Levítico 7:19 - Q'eqchi Bible

¹⁹ “Wi wank k'aru natz'ajnink taanaq chiru li tib', ink'a' chik taaruuq xtzekankil; yal rehaq aj chik k'ate'k. “Chixjunileb' li ink'a' muxb'ileb', te'ruuq chi tiwok tib'.

Li Santil hu

¹⁹ Ut cui li tib nanak chiru li muxbil ru, incꞌaꞌ naru ta̱tzaca̱k. Tento ban xcꞌatbal. Abanan li tib li incꞌaꞌ muxbil ru naru teꞌxtzaca li incꞌaꞌ queꞌxmux ribeb.

Levítico 7:19 ပူးပေါင်းရင်းမြစ်များ

Tito 1:15

Li saqeb' ru xch'ool chixjunil li k'a'aq re ru maak'a' xtz'ajnil cho'q reheb'; ab'an cho'q reheb' li muxb'ileb' ut li ink'a' neke'paab'ank maak'a' k'aru saq ru chiruheb' xb'aan naq tz'ajninb'il li xk'a'uxeb' ut li xch'ooleb'.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

Romanos 14:20

Maajuk' xb'aanuhom li Yos xb'aan junaq tzekemq. Relik chi yaal naq chixjunil maak'a' xtz'ajnil; ab'anan wi rik'in li k'aru natzekamank nawank luktesink ch'oolej, a'an moko us ta.

Romanos 14:14

Ninnaw chi us ut ch'olch'o chiwu sa' xk'ab'a' li Qaawa' Jesus naq maak'a' k'aru tz'aj yal ta xjunes rib'; ab'an wi ani nak'oxlank re naq tz'aj junaq k'a' re ru, tz'aj ka'ajwi' cho'q re a'an.

Hechos 10:28

Ut kixye reheb': —Laa'ex nekenaw naq ink'a' us cho'q re junaq aj judiiy xjunajinkil rib' rik'in junaq jalan xtenamit chi moko taaruuq taa'ok sa' rochoch. Ab'anan li Yos xk'ut chiwu naq maa'ani naru xtz'eqtaanankil, chi moko naru xyeeb'al naq a'an tz'ajn ru.

San Lucas 11:41

Chek'ehaq cho'q eetenq'aal jo'nimal li wank eerik'in, ut chi jo'kan saqaq ru chixjunil cho'q eere.

Levítico 6:27

Yalaq k'aru taach'e'oq re xtib'el li xul taakanaaq chi osob'tesinb'il. Ut wi li aq'ej taanaq kik' chiru, tento taapuch'manq sa' junaq santil na'ajej.

Levítico 7:18

Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.

Levítico 7:20

“Ab'anan wi junaq poyanam xmuxum rib' ut tixtzeka xtib'el li mayej re li k'amok ib' sa' usilal li ak q'axtesinb'il chiru li Qaawa', li poyanam a'an taa'isiiq sa' li xtenamit.