Levítico 8:2 - Q'eqchi Bible

² “B'oq chaq laj Aharón ut eb' li ralal xk'ajol, ut k'am chaq li t'ikr li neke'roksi eb' laj tij, li aseeyt re osob'tesink, junaq saaj wakax li namayejamank chirix li maak, li wiib' chi karneer ut li xchakachil li kaxlan wa maak'a' xyu,

Li Santil hu

² —Ta̱xakabeb laj Aarón ut eb li ralal chi cꞌanjelac chokꞌ aj tij. Ta̱cꞌameb chiru li oqueba̱l re li tabernáculo. Ut ta̱cꞌam ajcuiꞌ li rakꞌeb laj tij ut li aceite re xqꞌuebal saꞌ xjolomeb. Ta̱cꞌam junak li toro li ta̱mayeja̱k re xtzꞌa̱manquil xcuybal lix ma̱queb. Ut ta̱cꞌameb ajcuiꞌ cuib li carner te̱lom ut li chacach li cuan cuiꞌ li caxlan cua li ma̱cꞌaꞌ xchꞌamal.

Levítico 8:2 ပူးပေါင်းရင်းမြစ်များ

Hebreos 7:27

Ink'a' aajel ru naq taamayejaq rajlal kutan xb'enwa chirixeb' li xmaak xjunes rib' jo' neke'xb'aanu eb' li xyuwa'il aj tij, ut moqon chik chirix li xmaakeb' li tenamit. Xb'aan naq jun sut ajwi' kimayejak li Jesus ut chi junwaakaj, naq kixyeechi'i rib'.

Éxodo 39:41

eb' li raq'eb' laj tij li te'raq'u naq te'k'anjelaq sa' li Loq'laj Na'ajej, a' li xloq'laj aq' laj Aharón laj tij jo' ajwi' li raq'eb' li ralal naq te'k'anjelaq cho'q aj tij.

Éxodo 28:40

“Taayiib' xjut-aq' eb' li ralal xk'ajol laj Aharón. Taayiib' ajwi' xk'aamal xsa'eb' ut xpuniteb', re naq taak'utunq li xloq'aleb' ut li xwankilaleb'.

Éxodo 28:1

“Sa' xyanqeb' laj Israel xinsik' ru laj Aharón laawas ut eb' li ralal, re te'k'anjelaq chiwu cho'q aj tij. A'aneb' laj Nadab, laj Abihú, laj Elehasar ut laj Itamar, ralaleb' laj Aharón. Chapatz' b'i' reheb' naq te'nach'oq aawik'in.

Levítico 6:10

Laj tij tixlan rib' rik'in t'ikr ut tixk'e xta xwex malaj xyach'. Chirix chik a'an tixxok xchahil li xul li xk'atmank sa' xb'een li artal, ut tixk'e chi xk'atq li artal.

Levítico 8:1

Li Qaawa' kiraatina laj Moisés ut kixye re:

Levítico 8:3

ut taach'utub'eb' chixjunil li komonil sa' rokeb'aal li Loq'laj Muheb'aal”.

Levítico 8:10

Chirix a'an laj Moisés kixchap li aseeyt re osob'tesink ut kixkirkiri li Loq'laj Muheb'aal ut chixjunil li k'aru wank chisa', ut chi jo'kan kirosob'tesi.

Levítico 8:18

Laj Moisés kixye naq chijilosiiq chaq li karneer li taayeechi'imanq cho'q k'atb'il mayej, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom.

Levítico 8:22

Chirix chik a'an laj Moisés kixye naq che'xk'am chaq li karneer jun chik, a' li taak'anjelaq re ok cho'q aj tij, ut laj Aharón rochb'eeneb' li ralal xk'ajol ke'xk'e li ruq'eb' sa' xb'een xjolom.