Levítico 6:20 - Q'eqchi Bible

²⁰ “A'an a'in li mayej te'xq'axtesi laj Aharón ut eb' li ralal xk'ajol chiru li Qaawa', naq te'osob'tesiiq cho'q aj tij: te'xk'e cho'q mayej k'aj kaahib' liib'r li xchaq'alil ru k'aj triiw. Ut te'xq'axtesi jun yiijach eq'la ut li jun yiijach chik te'xq'axtesi ewu. Tento te'xb'aanu a'in rajlal kutan.

Li Santil hu

²⁰ —Aꞌan aꞌin li mayej li teꞌxqꞌue laj Aarón ut eb li ralal saꞌ li cutan nak teꞌxakaba̱k chokꞌ aj tij: ca̱hib libra riqꞌuin media libra li cha̱bil cꞌaj. Yijach teꞌxqꞌue ekꞌela ut yijach teꞌxqꞌue ecuu. Ut aꞌin teꞌxba̱nu rajlal cutan.

Levítico 6:20 ပူးပေါင်းရင်းမြစ်များ

Éxodo 29:2

Taachap wa ut k'uluj ink'a' yuub'il: wanq li yoq'b'ilaq rik'in aseeyt ut wanq yulb'ilaq sa' aseeyt. Taayiib' a'an rik'in xchaab'il k'ajil li triiw,

Éxodo 16:36

Lajeeb' kok' chakach chi maná na'ok sa' jun b'isleb', efá xk'ab'a'.

Hebreos 7:27

Ink'a' aajel ru naq taamayejaq rajlal kutan xb'enwa chirixeb' li xmaak xjunes rib' jo' neke'xb'aanu eb' li xyuwa'il aj tij, ut moqon chik chirix li xmaakeb' li tenamit. Xb'aan naq jun sut ajwi' kimayejak li Jesus ut chi junwaakaj, naq kixyeechi'i rib'.

Hebreos 5:1

Xb'aan naq chixjunil xyuwa'il aj tij a'an sik'b'il ru sa' xyanqeb' li winq ut xaqab'anb'il xk'anjel chiru li Yos chirixeb' li winq re yeechi'ink ut k'atok mayej chirixeb' li maak.

Números 28:10

Li k'atb'il mayej a'in taak'eemanq sa' li hilob'aal kutan. Taayeechi'i ajwi' li mayej nakayeechi'i rajlal kutan rochb'een li xb'iinul.

Números 28:3

“Ye ajwi' reheb': A'anaq a'in li k'atb'il mayej teeyeechi'i re li Qaawa': rajlal kutan teemayeja ka'kab' karneer aj junq chihab', maak'a'aq reek'eb', cho'q junelik mayej.

Levítico 5:11

“Wi maak'a' xtumin re xloq'b'al wiib'aq mukuy malaj ut wiib'aq k'ook'ob', tento tixk'am cho'q xmayej chirix li xmaak kaahib'aq liib'r li xchaq'alil ru k'aj triiw. Ink'a' tixk'e x'aseeytil chi moko pom sa' xb'een, xb'aan naq a'an jun mayej chirix li xmaak.

Levítico 5:1

“Wi junaq taab'oqe'q chi aatinak jo' testiiw chirix li k'aru xril malaj xrab'i, ut ink'a' taaraj xyeeb'al, a'an wank xmaak ut tento taariiqani li maak a'an.

Levítico 6:19

Li Qaawa' kiraatina laj Moisés ut kixye re:

Levítico 23:13

Teek'am ajwi' numenaq waqxaqib' liib'r li k'aj triiw, a' li chaab'il ut yoq'lenb'ilaq rik'in aseeyt, re taaq'axtesimanq chiru li Qaawa' jo' k'atb'il mayej sununk xb'ook. Ut cho'q eemayej ha', tento teeq'axtesi jun meet li b'iin.

Números 4:16

Laj Elehasar, ralal laj Aharón laj tij, a'an li taa'iloq re li xya'al li xam, li sununkil ensens, li ru li awimq namayejaak rajlal kutan ut li loq'laj aseeyt re yuluk. Sa' xb'een ajwi' a'an wank rilb'al li Loq'laj Na'ajej ut chixjunil li k'a'aq re ru wank chisa': a' li k'a'aq re ru jwal loq' ut chixjunil li na'oksimank aran”.

1 Crónicas 23:29

A'aneb' li te'iloq re li loq'laj kaxlan wa li natusmank sa' meex, li xk'aj triiw re li mayej, li wa ink'a' yuub'il, li mayej k'ilinb'il sa' k'il, li q'em ut chixjunileb' li k'anjelob'aal li taab'ismanq wi'.

Levítico 6:11

Chirix chik a'an tixjal li raq' ut tixk'am li cha sa' junaq na'ajej saab'esinb'il chi us, najtaq rik'in li xmuheb'aaleb' li tenamit.