Levítico 9:3 - Q'eqchi Bible

³ Ye reheb' laj Israel naq xchapaqeb' jun chib'aat cho'q mayej chirix li maak, jun saaj wakax ut jun karneer aj junq chihab' xyu'ameb' ut maak'a'aqeb' reek', re naq te'yeechi'imanq cho'q k'atb'il mayej.

Li Santil hu

³ Ta̱ye reheb laj Israel nak teꞌxqꞌue jun li te̱lom chiba̱t re xtzꞌa̱manquil xcuybal lix ma̱queb. Teꞌxqꞌue ajcuiꞌ jun li toro ut jun li carner re teꞌxcꞌat chokꞌ xmayej. Jun chihab cua̱nk reheb ut tzꞌakalakeb re ru.

Levítico 9:3 ပူးပေါင်းရင်းမြစ်များ

Esdras 6:17

Sa' li kutan a'an ke'xmayeja o'k'aal (100) chi teelom wakax, lajeek'aal (200) chi chib'aat, jun o'q'ob' (400) chi karneer, jo'wi' kab'laju teelom chib'aat cho'q loq'laj mayej chirix xmaakeb' chixjunileb' laj Israel, jo' chanru xk'ihal li xteepaleb'.

Apocalipsis 5:9

ut neke'xb'icha jun li ak' b'ich, yookeb' chi xyeeb'al: “Aak'ulub' xchapb'al li hu ut xteeb'al eb' li xtz'apleb', xb'aan naq katkamsiik ut rik'in laakik'el kaloq'eb' li winq ut li ixq cho'q re li Yos sa' xyanq chixjunileb' li xteepal ut xtenamit li ruuchich'och', yalaq chanru neke'ilok ut neke'aatinak;

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Tito 2:14

A'an kixq'axtesi rib' sa' qak'ab'a' laa'o re qakolb'al chiru chixjunil li maa'usilal, jo'wi' re reechaninkil jun xtenamit saq ru xch'ool, q'axtesinb'ilaq chi xb'aanunkil li us.

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

Levítico 4:23

Naq tixk'e reetal li maak xb'aanu, tento tixk'am cho'q xmayej junaq teelom chib'aat li maak'a'aq reek'.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Esdras 10:19

Eb' a'in ke'xye li raatineb' rik'in jurament naq te'xchaq'rab'iheb li rixaqileb', ut ke'xyeechi'i jun chib'aat cho'q xmayejeb' chirix li xmaakeb'.

Levítico 23:12

Ut sa' ajwi' li kutan a'an naq teeq'axtesi li jun joob' chi triiw, teeyeechi'i ajwi' junaq karneer aj jun chihab', li maak'a'aq reek', cho'q eek'atb'il mayej sa' xk'ab'a' li Qaawa'.

Levítico 16:15

Toja' naq tixkamsi li chib'aat jo' mayej chirix xmaakeb' li tenamit ut tixk'am li kik' chirix li t'ilkem; aran chisa' tixrachrachi chaq sa' xb'een ut chiru li tz'apleb', kama' xb'aanu rik'in xkik'el li saaj wakax.

Levítico 16:5

“Li xkomonileb' laj Israel te'xk'e re laj Aharón tixchap chaq wiib'aq chib'aat cho'q mayej chirix li maak ut junaq karneer jo' k'atb'il mayej.

Levítico 14:10

Sa' xwaqxaq li kutan tixchap wiib'aq li karneer li maak'a'eb' xyajel ut junaq ixqi karneer aj jun chihab', li maak'a'aq reek'. Tixchap ajwi' kaalaju liib'r li k'aj triiw li jwal chaab'il, cho'q mayej k'aj, yoq'inb'il rik'in aseeyt.

Levítico 12:6

“Naq akaq xe'nume'k chixjunileb' li kutan re xch'ajob'resinkil rib' chirix xyo'lajik li k'uula'al, us ta teelom malaj ch'ina ixqa'al, li na'b'ej tento tixk'am sa' rokeb'aal li Loq'laj Muheb'aal jun karneer aj jun chihab', re taayeechi'imanq cho'q k'atb'il mayej, ut jun mukuy malaj jun k'ook'ob' cho'q mayej chirix li maak. Tixq'axtesiheb' re laj tij,

Éxodo 12:5

Tento naq li xul maak'a'aq reek', teelomaq ut junchihab'aq xyu'am. Teesik' a'an sa' xyanqeb' li kok' karneer malaj chib'aat,

Génesis 37:31

Toja' naq eb' a'an ke'xxok li xjut-aq' laj José, ke'xkamsi jun ch'ina chib'aat ut ke'xtz'a li raq' laj José sa' li kik'.

Levítico 9:2

Ut kixye re laj Aharón: “Chap junaq saaj wakax cho'q mayej chirix li maak, ut junaq karneer li maak'a'aq reek', re naq taayeechi'imanq cho'q k'atb'il mayej, ut q'axtesiheb' chiru li Qaawa'.

Levítico 9:4

Te'xchap ajwi' junaq teelom wakax ut junaq karneer re xkamsinkil chiru li Qaawa' cho'q mayej re k'amok ib' sa' usilal. Xk'amaqeb' ajwi' chaq mayej k'aj puq'b'ilaq rik'in aseeyt, xb'aan naq li Qaawa' tixk'ut rib' chiruheb' sa' li kutan a'in”.

Levítico 10:16

Toja' naq laj Moisés kixpatz' b'ar wank li chib'aat namayejamank chirix li maak, ut kixk'e reetal naq ak k'atb'il chik. K'ajo' naq kijosq'o'k sa' xb'een laj Elehasar ut laj Itamar, ralaleb' laj Aharón li toj wankeb' chiru, ut kixye reheb':

Levítico 4:3

“Wi a' li xb'eenil aj tij namaakob'k, nakanaak li xmaak sa' xb'een li tenamit. Jo'kan naq tento tixmayeja chiru li Qaawa' junaq ch'ina wakax maak'a'aq reek', cho'q xmayej chirix li maak li xb'aanu.