Levítico 8:7 - Q'eqchi Bible

⁷ Kixk'e li jut-aq' chirix laj Aharón, kixb'ak' li xk'aamal xsa' ut kixtiqib' rik'in li xka'ta jut-aq'; kixk'e li efod sa' xb'een ut kixjit' chi kaw rik'in li xk'aamal.

Li Santil hu

⁷ Ut laj Moisés quixqꞌue chirix laj Aarón li rakꞌ li nim rok li nequeꞌxqꞌue toj chi saꞌ, túnica xcꞌabaꞌ. Ut quixqꞌue lix cꞌa̱mal xsaꞌ. Ut quixqꞌue ajcuiꞌ li rakꞌ jun chic li nequeꞌxqꞌue saꞌ xbe̱n, manto xcꞌabaꞌ. Chirix aꞌan quixqꞌue li efod ut quixbacꞌ riqꞌuin xcꞌa̱mal.

Levítico 8:7 ပူးပေါင်းရင်းမြစ်များ

Éxodo 28:4

A'aneb' a'in li raq' li te'xyiib': jun b'ools li wanq chire xch'ool, pektoral xk'ab'a', jun efod, jun jut-aq' pik'b'ilaq ru, jun chik li aq' li taak'eemanq sa' xb'een, jun punit ut jun xk'aamal xsa'. Te'xyiib' b'i' chi chaab'il eb' li raq' laj Aharón laawas jo'wi' li raq'eb' li ralal xk'ajol, re naq te'k'anjelaq chiwu cho'q aj tij.

Gálatas 3:27

Relik chi yaal naq jo'k'ihalex li ak kub'enaq eeha' re li Kriist, xetiqib' eerib' rik'in li Kriist.

Romanos 13:14

Tiqib'omaq eerib' rik'in li Qaawa' Jesukriist, ut mixik eech'ool chirix li maa'usilal re xb'aanunkil li nalajxrahi ru li qach'ool.

Romanos 3:22

Sa' xk'ab'a' xpaab'ankil li Jesukriist, li Yos naxtiikob'resi xch'ooleb' chixjunileb' li neke'paab'ank re, xb'aan naq juntaq'eet narileb' chixjunil:

Isaías 61:10

K'ajo' naq nasaho'k linch'ool rik'in li Qaawa', jwal nim li xsahil li waanm rik'in linYos, xb'aan naq xinxtiqib' rik'in li xkolom ut xinxlan rik'in li xtiikilal jo' rik'in junaq b'aatal, kama' li b'eelomej naxk'e li xkoroon chi xjolom ut li ixaqilb'ej naxtiqib' rib' rik'in li xchaq'alil ru q'ol.

Isaías 61:3

Ut laa'in tento tink'e xkorooneb' laj Sión li ra wankeb', ruuchil li cha; tinhoy li sununkil b'an sa' xb'eeneb', jo' ruuchil li tz'uyink; tento teb'intiqib' rik'in chaab'il aq'ej, jo' ruuchil li rahil ch'oolej. “Xche'el li tiikilal” chik te'xk'ab'a'in, awb'ileb' xb'aan li Qaawa' re xk'utb'al li xloq'al.

Éxodo 29:5

Taachap raq'eb' ut taatiqib' laj Aharón rik'in li jut-aq', li efod, li t'ikr wank sa' xb'een li efod ut li pektoral li taajit' chiru xk'aamal li efod.

Éxodo 28:2

Taayiib' chi chaab'il li raq' laj Aharón laawas, re naq chik'utunq li xloq'al ut li xwankilal.

Éxodo 28:6

“Yiib'anb'ilaq chi chaab'il li efod rik'in oor, kaqinoq' ut moraad, rik'in kaqjorinkil noq' ut b'aqb'il liin li jwal chaab'il.

1 Samuel 2:28

Sa' xyanqeb' chixjunileb' li xteepal laj Israel kinsik' ru laajunkab'al, re naq a'anaqeb' aj tij chiwu, re te'mayejaq sa' xb'een lin'artal, jo'wi' te'k'atoq pom ut te'xk'am li efod chiwu. Kink'e ajwi' reheb' laaxe'toonil yuwa' naq te'tz'aq sa' chixjunileb' li xmayejeb' laj Israel.

Ezequiel 42:14

Naq eb' laj tij te'ok sa' li xsantil ochoch li Qaawa', ink'a' chik te'elq chaq, wi maji' te'xkanab' li raq'eb' li xe'k'anjelak wi' chiru li Yos, xb'aan naq sant ajwi' li raq'eb'. Naq te'q'axonq rik'ineb' li poyanam, tento naq jalan chik li raq'eb' te'xk'e chirixeb'”.