Levítico 8:23 - Q'eqchi Bible

²³ Toja' naq laj Moisés kixset chi xkux, kixxok kach'in li xkik'el ut kixyul chi rub'el xxik laj Aharón, a' li wank sa' xseeb'al, kixyul ajwi' chiru xna' ru'uj ruq' ut chiru li xna' ru'uj roq, a' li wank sa' xseeb'al.

Li Santil hu

²³ Laj Moisés quixcamsi li carner. Quixxoc lix quiqꞌuel ut quixqꞌue caꞌchꞌin saꞌ lix xic laj Aarón li cuan saꞌ xnim. Ut quixqꞌue ajcuiꞌ saꞌ li ruꞌuj rukꞌ nim li cuan saꞌ xnim ukꞌ ut saꞌ li ruꞌuj rok nim li cuan saꞌ xnim ok.

Levítico 8:23 ပူးပေါင်းရင်းမြစ်များ

Éxodo 29:20

Naq akaq xakamsi, taaxok xkik'el ut rik'in a'an taayul chi rub'el xxik laj Aharón li wank sa' xnim; jo'kan ajwi' taab'aanu reheb' li ralal xk'ajol. Taayuleb' ajwi' li xna' li ru'uj ruq' ut li xna' ru'uj roq li wankeb' sa' xnimeb', ut taarachrachi chi kik' chixjunil xsutam li artal.

Levítico 14:17

Rik'in rela' li aseeyt taakanaaq sa' li ruq', laj tij tixchap b'ayaq re tixyul chi xq'unal li xik li wank sa' xseeb'al li taach'ajob'resiiq, ut tixyul ajwi' chiru xna' ru'uj ruq' ut chiru xna' ru'uj roq, li wankeb' sa' xseeb'al, sa' xb'een xkik'el li mayej chirix li maak.

Levítico 14:14

“Chirix chik a'an laj tij tixchap b'ayaq xkik'el li mayej chirix li maak ut tixyul chi xq'unal li xik li wank sa' xseeb'al li taach'ajob'resiiq; tixyul ajwi' chiru xna' ru'uj ruq' ut chiru li xna' ru'uj roq li wankeb' sa' xseeb'al.

Filipenses 2:17

Us ta taa'isiiq linkik'el ut taahoye'q sa' xb'een leeloq'laj yeechi'om b'arwi' nekemayeja leepaab'aal, maak'a' naxye, taasaho'q raj sa' inch'ool ut tintz'aqonq raj sa' xsahil leeraanm.

Filipenses 1:20

A'in tz'aqal li ninyo'oni ut nawoyb'eni: naq maak'a' k'aru tinxutaanaq wi'. Us ta yo'yooqin malaj ut kamenaqaqin, k'ojk'o inch'ool naq anaqwan ut junelik li Kriist taanimaaq xloq'al wik'in.

1 Corintios 6:20

Loq'b'ilex chi terto eetz'aq! Loq'onimaq b'i' li Yos rik'in leetz'ejwal.

1 Corintios 1:30

Yal xb'aan rusilal li Yos naq wankex rik'in li Kristo Jesus: a'in kixaqab'aak xb'aan li Yos cho'q aj k'ehol qana'leb', cho'q xyo'leb'aal li tiikil ch'oolej jo'wi' xyo'leb'aal li santob'resink ut li kolb'a ib',

1 Corintios 1:2

nintz'iib'ak rik'in li x'Iklees li Yos li wank Korinto, eerik'in laa'ex li santob'resinb'ilex sa' xk'ab'a' li Kristo Jesus, eerik'in laa'ex li b'oqb'ilex chi wank sa' santilal, eerochb'een chixjunileb' li neke'xyaab'a xk'ab'a' li Qaawa' Jesukriist yalaq b'ar, a'an li qaQaawa' laa'o ut xQaawa' li santil tenamit.

Romanos 12:1

Nintz'aama b'i' cheru, ex was wiitz'in, sa' xk'ab'a' li xnimal ruxtaan li Yos, naq cheq'axtesi leeyu'am jo' yo'yookil mayej, sant, jo' nawulak chiru li Yos. A'an a'in li tz'aqal mayejak q'axal xk'ulub'.

Romanos 6:19

(Yookin chi aatinak kama' nokoo'aatinak arin sa' ruuchich'och', xb'aan xmajelal leena'leb'). Kama' naq xek'e chaq leeroq leeruq' cho'q moos re li muxuk ib' ut li q'etb'a aatin re naq te'numtaaq sa' eeb'een, jo'kan naq cheq'axtesi anaqwan leeroq leeruq' chi k'anjelak chiru li tiikil ch'oolej ut re li santilal.

Romanos 6:13

Chi moko chek'e leeroq leeruq' re xb'aanunkil li maak, cho'q xk'anjelob'aal li ink'a' us; cheq'axtesi b'an eerib' re li Yos jo'kex li kamenaq yo'lajenaqeb' wi' chik, ut chek'e leeroq eeruq' cho'q xk'anjelob'aal li tiikil ch'oolej, cho'q re li Yos.

Levítico 14:28

Tixyul ajwi' b'ayaq li aseeyt chi rub'el li xxik li taach'ajob'resiiq, chiru li ru'uj ruq' ut chiru li ru'uj roq a' li wankeb' sa' xseeb'al, naraj naxye b'arwi' xk'eemank li xkik'el li mayej chirix li maak.

Hebreos 5:8

Us ta a'an K'ajolb'ej, ab'an kixtzol paab'ank rik'in li rahilal kixk'ul.

Hebreos 2:10

Xk'ulub' ajwi' naq li Yos, a'an li xtiklajik ut rosob'l chixjunil, tixk'ameb' sa' xnimal xloq'al naab'aleb' ralal xk'ajol sa' xk'ab'a' li rahilal xkanaak wi' chi tz'aqal re ru li Jesus, a'an laj k'amol b'e sa' li kolb'a ib'.

1 Ts 5:22

Chekolaq eerib' chiru chixjunil li k'a'aq re ru chi maa'usilal.

Éxodo 29:21

Chirix chik a'an taaxok b'ayaq li kik' li wank sa' xb'een li artal jo' ajwi' aseeyt re yuluk, ut taarachrachi sa' xb'een laj Aharón ut sa' xb'een li raq', rochb'eeneb' li ralal xk'ajol ut li raq'eb'. Chi jo'kan q'axtesinb'ilaq we li ralal ut li raq'eb'.

Levítico 7:37

A'an a'in li chaq'rab' chirix li k'atb'il mayej, li mayej k'aj, li mayej chirix li maak ut li xtojb'al rix li maak, li mayej re ok cho'q aj tij ut li mayej re k'amok ib' sa' usilal.

Levítico 14:25

Tixset xkux li karneer taamayejamanq chirix li maak, tixchap b'ayaq li xkik'el li karneer ut tixyul chi rub'el li xxik li taach'ajob'resiiq, ut chiru ajwi' li xna' ru'uj ruq' ut chiru li xna' ru'uj roq, a' li wankeb' sa' xseeb'al.