San Lucas 1:68 - Q'eqchi Bible

⁶⁸ “Usilaatinanb'il taxaq li Qaawa', xYos laj Israel, xb'aan naq kolrula'ani ut kixkol li xtenamit;

Li Santil hu

⁶⁸ —Lokꞌoninbil taxak li Ka̱cuaꞌ Dios li nequeꞌxlokꞌoni laj Israel xban nak xril xtokꞌoba̱l ruheb lix tenamit ut xcoleb.

San Lucas 1:68 ပူးပေါင်းရင်းမြစ်များ

Salmos 106:48

Usilaatinanb'il taxaq li Qaawa', xYos laj Israel, chi junelik q'e kutan! Ut chixjunil li tenamit che'xye: “Jo'kan taxaq!”. Aleluya!

San Lucas 7:16

K'ajo' naq ke'xiwak chixjunileb' ut ke'ok chi xnimankil ru li Yos: —Jun xnimal ru propeet xwakliik sa' qayanq. Ke'xye ajwi': —Li Yos xolrula'ani li xtenamit.

Salmos 41:13

Laa'at tatk'ehoq xkawub' linch'ool xb'aan naq maak'a' inmaak; junelik tinaak'ul rub'el laawoq rub'el laawuq'.

Salmos 111:9

Kixk'am chaq li kolb'a ib' cho'q re li xtenamit ut kixk'ojob' li xSumwank chi junajwa: q'axal sant ut xiwajel li Qaawa'!

Éxodo 4:31

Eb' laj Israel ke'xpaab' ut, naq ke'rab'i naq li Qaawa' xulrula'ani li xtenamit ut xk'e reetal li xrahilaleb', ke'xhupub' rib' chi loq'onink.

1 Reyes 1:48

ut xye: «Chinimaaq xloq'al li Qaawa', xYos laj Israel, naq chiru li kutan a'in xxaqab' cho'q awab'ej jun reheb' li walal, ut laa'in xwil rik'in wu»”.

Efesios 1:3

Usilaatinanb'il taxaq li Yos, xYuwa' li Qaawa' Jesukriist, li ki'osob'tesink qe sa' xk'ab'a' li Kriist rik'in chixjunil rosob'tesihom li Musiq'ej toj sa' choxa.

San Lucas 2:38

Sa' ajwi' li honal a'an kiwulak aran ut ki'ok chi xnimankil ru li Yos ut chi aatinak chirix li k'uula'al rik'in chixjunileb' li yookeb' chi royb'eninkil li xkolb'al li tenamit Jerusalén.

1 Pedro 1:3

Loq'oninb'ilaq taxaq li Yos xYuwa' li Qaawa' Jesukriist! Xb'aan xnimal ruxtaan, rik'in li xwaklijik chi yo'yo li Jesukriist sa' xyanqeb' li kamenaq, kooxyoob'tesi wi' chik re jun yo'yookil qoyb'enihom,

Efesios 1:7

Sa' xk'ab'a' A'an wank qakolb'al xb'aan li xkik'el, wank xkuyb'al xsachb'al qamaak, sa' xk'ab'a' li xnimal rusilal

1 Crónicas 29:20

Chirix chik a'an kixye laj David reheb' chixjunil li wankeb' sa' li nimla ch'utam: “Anaqwan chenima xloq'al li Qaawa' leeYos”, chan. Ut chixjunileb' ke'ok chi xloq'oninkil li Qaawa', xYos li xxe'toonil yuwa'eb', ke'wiq'laak ut ke'xhupub' rib' chiru li Qaawa' ut chiru li awab'ej.

1 Crónicas 29:10

Chirix chik a'an laj David kixloq'oni li Qaawa' chiruheb' chixjunil li wankeb' sa' li nimla ch'utam ut kixye: “Osob'tesinb'ilat taxaq chi junelik, at Qaawa', xYos li qayuwa' Israel!

Génesis 14:20

Usilaatinanb'ilaq ajwi' li Nimajwal Yos li xq'axtesi sa' laawuq' eb' li xik' neke'ilok aawe”. Ut laj Abrán kixk'e re li xlajeetqil chixjunil li k'aru wank re.

Génesis 9:26

Kixye ajwi': “Loq'oninb'il taxaq li Qaawa', li xYos laj Sem! Chikanaaq laj Kanahán cho'q aj k'anjel chiru a'an!

San Lucas 19:44

tate'xmuch'i chiru ch'och' laa'at ut eb' laawalal aak'ajol li wanqeb' aawik'in, ut ink'a' te'xkanab' pek chi xb'een pek, xb'aan naq ink'a' xak'e reetal li honal xat-ula'aniik wi'”.

Génesis 24:27

Kixye: “Usilaatinanb'il taxaq li Qaawa', li xYos laj Abrahán laj eechal we, xb'aan naq chaab'il xch'ool ut junelik narusila laj eechal we. A'an xk'amok chaq we chi hilank sa' rochocheb' li rech'alal laj eechal we”.

1 Samuel 25:32

Toja' naq laj David kixye re lix Abigahil: “Usilaatinanb'il taxaq li Qaawa', xYos laj Israel, li xtaqlank chaq aawe chink'ulb'al anaqwan.

1 Reyes 8:15

ut kixye: “Loq'oninb'ilaq taxaq li Qaawa', xYos laj Israel, li xb'aanu li kixyeechi'i re laj David linyuwa' naq kixye:

Salmos 130:8

A'an taa'isinq re laj Israel sa' chixjunil li maak xlaje'xb'aanu.

San Lucas 1:71

naq toxkol chiruheb' li xik' neke'ilok qe ut sa' ruq'eb' li nokoohe'xtz'eqtaana,

San Lucas 24:21

Sa' qach'ool laa'o naq a'an raj taakoloq re li tenamit Israel. Ut chirix chixjunil a'in, anaqwan ak oxib' kutan chik xk'ulb'al a'an.

Hebreos 9:12

Ut ki'ok sa' li Santil Na'ajej chi junwaakaj, moko rik'in ta xkik'el teelom chib'aat chi moko rik'in xkik'eleb' kok' wakax, rik'in b'an li xkik'el a'an; ut chi jo'kan kooxkol chi junajwa.