Levítico 8:8 - Q'eqchi Bible

⁸ Chirix a'an kixk'e li pektoral sa' xb'een, ut sa' li pektoral kixk'e li Urim ut li Tumim.

Li Santil hu

⁸ Chirix aꞌan quixqꞌue li pectoral chire xchꞌo̱l. Ut chi saꞌ li pectoral quixqꞌue li Urim ut li Tumim.

Levítico 8:8 ပူးပေါင်းရင်းမြစ်များ

Esdras 2:63

Ut laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taapatz'oq chirixeb' rik'in li Urim ut li Tumim.

1 Ts 5:8

A'ut laa'o li reho li kutan wanqo chi aj'ajaq qu, qatiqib'aq qib' rik'in li koleb' ch'iich' nak'ehe'k xb'aan li paab'aal ut li rahok; ut li qakolb'al li yooko chi royb'eninkil, a'an chik'anjelaq qe jo' ruuchil li punit ch'iich'.

Efesios 6:14

Kawaq b'i' eerib' sa' leepaab'aal, jit'jooq leesa' rik'in li yaal ut tiqtooqex rik'in li tiikil ch'oolej re xkolb'al eerib'.

Isaías 59:17

Xk'e li tiikil ch'oolej cho'q koleb' ch'iich', ut li kolb'a ib' cho'q xpunit ch'iich'; xtiqib' rib' rik'in li eeqajunk jo' junaq xjut-aq', ut xk'e li xjosq'il chirix jo' xb'aatal.

Cantares 8:6

K'ehin cho'q kaaxt chiru laach'ool, jo' junaq kaaxt chiru laatelb', xb'aan naq jwal kaw rib' li Rahok jo' li Kamk, wank xwankil li Sowenak jo' li Xb'alb'a: li xxamlel li Rahok a'an tiqwal xam, tz'aqal xam li nachalk rik'in li Yos!

Números 27:21

Ab'an laj Josué tento toxk'ut rib' chiru laj Elehasar laj tij, ut a'in taapatz'oq wik'in, jo' chanru na'uxk rik'in li b'uulink, chiru li Qaawa'. Laj Josué a'an li taataqlanq sa' xb'een chixjunileb' laj Israel, sa' xb'een chixjunil li komonil, rik'in li k'aru te'xb'aanu”.

Deuteronomio 33:8

Cho'q re laj Leví kixye a'in: “Chak'e reheb' laj Leví laa'Urim ut laaTumim; chak'e reheb' li winq li nasaho'k wi' aach'ool, a' li kayal rixeb' aran Masá ut kaq'useb' chaq chire li ha' re Meribá.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

1 Samuel 28:6

Kipatz'ok rik'in li Qaawa', ab'an ink'a' kisumeek xb'aan a'an, chi moko sa' xmatk', chi moko chi b'uulinb'il, chi moko rik'in propeet.

Nehemías 7:65

Laj taqlanel sa' xb'een li tenamit kixram chiruheb' xtzekankil li k'aru jwal loq' toj reetal junaq aj tij taatz'iloq aatin chirix a'in rik'in li Urim ut li Tumim.

Éxodo 29:1

“Jo'ka'in taab'aanu rik'ineb' naq taaq'axtesiheb' we cho'q aj tij. Taachap jun ch'ina wakax ut wiib' karneer chi maak'a' reek'eb'.