Levítico 9:22 - Q'eqchi Bible

²² Toja' naq laj Aharón kixtaqsiheb' li ruq' ut kirosob'tesiheb' laj Israel; kixq'axtesi li mayej chirix li maak, li k'atb'il mayej ut li mayej re k'amok ib' sa' usilal, ut ki'elk chaq sa' li artal.

Li Santil hu

²² Nak quirakeꞌ xqꞌuebaleb li mayej re xtzꞌa̱manquil xcuybal li ma̱c ut li cꞌatbil mayej joꞌ ajcuiꞌ li mayej re xcꞌambal ribeb saꞌ usilal riqꞌuin li Dios, laj Aarón quixtaksi li rukꞌ saꞌ xbe̱neb li tenamit ut quixtzꞌa̱ma chiru li Dios nak ta̱rosobtesiheb li tenamit. Chirix aꞌan qui-el chiru li artal.

Levítico 9:22 ပူးပေါင်းရင်းမြစ်များ

San Lucas 24:50

Ut kixk'ameb' toj chi xk'atq Betania; kixtaqsiheb' li ruq' ut kirosob'tesiheb'.

Deuteronomio 21:5

“Chirix chik a'an te'chalq eb' laj tij, eb' li ralal xk'ajol laj Leví, xb'aan naq a'aneb' li sik'b'ileb' ru xb'aan li Qaawa' laaYos chi k'anjelak chiru ut chi osob'tesink sa' xk'ab'a' li Qaawa', ut a'aneb' yaaleb' re chi xk'uub'ankil ru chixjunil li ch'a'ajkilal ut chixjunil li sak'ok ib'.

1 Pedro 3:9

Mex'eeqajunk maa'usilal rik'in maa'usilal, chi moko hob'e'k rik'in hob'ok; chex'usilaatinanq b'an, xb'aan naq a'an a'in b'oqb'ilex wi' chaq: re naq teereechani leerosob'tesinkil.

Hechos 3:26

Xb'enwa cho'q eere laa'ex li Yos kixwaklesi chi yo'yo li Jesus li xmoos ut kixtaqla chaq cherosob'tesinkil, re naq li junjunq tixkanab' li xmaa'usilal”.

San Marcos 10:16

Ut kixq'aluheb' li kok'al, kixk'e li ruq' sa' xb'eeneb' ut kirosob'tesiheb'.

Salmos 72:17

Usilaatinanb'il taxaq xk'ab'a' chi junajwa ut wanqaq chi junelik kama' li saq'e! Osob'tesinb'ileb' taxaq chixjunileb' li tenamit sa' xk'ab'a' a'an. “Us xaq re”, cha'qeb' taxaq chixjunil li ruuchich'och'.

2 Crónicas 6:3

Chirix chik a'an li awab'ej kixsutq'isi rib' chi rosob'tesinkil chixjunil li xkomonileb' laj Israel li xaqxookeb' aran,

1 Crónicas 23:13

Eb' li ralal xk'ajol laj Amrán a'aneb' laj Aharón ut laj Moisés. Laj Aharón, jo'wi' eb' li ralal xk'ajol, ke'sik'e'k ru xb'aan li Yos re xk'eeb'al li loq'laj mayej chi junelik, re k'atok pom chiru li Qaawa', re k'anjelak ut osob'tesink chi junelik sa' xk'ab'a' li Yos.

1 Reyes 8:55

ut kirosob'tesi chixjunil li xkomonileb' laj Israel. Kixye chi kaw xyaab' xkux:

Deuteronomio 10:8

Sa'eb' li kutan a'an li Qaawa' kixxaqab'eb' li ralal xk'ajol laj Leví chi xpaqonkil li Loq'laj Kaax wan wi' li xSumwank li Qaawa', re naq wanqeb' chi k'anjelak chiru li Qaawa' ut te'xtz'aama li rosob'tesinkileb' li tenamit. Ut jo'kan ke'xb'aanu chalen toj anaqwan.

Éxodo 39:43

Toja' naq laj Moisés kiril chixjunil li xk'anjeleb' ut kixk'e reetal naq kiyaalo'k chixjunil: ke'xb'aanu chixjunil jo' tz'aqal yeeb'il chaq xb'aan li Qaawa'. Ut laj Moisés kirosob'tesiheb'.

Números 6:22

Li Qaawa' kixye ajwi' re laj Moisés: