Levítico 7:2 - Q'eqchi Bible

² Li xul nayeechi'imank chirix li maak tento naq setb'ilaq li xkux sa' li na'ajej b'arwi' neke'kamsiik li k'atb'il mayej, ut li xkik'el tento xrachrachinkil chi xsutam li artal.

Li Santil hu

² Li mayej xul aꞌin teꞌxcamsi saꞌ li naꞌajej li nequeꞌxcamsi cuiꞌ li cꞌatbil mayej. Ut lix quiqꞌuel teꞌxrach saꞌ xbe̱n li artal joꞌ ajcuiꞌ chixjun sutam.

Levítico 7:2 ပူးပေါင်းရင်းမြစ်များ

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.

Levítico 6:25

“Ch'olob' chiru laj Aharón ut chiruheb' li ralal xk'ajol li chaq'rab' a'in chirix li mayejak chirix li maak, tento taasetmanq li xkux chiru li Qaawa', sa' li na'ajej b'arwi' neke'kamsiik li xul li te'k'atmanq. Q'axal loq' li mayej a'in.

Levítico 1:11

Tento naq tixyok' li xkux sa' xjayal releb'l iq' chi xk'atq li artal, chiru li Qaawa'. Eb' li ralal xk'ajol laj Aharón ut eb' laj tij te'xk'irk'isi li xkik'el li xul chi xsutam li artal.

1 Pedro 1:2

jo' ki'alaak chaq sa' xch'ool li Yos Yuwa'b'ej, rik'in li santob'resink naxb'aanu li Musiq'ej, re xpaab'ankil li Jesukriist ut re xk'ulb'al leech'ajob'resinkil rik'in li xkik'el. Chiwanq taxaq eerik'in li usilal ut li tuqtuukilal chi numtajenaq.

Hebreos 12:24

Xexjilok chi xk'atq li Jesus, li na'okenk chirix li ak' Sumwank; xexjilok rik'in li kik' nokooxch'ajob'resi, li q'axal chaab'il chik na'aatinak chiqix chiru li xkik'el laj Abel.

Hebreos 11:28

Sa' xk'ab'a' li xpaab'aal kixninq'ehi li Paswa ut kixtaqlaheb' laj Israel chi xkirkisinkil li kik' re naq laj Kamsinel ink'a' tixch'e'eb' li xb'een ralaleb'.

Ezequiel 40:39

Ut sa' xmu li okeb'aal wank ka'kab' chi meex sa' xjunqpak'alil; sa' xb'eeneb' li meex a'an neke'kamsiik eb' li mayej xul re li k'atb'il mayej malaj chirix li kuyuk sachok maak.

Ezequiel 36:25

Texinkirkisi chi chaab'il ha', ut ch'ajob'resinb'il chik texkanaaq; twisi eerik'in chixjunil leemaa'usilal ut texinch'ajob'resi re naq ink'a' chik teeloq'oniheb' li jalanil yos.

Isaías 52:15

jo'kan ajwi' naab'aleb' li tenamit te'sachq xch'ool ut eb' li awab'ej mem aj chik te'kanaaq, xb'aan naq te'ril li maajun wa seeraq'inb'il reheb' ut te'xka'ya li maajun wa rab'ihomeb'.

Números 6:12

tixq'axtesi rib' re li Qaawa' chiru chixjunil li kutan jo' xyeechi'om rib', ut tixmayeja jun chib'aat aj jun chihab' re rak'ob'resinkil wi' chik li xyeechi'om. Ink'a' chik taak'ehe'q sa' ajl eb' li kutan xe'nume'k xb'enwa, xb'aan naq xmuxe'k li rismal xjolom.

Levítico 5:9

Chirix a'an tixrachrachi b'ayaq xkik'el li xul xmayejamank chirix li maak chi xk'atq li artal, ut li kik' taa'ela'anq tixhoy sa' xtoon li artal, xb'aan naq a'an mayej re kuyuk sachok maak.

Levítico 4:33

Tixk'e li ruq' sa' xb'een xjolom li karneer ut tixyok' li xkux cho'q mayej chirix li maak, sa' li na'ajej b'arwi' neke'kamsiik li xul nak'atmank.

Levítico 4:29

Tixk'e li ruq' sa' xb'een xjolom li xul li naxyeechi'i chirix li maak, ut tixyok' li xkux sa' xna'aj li k'atb'il mayej.

Levítico 4:24

Toja' naq tixk'e li ruq' sa' xb'een xjolom li teelom chib'aat ut tixyok' li xkux chiru li Qaawa', sa' li na'ajej b'arwi' neke'kamsiik eb' li xul li neke'k'ate'k. Li mayej a'in, a'an mayej chirix li maak.

Levítico 3:8

tixk'e li ruq' sa' xb'een li xjolom ut chirix a'an tixyok' li xkux chire li Loq'laj Muheb'aal. Toja' naq eb' laj tij te'xrachrachi li xkik'el li xul chi xsutam li artal.

Levítico 3:2

Ani taaq'axtesinq li mayej, tixk'e li ruq' sa' xb'een xjolom li xul tixyeechi'i, ut chirix a'an tixyok' li xkux sa' rokeb'aal li Loq'laj Muheb'aal. Ut eb' laj tij te'xrachrachi li xkik'el chi xsutam li artal.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Levítico 5:7

“Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Levítico 5:16

Li poyanam a'an tento tixtoj li xb'alaq'ik wi' sa' li k'a'aq ru jwal loq'; tixk'e chik junqmay sa' xb'een li o'taqk'aal ut tixq'axtesi chixjunil re laj tij. Chirix a'an, rik'in li karneer taayeechi'imanq chirix li maak, laj tij taamayejaq re xtojb'al rix li xmaak li poyanam a'an, ut taakuye'q li xmaak.

Levítico 6:7

Toja' naq laj tij taamayejaq chiru li Qaawa' re xtojb'al rix li xmaak li poyanam a'an, ut li maak taakuye'q, a' yaal k'aru chi maakil xb'aanu”.

Levítico 14:13

Tento tixkamsi li karneer sa' li na'ajej b'arwi' na'uxk xsetb'al xkuxeb' li xul chirixeb' li maak ut re li k'atb'il mayej. Li mayej chirix li maak taakanaaq cho'q re laj tij; jo'kan ajwi' li mayej re xtojb'al rix li maak, xb'aan naq a'an q'axal loq'.