Levítico 8:15 - Q'eqchi Bible

¹⁵ Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

Li Santil hu

¹⁵ Ut laj Moisés quixcamsi li toro. Quixxoc lix quiqꞌuel ut riqꞌuin li ruꞌuj rukꞌ quixqꞌue li quicꞌ chiru li xucub li cuanqueb saꞌ xca̱ xucu̱til li artal re xsantobresinquil chiru li Ka̱cuaꞌ. Ut li quicꞌ li joꞌ qꞌuial chic quicana quixhoy saꞌ xto̱n li artal. Joꞌcaꞌin nak quixkꞌaxtesi li artal chiru li Ka̱cuaꞌ li teꞌmayejak cuiꞌ laj tij.

Levítico 8:15 ပူးပေါင်းရင်းမြစ်များ

Levítico 4:7

Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Hebreos 2:17

Jo'kan naq tento kixjuntaq'eeta rib' sa' chixjunil rik'ineb' li ras riitz'in re naq a'anaq xyuwa'il aj tij aj uxtaan ut tiik xch'ool chiru li Yos, re xtojb'al rix xmaakeb' li tenamit.

Efesios 2:16

Kixjuk' xwankil li xik'il uuchink sa' xk'ab'a' li xkamik chiru krus ut kixk'ameb' wi' chik sa' usilal rik'in li Yos eb' laj Judiiy ut eb' li junch'ol, re naq junajaqeb' aj chik chi tenamit te'kanaaq chi xkab'ichaleb'.

Romanos 5:10

Naq toj xik' naqil chaq li Yos, xook'ame'k wi' chik sa' usilal rik'in sa' xk'ab'a' xkamik li Ralal; ma ink'a' tab'i' q'axal tooxkol chik anaqwan sa' xk'ab'a' li xyu'am naq k'amb'ilo chik sa' usilal rik'in li Yos?

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Ezequiel 45:20

Jo'kan ajwi' taa'uxmanq sa' xwuq li kutan re li po, re xpatz'b'al xkuyb'al li xmaak li ani xmaakob'k chi ink'a' xk'ehom reetal malaj ink'a' rajom xch'ool. Chi jo'kan taach'ajob'resiiq li santil ochoch.

2 Crónicas 29:24

Eb' laj tij ke'xkamsiheb' li xul ut ke'xmayeja li kik' sa' xb'een li artal re xtz'aamankil xkuyb'al xmaakeb' chixjunileb' laj Israel, xb'aan naq li awab'ej kiyehok naq li k'atok xul ut li mayejak chirix li maak wanq sa' xk'ab'a'eb' chixjunileb' laj Israel.

Levítico 16:20

“Naq ak xraqe'k laj Aharón chi xch'ajob'resinkil li Santil Na'ajej, li Loq'laj Muheb'aal ut li artal, tixtaqla xk'amb'al li chib'aat li toj yo'yo,

Levítico 6:30

Ab'an ink'a' naru xtzekankil junaq xul li xmayejamank chirix li maak, wi li xkik'el xk'ame'k sa' Loq'laj Muheb'aal re xtz'aamankil xkuyb'al li maak sa' li Santil Na'ajej. Li mayej a'an tento taak'atmanq chixjunil.

Levítico 4:30

Toja' naq laj tij tixchap rik'in ru'uj ruq' b'ayaq li kik' ut tixyul chiru li xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 3:8

tixk'e li ruq' sa' xb'een li xjolom ut chirix a'an tixyok' li xkux chire li Loq'laj Muheb'aal. Toja' naq eb' laj tij te'xrachrachi li xkik'el li xul chi xsutam li artal.

Levítico 3:2

Ani taaq'axtesinq li mayej, tixk'e li ruq' sa' xb'een xjolom li xul tixyeechi'i, ut chirix a'an tixyok' li xkux sa' rokeb'aal li Loq'laj Muheb'aal. Ut eb' laj tij te'xrachrachi li xkik'el chi xsutam li artal.

Levítico 1:11

Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Números 8:12

Eb' laj Leví te'xk'e li ruq'eb' sa' xb'een xjolomeb' li wakax, ut laa'at taamayeja li jun chirix li kuyuk maak ut li jun chik taamayeja chi k'atb'il re xsachb'al li xmaakeb' laj Leví chiru li Qaawa'.