San Lucas 1:71 - Q'eqchi Bible

⁷¹ naq toxkol chiruheb' li xik' neke'ilok qe ut sa' ruq'eb' li nokoohe'xtz'eqtaana,

Li Santil hu

⁷¹ Quixye reheb nak toxcol chiruheb li xicꞌ nequeꞌiloc ke ut torisi rubeleb xcuanquil.

San Lucas 1:71 ပူးပေါင်းရင်းမြစ်များ

Salmos 106:10

Kixkoleb' chiruheb' li ke'raj xrahob'tesinkileb'; kixmaq'eb' sa' ruq'eb' li xik' neke'ilok reheb'.

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Deuteronomio 33:29

Us xaq aawe, at Israel. Ani tawi' jo' laa'at, tenamit kolb'ilat xb'aan li Qaawa'? A'an namuheelank ut natenq'ank aawe? Li Qaawa' a'an li ch'iich' nakasacheb' wi' ru li xik' neke'ilok aawe! Eb' a'an te'raj raj aab'alaq'inkil, a'ut laa'at tatnumtaaq sa' xb'eeneb'”, chan laj Moisés.

Ezequiel 34:28

Ink'a' chik te'chape'q xb'aaneb' li jalanil tenamit, chi moko te't'upiiq xb'aaneb' li josq' aj xul. Sa' xyaalal chik te'wanq ut maajun chik taaxib'esinq reheb'.

San Lucas 1:74

naq kixyeechi'i qach'ab'ankil sa' ruq'eb' li xik' neke'ilok qe ut took'anjelaq chiru chi maak'a'aq qaxiw,

Jeremías 32:37

Teb'inch'utub' chaq sa' chixjunileb' li na'ajej b'arwi' kincha'cha'iheb' xb'aan linjosq'il ut li xmay linch'ool; tink'ameb' chaq wi' chik sa' li na'ajej a'in ut te'wanq sa' tuqtuukilal.

Ezequiel 34:25

Tink'ojob' jun li sumwank rik'ineb' a'an, re naq sa te'wanq, ut twisiheb' li josq' aj xul sa' li xna'ajeb', re naq eb' linkarneer te'wanq sa' tuqtuukilal sa'eb' li k'aleb'aal ut te'hilanq sa'eb' li k'iche'.

1 Juan 3:8

Ani nab'aanunk re li maak a'an re laj tza, xb'aan naq laj tza namaakob'k chalen chaq sa' xtiklajik. A'in aj e naq kolxk'ut rib' li Ralal li Yos, re xsachb'al li xk'anjel laj tza.

Ezequiel 38:8

«Akaq xnume'k k'iila kutan, taak'ehe'q aataqlankil. Moqon chirix naab'al chihab', tattaqlaaq chi yalok rik'in jun tenamit li kiwank sa' raaxiik', ab'an sa chik wankeb' anaqwan; junxil ke'cha'cha'iik sa' xyanqeb' li k'iila tenamit ut ke'juk'iik chi junwaakaj, ab'an ch'utch'uukeb' wi' chik anaqwan sa'atqeb' li xtzuulul Israel.

Ezequiel 28:26

Aran te'wanq chi maak'a'aq chik xk'a'uxeb' ut xch'i'ch'i'inkileb'; te'kab'laq ut te'awq uub'. Sa chik te'wanq naq tinraq aatin sa' xb'eeneb' chixjunileb' li tenamit wankeb' chi xsutam ut neke'tz'eqtaanank reheb'. Toja' naq taanawmanq naq laa'in li Qaawa', li xYos laj Israel”.

Salmos 106:47

At Qaawa', at qaNimajwal Yos, choohaakol taxaq! Choohaawisi sa' xyanqeb' chixjunil li poyanam ut choohaach'utub', re naq tooyoxinq chawu ut tqanima laaloq'al!

San Lucas 1:68

“Usilaatinanb'il taxaq li Qaawa', xYos laj Israel, xb'aan naq kolrula'ani ut kixkol li xtenamit;

2 Reyes 17:39

Ka'ajwi' li Qaawa' leeYos teeloq'oni ru ut A'an texxkol chiru chixjunileb' li xik' neke'ilok eere”.