Levítico 6:11 - Q'eqchi Bible

¹¹ Chirix chik a'an tixjal li raq' ut tixk'am li cha sa' junaq na'ajej saab'esinb'il chi us, najtaq rik'in li xmuheb'aaleb' li tenamit.

Li Santil hu

¹¹ Chirix aꞌan ta̱risi li akꞌej lino chirix ut tixqꞌue jalan chic li rakꞌ chirix. Ut tixcꞌam li cha chirix li naꞌajej li cuanqueb cuiꞌ lix muheba̱leb li tenamit saꞌ li naꞌajej li incꞌaꞌ muxbil.

Levítico 6:11 ပူးပေါင်းရင်းမြစ်များ

Ezequiel 44:19

Naq te'elq chiru li neb'aal wank chirix kab'l, wankeb' wi' li poyanam, te'risi chirixeb' li aq'ej xe'mayejak wi' ut te'xkanab' sa'eb' li kok' na'ajej wank sa' linsantil ochoch, ut jalan chik li aq'ej te'xk'e chirixeb' re naq linsantilal ink'a' tixb'oneb' li poyanam.

Levítico 4:12

naraj naxye, chixjunil li ch'ina wakax, taarisi ut tixk'am sa' junaq na'ajej saab'esinb'il chi us, b'arwi' nak'eemank li cha, najtaq rik'ineb' li xmuheb'aal li tenamit, ut aran, sa' li na'ajej natz'eqmank wi' li cha, tixk'at sa' xb'een li si'.

Levítico 16:27

“Li saaj wakax ut li chib'aat li xe'mayejamank chirix li maak (li xkik'eleb' xk'ame'k sa' li Santil Na'ajej re xtojb'al rix li maak) taak'amanq toj chirix li na'ajej, ut taak'atmanq li xtz'uumaleb', li xtib'eleb' ut li xk'oteb'.

Levítico 4:21

Chirix chik a'an taarisi chaq li ch'ina wakax chirix li na'ajej li wankeb' wi' li xmuheb'aaleb' li tenamit, ut tixk'at, jo' tz'aqal na'uxmank rik'in li xb'een ch'ina wakax. A'an a'in li mayej chirix xmaakeb' li komonil.

Levítico 6:10

Laj tij tixlan rib' rik'in t'ikr ut tixk'e xta xwex malaj xyach'. Chirix chik a'an tixxok xchahil li xul li xk'atmank sa' xb'een li artal, ut tixk'e chi xk'atq li artal.

Levítico 6:12

“Li xtiqwal li xam sa' xb'een li artal ink'a' naru taachupq. Laj tij tento tixk'e xsi'il rajlal eq'la ut tixtuqub' chi us sa' xb'een li xam li xul taak'atmanq. Jo'kan ajwi' tixk'at sa' xb'een li artal li xxeeb'ul li mayej re k'amok ib' sa' usilal rik'in li Yos.

Éxodo 29:37

Chiru wuqub' kutan tatmayejaq chi kama'an sa' xb'een li artal ut taasantob'resi; chi jo'kan li artal taakanaaq chi q'axal loq': chixjunil li taach'e'oq re li artal, santob'resinb'ilaq chik a'an.

Levítico 6:20

“A'an a'in li mayej te'xq'axtesi laj Aharón ut eb' li ralal xk'ajol chiru li Qaawa', naq te'osob'tesiiq cho'q aj tij: te'xk'e cho'q mayej k'aj kaahib' liib'r li xchaq'alil ru k'aj triiw. Ut te'xq'axtesi jun yiijach eq'la ut li jun yiijach chik te'xq'axtesi ewu. Tento te'xb'aanu a'in rajlal kutan.

Levítico 6:22

Jo'ka'in tento tixk'uub' li xmayej li xb'eenil aj tij, ralal k'ajol laj Aharón, a' li taaxaqab'aaq cho'q reeqaj. A'an a'in jun xchaq'rab' li Qaawa' wank xwankil chi junelik: tento taak'atmanq chixjunil.

Levítico 7:6

ut chixjunileb' laj tij naru te'xtzeka, ab'an sa' junaq osob'tesinb'il na'ajej, xb'aan naq li k'a'aq re ru a'in, jwal loq'.

Levítico 24:9

Li kaxlan wa a'an rehaq laj Aharón ut eb' li ralal xk'ajol, ut tento te'xwa' sa' junaq loq'laj na'ajej, xb'aan naq q'axal loq' li mayej a'an chiruheb' chixjunil li mayej nak'atmank cho'q re li Qaawa'. A'in jun chaq'rab' xaqxooq xwankil chi junelik”.