San Lucas 1:49 - Q'eqchi Bible

⁴⁹ xb'aan naq li Nimajwal xb'aanu sachb'ach'oolej wik'in, ut Sant li xk'ab'a'!

Li Santil hu

⁴⁹ Lokꞌoninbil taxak ru li Ka̱cuaꞌ li kꞌaxal nim xcuanquil xban nak quixcꞌutbesi chicuu lix nimal lix cuanquilal. Aꞌan tzꞌakal santo.

San Lucas 1:49 ပူးပေါင်းရင်းမြစ်များ

Salmos 111:9

Kixk'am chaq li kolb'a ib' cho'q re li xtenamit ut kixk'ojob' li xSumwank chi junajwa: q'axal sant ut xiwajel li Qaawa'!

Salmos 99:3

Chinimaaq li xloq'laj k'ab'a' li k'ajo' xiwajel. Sant li Qaawa'!

Jeremías 10:6

Maajun junaq juntaq'eetat wi', at Qaawa': jwal nim laaloq'al ut k'ajo' xnimal laawankil!

Efesios 3:20

Li Yos li wank xwankil re xb'aanunkil chixjunil chi numtajenaq chik chiru li naqatz'aama malaj naqak'oxla, jo' chanru li xkawilal yo wi' chi k'anjelak qik'in,

Génesis 17:1

B'eleelaju ro'k'aal (99) chihab' wank re laj Abrán naq li Qaawa' kixk'ut rib' chiru ut kixye re: “Laa'in li Nimajwal Yos. Wanqat chi sum'aatin wik'in ut tiikaq laach'ool.

Isaías 57:15

Xb'aan naq jo'ka'in xyehom li Nimajwal Yos, li nim xwankil, li junelik wank chalen chaq q'e kutan ut li q'axal Sant li xk'ab'a': “Laa'in wankin sa' li na'ajej najt xteram ut jwal loq', ab'anan wankin ajwi' rik'in li ra sa' xch'ool ut li tz'eqtaananb'il, re xk'eeb'al xkawub' xch'ool li kub'enaq xwankil ut li namayok raanm.

Apocalipsis 15:4

Ani ink'a' tixxiwa ut ink'a' tixnima ru laak'ab'a', at Qaawa'? Xb'aan naq ka'jat wi' laa'at santat, ut chixjunileb' li tenamit talaje'chalq ut te'xhupub' rib' chawe chawu, xb'aan naq xe'kanaak chi kutankil laaninqal k'a'uxl”.

Salmos 99:9

Chenimaaq ru li Qaawa' li qaYos, chehupub'aq eerib' chiru li xloq'laj na'aj: xb'aan naq sant li Qaawa' li qaYos!

1 Samuel 2:2

Maak'a' junaq sant jo' li Qaawa', chi moko junaq saqoonak jo' li qaYos. Maa'ani chik junaq jo' A'an.

Éxodo 15:11

“Ma wank junaq Yos kama' laa'at, at Qaawa'? Ani sant ut nim xloq'al jo' laa'at, xiwajel xb'aan laasachb'ach'oolej, at aj b'aanuhom xninqal eetalil?

Isaías 6:3

Ut neke'xjap re chirib'ileb' rib' chi xyeeb'al: “Sant, Sant, Sant li Qaawa', li Nimajwal Yos. Nujenaq chixjunil li ruuchich'och' rik'in li xloq'al!”, chankeb'.

Jeremías 20:11

Ab'an laa'at, at Qaawa', wankat wik'in jo' junaq aj yalonel li q'axal kaw rib'. Eb' li xik' neke'ilok we te'oso'q ut ink'a' te'ruuq xq'axb'al wu; ink'a' us te'elq, se'enb'ilaqeb' chi junelik, ut junelik taajultikamanq naq xe'kanaak sa' xutaan.

Apocalipsis 4:8

Li kaahib' chi yo'yookeb' wankeb' waqitq xik' ut nujenaqeb' chi xsa' uhej chi junqre ut chisa'; chi q'eq ut chi kutan ink'a' neke'hilank chi xyeeb'al: “Sant, Sant, Sant li Qaawa', li Nimajwal Yos, li ak wan chaq, li wank anaqwan ut li chaalel”.

San Marcos 5:13

Li Jesus kixkanab'eb' chi xik, ut eb' li tz'ajn aj musiq'ej ke'elk rik'in li winq, koxe'okaq sa'eb' li aaq (li xk'ihaleb' wank tana wiib'aq mil), ke'xkut rib' sa' xteram li uul, jun t'anikeb' sa' li palaw, ut aran ke'kamk.

Isaías 1:24

Jo'kan naq li Nimajwal Yos, li jwal kaw chi xkolb'al laj Israel, naxye chi jo'ka'in: “Tz'aqalaq! Laa'in twisi linjosq'il sa' xb'eeneb' li xik' neke'ilok we ut tin'eeqajunq sa' xb'eeneb'.

Salmos 24:8

Ani li nimajwal Awab'ej? A'an li Qaawa', li kaw rib', li wank xwankil, a' li Qaawa', li kaw rib' chi yalok.

Isaías 63:1

“Ani li kaqkaq raq', li yo chaq chi chalk Bosrá, sa' xteepal Edom? Q'axal ch'ina'us li xtiqib'ankil naq yo chaq chi chalk, rik'in xnimal xwankil”. “Laa'inin, li nin'aatinak rik'in tiikil ch'oolej ut q'axal nim inwankil chi kolok”.

San Lucas 1:48

xb'aan naq xk'e reetal li xtoq'ob'aal ru li xmoos. Jo'kan naq chalen anaqwan: «Us xaq aawe», cha'qeb' we li jar teep chi tenamit,

San Lucas 1:50

Li ruxtaan junelik wank sa' xb'eeneb' li neke'xiwank re.