq santaqex. Tiqib'omaq b'i' eerib' rik'in xnimal uxtaanal, rik'in li usilal, li tuulanil, kub'enaqaq eewankil ut nimaq eekuyum.

Filipenses 2:1

K'ojk'o linch'ool naq li Kriist xb'oqok eere chi waklesink ch'oolej ut li xrahom nekextaqla chi xk'ojob'ankil xch'ooleb' leeras eeriitz'in; wotz nekextz'aqonk rik'in jun chi Musiq'ej, aj uxtaanex ut chaab'il leeraanm.

Efesios 5:14

xb'aan naq chixjunil li k'utk'u, sa' kutan saqenk chik wank. Jo'kan naq nayeemank: “Ajsi aawu laa'at li yookat chi wark, waklin sa' xyanqeb' li kamenaq ut sa' aab'een taakutano'q li Kriist”.

Números 24:17

Wank k'aru nawil, us ta maji' ch'olch'o chi us anaqwan; nink'e reetal chi maji' nanach'ok chi us: jun chahim xwakliik chaq rik'in laj Jakob, xaqxo xwankil jun li awab'ej sa' xyanqeb' laj Israel. A'an tixsach ruheb' laj Mohab ut tixputz'i xjolomeb' li ralal xk'ajol laj Set.

Apocalipsis 22:16

“Laa'in, li Jesus, xintaqla lin'ánjel eerik'in re xyeeb'al a'in chirixeb' li Iklees. Laa'in li xtuxm ut li ralal laj David, laa'in li kaq chahim nalemtz'unk toj eq'la”.

1 Juan 3:17

Wi junaq b'ihom naril li ras riitz'in naq wank sa' rajb'al ru ut ink'a' tixtenq'a, chanru naq li xrahom li Yos wanq rik'in?

Zacarías 6:12

ut taaye re chi jo'ka'in: «Jo'ka'in xye li Nimajwal Yos: A'an a'in li winq li Tuxm naxk'ab'a'in. Taatuxmeq ut tixyiib' wi' chik li rochoch li Qaawa'.

Zacarías 3:8

Ab'i chi us, a Josué, laa'at li xyuwa'il aj tij; che'rab'ihaq ajwi' eb' laj tij li neke'tenq'ank aawe. Ab'ihomaq chi us li tinye, xb'aan naq jo'kex li propeet, laa'ex reetalil li taak'ulmanq: Tintaqla chaq laj k'anjel chiwu, a' li Tuxm xk'ab'a'.

Isaías 11:1

Taatuxmeq chaq li xxe' laj Jesé, taayo'laaq jun li ralal sa' xxe' xtoonal.

Filipenses 1:8

Li Yos naxnaw chi us naq q'axal nekexinra chejunilex sa' li xrahom li Kristo Jesus.

San Juan 3:16

“Xb'aan naq li Yos k'ajo' naq kixra li ruuchich'och': kixk'e chaq li Ralal jun chirib'il re naq chixjunil li taapaab'anq re, ink'a' taasachq, wanq b'an xyu'am chi junelik.

Isaías 63:15

At Qaawa', ilon chaq toj sa' choxa ut k'e reetal toj sa' chaq laasantil na'aj nakathilank wi'. B'ar xkoho li xnimal laarahom ut laakawilal? K'a'ut naq ink'a' namayok b'ayaq laawaanm? Ma x'oso'k tab'i' laawuxtaan cho'q qe?

Isaías 63:7

Nawaj xjultikankil li ruxtaan li Qaawa' ut xb'ichankil li xnimal xloq'al, sa' xk'ab'a' jo'nimal li kixb'aanu qe, xb'aan li xrahom sa' xb'eeneb' li ralal xk'ajol laj Israel, li kixk'utb'esi rik'in ruxtaanankil qu ut qusilankil xb'aan li xnimal xchaab'ilal li xch'ool.

Salmos 25:6

Chijultiko'q taxaq aawe, at Qaawa', laawusilal jo' ajwi' laarahom li wank chi junelik.

Isaías 42:16

Tink'ameb' li mutz' sa' junaq b'e ink'a' numenaqeb' chisa', ut tinb'eresiheb' sa' junaq na'ajej b'arwi' toj maji' wanjenaqeb'. Chiruheb' a'an tinsutq'isi li aak'ab' cho'q saqenk, ut eb' li julux b'e te'kanaaq chi nat'anb'ak ru. Chixjunil li k'a'aq re ru a'in tinb'aanu; relik chi yaal naq tinb'aanu chi junpaat”, chan li Qaawa'.