Levítico 8:31 - Q'eqchi Bible

³¹ Toja' naq laj Moisés kixye reheb' laj Aharón ut eb' li ralal: “Chiqomaq li tib' sa' rokeb'aal li Loq'laj Muheb'aal. Tiwomaq aran ajwi', rochb'een li wa wank sa' chakach re li ok cho'q aj tij, jo' tz'aqal kixye we li Qaawa': «Laj Aharón ut eb' li ralal xk'ajol te'xtiw li tib' a'in».

Li Santil hu

³¹ Ut laj Moisés quixye re laj Aarón ut reheb li ralal: —Te̱chik li tib aꞌin chiru li oqueba̱l re li tabernáculo. Ut aran ajcuiꞌ te̱tzaca rochben li caxlan cua li cuan saꞌ li chacach, li quiqꞌueheꞌ cuiꞌ li mayejanbil caxlan cua re xkꞌaxtesinquileb laj tij chiru li Ka̱cuaꞌ. Te̱ba̱nu chi joꞌcan xban nak li Ka̱cuaꞌ quixye cue: “Laj Aarón ut eb li ralal teꞌxtzaca li tzacae̱mk aꞌin,” chan.

Levítico 8:31 ပူးပေါင်းရင်းမြစ်များ

Gálatas 2:20

Moko laa'in ta chik yo'yookin, a' b'an li Kriist yo'yo wik'in. Linyu'am li wank sa' ruuchich'och' anaqwan, wank chik rik'in naq ninpaab' li Ralal li Yos li kirahok we ut kixq'axtesi rib' sa' ink'ab'a'.

San Juan 6:51

Laa'in li yo'yookil wa xinkub'e chaq sa' choxa. Li taawa'oq re li wa a'in, yo'yooq chi junelik; ut li wa tink'e laa'in, a'an lintz'ejwal re twanq xyu'am li ruuchich'och'”.

San Juan 6:35

Kixye li Jesus reheb': —Laa'in li yu'am wa. Ani taachalq wik'in ink'a' taatz'okaaq, ut li taapaab'anq we maajaruj taachaqiq re.

San Juan 6:33

Xb'aan naq li xwa li Yos a'an li nakub'e chaq sa' choxa ut naxk'e xyu'am li ruuchich'och'.

Levítico 10:17

—K'a'ut naq ink'a' xetzeka li mayej chirix li maak sa' junaq osob'tesinb'il na'ajej? Q'axal loq' li mayej a'an, ut li Qaawa' kixk'e eere re naq laa'ex tex'iiqaninq re xmaakeb' li komonil ut teetoj rix xmaakeb' chiru li Qaawa'.

Levítico 7:15

“Li xtib'el li xul xyeechi'imank re b'anyoxink ut k'amok ib' sa' usilal rik'in li Yos, tento xtzekankil sa' ajwi' xkutankil li mayejak. Ink'a' naru xk'uulankil kach'inaq re li kutan jun chik.

Levítico 6:28

Li ch'och' uk'al b'arwi' xchiqmank li tib' re li mayej, tento xjorb'al. Ab'an wi xchiqmank sa' junaq uk'al q'anch'iich', tz'aqal rik'in naq te'xji' xsa' ut te'xch'aj chi us.