Levítico 7:12 - Q'eqchi Bible

¹² Wi li mayej naq'axtesimank re b'anyoxink, taayeechi'imanq ajwi' pixtun chi maak'a'aq xyu ut puq'b'ilaq rik'in aseeyt, jayil k'orech chi maak'a'aq xyu yulb'ilaq rik'in aseeyt, ut pixtun yiib'anb'ilaq rik'in chaab'il k'aj triiw, puq'b'ilaq rik'in aseeyt.

Li Santil hu

¹² Li ani tixqꞌue lix mayej re xbantioxinquil chiru li Ka̱cuaꞌ tixqꞌue li caxlan cua li ma̱cꞌaꞌ xchꞌamal junajinbil riqꞌuin aceite, malaj ut tixqꞌue ajcuiꞌ li caxlan cua chi jay li ma̱cꞌaꞌ xchꞌamal ut tixqꞌue aceite saꞌ xbe̱n. Tixqꞌue ajcuiꞌ li caxlan cua yi̱banbil riqꞌuin cha̱bil cꞌaj, yokꞌinbil chi us ut junajinbil riqꞌuin aceite.

Levítico 7:12 ပူးပေါင်းရင်းမြစ်များ

Números 6:15

jun ch'ina chakach chi wa maak'a'aq xyu, yiib'anb'ilaq rik'in aseeyt ut li k'uluj yulb'ilaq sa' aseeyt, rochb'een li mayej ut li b'iin.

Levítico 2:4

“Wi laamayej a'an k'aj chiqb'il sa' ru xam, chaq'axtesi chi pixtunil yiib'anb'ilaq rik'in chaab'il k'aj, ink'a' yuub'il ut yoq'b'ilaq, malaj chaq'axtesi chi jayil wa ink'a' yuub'il ut chiqb'ilaq sa' aseeyt.

1 Pedro 2:5

Laa'ex ajwi', jo'qex li yo'yookil pek, chek'e eerib' chi kab'laak cho'q musiq'ejil ochoch, re naq laa'exaq aj tij sa' santilal, re q'axtesink mayej sa' li Musiq'ej, a' li naxk'ulub'an xch'ool li Yos sa' xk'ab'a' li Jesukriist.

Hebreos 13:15

Sa' xk'ab'a' li Jesus qamayejaaq ut qayeechi'iiq junelik li qatij re li Yos, naraj naxye, a' li xk'anjel li xtz'uumal qe li naqanima wi' li xk'ab'a'.

Efesios 5:20

Sa' xk'ab'a' li Qaawa' Jesukriist chexyoxinq junelik chiru li Yos Yuwa'b'ej rik'in chixjunil.

Romanos 1:21

xb'aan naq ke'xnaw ru li Yos, ab'an ink'a' ke'xnima xloq'al jo' tz'aqal Yos chi moko ke'yoxink chiru, po'k chik kixb'aanu li xk'a'uxeb', ut eb' li xjip aj ch'ool kiq'oqyino'k ru.

San Lucas 17:18

Ma ka'ajwi' a'in li jalan xtenamit xsutq'iik chaq chi xnimankil ru li Yos?

San Lucas 17:16

koxhupub' rib' chi roq li Jesus ut ki'ok chi xb'anyoxinkil chiru. Ut a'an jun aj Samaria.

Oseas 14:2

Sutq'inqex rik'in li Qaawa' ut yehomaq re: “At Qaawa', kuy chixjunil li qamaak ut k'ulub'a li us xqab'aanu. Cho'q ruuchil li kok' wakax tootijoq ut toob'ichanq chawu.

Salmos 116:17

Tinmayejaq chawu re b'anyoxink ut tinloq'oni laak'ab'a'.

Salmos 107:8

Chexyoxinq chiru li Qaawa' xb'aan naq aj rahonel, rik'inatq li sachb'ach'oolej kixb'aanu cho'q reheb' chixjunil!

Jeremías 33:11

li b'ichank ut li sahil ch'oolejil, li ninq'ehik, li xb'ich li b'eelomej ut li ixaqilb'ej; taa'ab'imanq xyaab' xkuxeb' chixjunileb' li te'chalq chi mayejak re b'anyoxink sa' rochoch li Qaawa', yooqeb' chi xyeeb'al: «Chexyoxinq chiru li Nimajwal Yos xb'aan naq chaab'il li Qaawa', ut li xnimal xrahom wank chi junelik!». Relik chi yaal naq tink'ameb' chaq wi' chik sa' li xna'ajeb' li wankeb' chaq chi preexil, re naq te'wanq wi' chik jo' naq ke'wank chaq xb'enwa”, chan li Qaawa'.

Salmos 50:23

Li mayej naxk'e inloq'al, a'an jun ch'oolej li naxnaw yoxink. Chinaapaab', ut laa'in tatinkol”.

Nehemías 12:43

Naab'al li mayej kiyeechi'imank sa' li kutan a'an ut k'ajo'eb' li tenamit chi ninq'ehik, xb'aan naq jun nimla sahil ch'oolej xk'ehom li Yos reheb'. Ke'ninq'ehik ajwi' eb' li ixq ut eb' li kok'al; ut toj chi najt ki'ab'iik li xsahilal xch'ooleb' laj Jerusalén.

2 Crónicas 33:16

Kixyiib' wi' chik li x'artal li Qaawa' ut aran kixyeechi'i xmayej re loq'onink ut k'amok ib' sa' usilal rik'in li Yos, ut kixye reheb' laj Judá naq te'xloq'oni ru li Qaawa', xYos laj Israel.

2 Crónicas 29:31

Chirix chik a'an laj Esekías kixye reheb': “Anaqwan laa'ex q'axtesinb'ilex chejunqxaqalil chiru li Qaawa'. Jilonqex chaq, k'amomaq chaq leeyeechi'om ut mayejanqex re xnimankil xloq'al li Qaawa' sa' li rochoch”, chan. Ut eb' li ch'utch'uukeb' aran ke'mayejak re b'anyoxink, ut eb' li chaab'ileb' xch'ool ke'xk'at ajwi' li xmayejeb'.

Levítico 22:29

“Naq taaq'axtesi junaq aamayej re b'anyoxink chiru li Qaawa', chab'aanuuq re naq k'ulb'ilaq chi chaab'il.

Levítico 7:15

“Li xtib'el li xul xyeechi'imank re b'anyoxink ut k'amok ib' sa' usilal rik'in li Yos, tento xtzekankil sa' ajwi' xkutankil li mayejak. Ink'a' naru xk'uulankil kach'inaq re li kutan jun chik.

Levítico 6:16

Ut li mayej taa'ela'anq, te'xtzeka laj Aharón ut eb' li ralal xk'ajol, chi maak'a'aq xyu ut sa' junaq loq'laj na'ajej, chiru xneb'aalil li Loq'laj Muheb'aal.

Levítico 2:5

“Wi laamayej a'an chiqb'il sa' k'il, tento naq yiib'anb'ilaq rik'in chaab'il k'aj triiw, yoq'b'ilaq ut ink'a' yuub'il.

Amós 4:5

K'atomaq leewa li ink'a' yuub'il, cho'q re b'anyoxink, ut yalaq b'ar yehomaq resil leemayej li x'alaak sa' eech'ool xyeechi'inkil, xb'aan naq a'an li nawulak cheru xb'aanunkil, ex ralal xk'ajol laj Israel”, chan li Qaawa'.