Levítico 8:35 - Q'eqchi Bible

³⁵ Jo'kan naq laa'ex tento texkanaaq chi kutan ut chiru li q'oqyink sa' rokeb'aal li Loq'laj Muheb'aal, chiru wuqub' kutan. Teepaab' li xchaq'rab' li Qaawa' ut ink'a' texkamq, xb'aan naq a'an a'in linchaq'rab'inkil”.

Li Santil hu

³⁵ Texcana̱k chiru li oqueba̱l re li tabernáculo chiru cuukub cutan ut cuukub kꞌojyi̱n. Te̱ba̱nu joꞌ xye li Ka̱cuaꞌ re nak incꞌaꞌ texca̱mk xban nak joꞌcan quixye cue li Ka̱cuaꞌ, chan laj Moisés.

Levítico 8:35 ပူးပေါင်းရင်းမြစ်များ

1 Reyes 2:3

Chapaab' li xtaqlahom li Qaawa' laaYos. Chapaab' li raatin, li xq'usum, li xtijleb' ut li xchaq'rab' xtz'iib'ahom laj Moisés, re naq us tat-elq sa' chixjunil li taab'aanu yalaq b'ar tatxik.

Deuteronomio 11:1

“Chera li Qaawa' leeYos ut chepaab' chi junelik chixjunil li aatin, li xtaqlahom, li xchaq'rab' ut leechaq'rab'inkil.

Números 9:19

Jo'kan ajwi' wi li choql nakanaak sa' xb'een li Loq'laj Na'ajej chiru k'iila kutan, eb' laj Israel neke'xroxloq'i li xtaqlahom li Qaawa' ut ink'a' neke'elk.

Números 3:7

Te'xtenq'a laj Aharón ut te'xb'aanu li tento sa' xb'een chixjunil li komonil chiru li Loq'laj Muheb'aal, rik'in k'anjelak sa' li Loq'laj Na'ajej.

Hebreos 7:28

Eb' li neke'xaqab'aak cho'q xyuwa'ileb' aj tij xb'aan li xChaq'rab' laj Moisés a'aneb' winq li wankeb' sa' xtoq'ob'aal ru; a'ut li raatin li jurament li kichalk moqon toj chirix li Chaq'rab', naxxaqab' li K'ajolb'ej cho'q xyuwa'il aj tij, a'an tz'aqal re ru chi junajwa.

2 Timoteo 4:1

Chiru li Yos ut li Kristo Jesus li taaraqoq aatin sa' xb'eeneb' li yo'yookeb' ut kamenaqeb', nintz'aama ut nawelaji chawu sa' xk'ab'a' li xk'utb'esinkil rib' ut sa' xk'ab'a' li xnimajwal awab'ejihom:

1 Timoteo 6:20

At Timoteo, chawil chi us li k'aru q'axtesinb'il aawe. Mat-okenk rik'in li seeraq' maak'a' na'ok wi' jo'wi' rik'in wech'ij ib' nachalk sa' b'alaq'il na'leb'.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

1 Timoteo 6:13

Nintz'aama usilal chiru li Yos li nak'ehok xyu'am chixjunil li k'a'aq re ru ut chiru li Jesukriist li kixch'olob' chi us xyaalal chiru laj Poncio Pilaat:

1 Timoteo 5:21

Nintz'aama chawu sa' xk'ab'a' li Yos, sa' xk'ab'a' li Kristo Jesus ut eb' li ánjel sik'b'ileb' ru, naq taapaab' chixjunil a'in sa' tiikilal, chi ink'a' tiitooq ru anihaq aab'aan.

1 Timoteo 1:18

A'an a'in laachaq'rab'inkil inb'aan, at walal Timoteo, jo' chanru yeeb'il chaq chawix junxil xb'aan raatineb' li propeet. Sa' xk'ab'a'eb' a'an chayal aaq'e chi xb'aanunkil li chaab'il k'anjel a'in;

2 Corintios 7:1

Ex was wiitz'in raarookex inb'aan, qe laa'o yeechi'inb'il chaq chixjunil a'an. Jo'kan naq qach'ajob'resiiq qib', qisihaq chixjunil li tz'ajnil wank chiqix ut li xtz'ajnil li musiq'ej, qoxloq'iiq li Yos ut qatz'aqob'resiiq ru li qasantilal.

Ezequiel 48:11

A'an li ch'och' taakanaaq cho'q reheb' laj tij, a'eb' li ralal xk'ajol laj Sadok li xe'xb'aanu link'anjel ut ink'a' xe'xtaaqe xb'eheb' laj Israel jo' xe'xb'aanu eb' li ralal xk'ajol laj Leví naq xine'xtz'eqtaana.

Ezequiel 43:25

Wulaj wulaj taamayeja junaq teelom chib'aat chirix li maak, jo' ajwi' jun saaj wakax ut jun karneer xkomoneb' li maak'a'eb' reek', xkomoneb' leeketomq. A'in taa'uxmanq chiru wuqub' kutan.

Números 19:12

Tixch'ajob'resi rib' chiru li osob'tesinb'il ha' sa' rox ut xwuq kutan, ut ch'ajob'resinb'il taakanaaq.

Levítico 14:8

“Ani tixch'ajob'resi rib' tento tixpuch' li raq', tixch'aj rib' xjunes ut tixjo chixjunil li rismal, re naq taakanaaq chi ch'ajob'resinb'il. Chirix chik a'an taaruuq chi ok sa' li tenamit, ab'an toj wuqub' kutan chik tento twanq chirix li xmuheb'aal.

Levítico 10:1

Laj Nadab ut laj Abihú, ralaleb' laj Aharón, ke'xchap junjunqeb' xsansaar, ke'xk'e xam ut pom chisa' ut ke'xyeechi'i chiru li Qaawa' jun li xam moko xk'ulub' ta li Yos. Ink'a' ke'xb'aanu jo' kixye li Qaawa'.

Levítico 8:30

Laj Moisés kixchap ajwi' kach'in li aseeyt re yuluk ut li kik' li wank sa' xb'een li artal, ut kixrachrachi sa' xb'eeneb' laj Aharón ut eb' li ralal xk'ajol, jo' ajwi' sa' xb'een li raq'eb' jo' aj tij. Kama'an naq kirosob'tesiheb' laj Aharón jo'wi' eb' li ralal xk'ajol, ut li raq'eb' jo' aj tij.

Éxodo 29:35

“B'aanu b'i' re laj Aharón ut reheb' li ralal li xatinchaq'rab'i chi xb'aanunkil. Chiru wuqub' kutan b'aanu li k'anjel a'in re xxaqab'ankileb' cho'q aj tij.

Levítico 8:34

Li Qaawa' kixye naq li xtz'aamankil xtojb'al rix leemaak, chib'aanumanq jo' xb'aanumank anaqwan.

Levítico 8:36

Ut laj Aharón rochb'eeneb' li ralal xk'ajol ke'xb'aanu chixjunil li k'aru xyehom li Qaawa' re laj Moisés.