Levítico 5:7 - Q'eqchi Bible

⁷ “Wi ink'a' tz'aqal xtumin re xloq'b'al junaq ch'ina karneer, tento tixk'am chiru li Qaawa' wiib'aq mukuy malaj ut wiib'aq k'ook'ob' re xtz'aamankil xkuyb'al li xmaak. Jun tixk'e re xtojb'al rix li xmaak ut li jun chik cho'q xk'atb'il mayej.

Li Santil hu

⁷ Cui incꞌaꞌ tzꞌakal lix tumin re xlokꞌbal junak li sa̱j carner re xtzꞌa̱manquil xcuybal lix ma̱c chiru li Dios, tento nak tixqꞌue cuibak li mucuy malaj ut cuibak li paloma toj sa̱jeb. Jun tixqꞌue re xtojbal rix lix ma̱c ut jun tixqꞌue re ta̱cꞌatekꞌ.

Levítico 5:7 ပူးပေါင်းရင်းမြစ်များ

Levítico 12:8

Ut wi li na'b'ej ink'a' taaruuq chi xk'eeb'al junaq karneer, naru tixk'e wiib'aq mukuy malaj wiib'aq k'ook'ob': jun taayeechi'imanq cho'q k'atb'il mayej ut li jun chik cho'q mayej chirix li maak. Toja' naq laj tij tixtoj rix li xmaak li ixq a'an, ut a'in ch'ajob'resinb'il chik taakanaaq.

San Mateo 10:16

“Chek'e reetal, laa'in texintaqla jo'eb' li karneer sa' xyanqeb' laj xojb'. Chiwanq b'i' eena'leb' jo'kaqex eb' li k'anti', ut tuulanaqex jo'kaqex eb' li mukuy.

2 Corintios 8:12

Xb'aan naq wi wank k'aru na'alaak sa' xch'ool anihaq, a'an k'ulb'il chi chaab'il xb'aan li Yos sa' xk'ab'a' li jo'ch'inal jo'nimal wank re; ink'a' napatz'mank li maak'a' wank re.

San Mateo 3:16

Ut naq ak xkub'siik xha' li Jesus, ki'elk chaq chi junpaat sa' li ha'; toja' naq kitehonk li choxa ut kiril li xMusiq' li Yos yo chaq chi kub'eek sa' xb'een kama' junaq mukuy.

Levítico 14:31

jun taamayejamanq chirix li maak ut li jun chik cho'q k'atb'il mayej. A'an xtz'aqob' li mayej k'aj triiw. Jo'ka'in naq laj tij tixtoj rix li xmaak li poyanam taach'ajob'resiiq”.

San Lucas 2:24

Naxye ajwi' li xChaq'rab' li Qaawa' naq “mayejanb'ilaq wiib' mukuy malaj wiib'aq k'ook'ob'”.

Levítico 16:5

“Li xkomonileb' laj Israel te'xk'e re laj Aharón tixchap chaq wiib'aq chib'aat cho'q mayej chirix li maak ut junaq karneer jo' k'atb'il mayej.

Levítico 15:30

Laj tij tixyeechi'i li jun jo' mayej chirix li maak ut li jun chik cho'q k'atb'il mayej. Jo'ka'in naq chiru li Qaawa' laj tij tixch'ajob'resi li ixq a'an chiru li yajel kixk'ul,

Levítico 9:3

Ye reheb' laj Israel naq xchapaqeb' jun chib'aat cho'q mayej chirix li maak, jun saaj wakax ut jun karneer aj junq chihab' xyu'ameb' ut maak'a'aqeb' reek', re naq te'yeechi'imanq cho'q k'atb'il mayej.

Levítico 5:11

“Wi maak'a' xtumin re xloq'b'al wiib'aq mukuy malaj ut wiib'aq k'ook'ob', tento tixk'am cho'q xmayej chirix li xmaak kaahib'aq liib'r li xchaq'alil ru k'aj triiw. Ink'a' tixk'e x'aseeytil chi moko pom sa' xb'een, xb'aan naq a'an jun mayej chirix li xmaak.

San Mateo 21:12

Ki'ok li Jesus sa' rochoch li Yos ut kirisiheb' chixjunileb' li yookeb' chi k'ayink ut chi loq'ok chisa'. Kixpak'lusihatq li xmeexeb' laj jalol ru tumin ut li xna'ajeb' laj k'ay mukuy.

Levítico 7:1

“Jwal loq' li mayej re xtojb'al rix li maak. A'an a'in li chaq'rab' chirix a'an:

Levítico 12:6

“Naq akaq xe'nume'k chixjunileb' li kutan re xch'ajob'resinkil rib' chirix xyo'lajik li k'uula'al, us ta teelom malaj ch'ina ixqa'al, li na'b'ej tento tixk'am sa' rokeb'aal li Loq'laj Muheb'aal jun karneer aj jun chihab', re taayeechi'imanq cho'q k'atb'il mayej, ut jun mukuy malaj jun k'ook'ob' cho'q mayej chirix li maak. Tixq'axtesiheb' re laj tij,

Levítico 14:30

Toja' naq laj tij tixyeechi'i junaq mukuy malaj junaq k'ook'ob', a' yaal naxye li xyeechi'om li taach'ajob'resiiq:

Números 5:6

“Ye reheb' laj Israel: Wi junaq winq malaj ixq taamaakob'q chiru li ras riitz'in, taamaakob'q ajwi' chiru li Qaawa': relik chi yaal naq wank xmaak.

Números 6:10

Ut sa' xwaqxaq li kutan tixk'am re laj tij wiib' mukuy malaj wiib'aq k'ook'ob', sa' rokeb'aal li Loq'laj Na'ajej.

Números 6:11

Laj tij tixmayeja jun re kuyuk maak, ut li jun chik tixk'at re xsachb'al li maak xtaw li winq xb'aan li kamenaq. Chiru li kutan a'an tixq'axtesi wi' chik li rismal xjolom cho'q re li Qaawa':

Levítico 27:8

Ut wi li poyanam a'an jwal neb'a' ut ink'a' truuq chi xtojb'al li tz'aq xaqab'anb'il, taach'olob'amanq a'in chiru laj tij re naq a'an tixxaqab' chik xtz'aq, jo' chanru tixkuy li xyeechi'ink xtz'aq.