Levítico 5:4 - Q'eqchi Bible

⁴ “Wi ani tixye sa' jurament naq tixb'aanu k'a'aq re ru us malaj ut ink'a' us (xkomoneb' li jurament li nab'aanumank chi ink'a' nak'oxlamank rix), chi ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Li Santil hu

⁴ Joꞌcan ajcuiꞌ li cristian li tixba̱nu li juramento saꞌ junpa̱t chi incꞌaꞌ tixcꞌoxla chi us li cꞌaꞌru tixba̱nu, usta us usta incꞌaꞌ us li tixye saꞌ li juramento. Cui mokon chic tixqꞌue retal nak incꞌaꞌ us xba̱nu, aꞌan cuan xma̱c xban nak xba̱nu li cꞌaꞌak re ru aꞌin.

Levítico 5:4 ပူးပေါင်းရင်းမြစ်များ

Hechos 23:12

Naq kisaqewk, eb' laj Judiiy ke'xch'utub' rib' chi k'uub'ank ut ke'xye rik'in jurament naq ink'a' chik te'wa'aq te'uk'aq toj reetal te'xkamsi laj Pablo.

San Marcos 6:23

Ut kixye rik'in jurament: —Jo'ch'inal jo'nimal li taapatz' we, tink'e aawe, us ta a'an li xyiijachil li tenamit li wank rub'el linwankil.

Jueces 11:31

laa'in tinmayeja chawu li xb'een taa'elq chaq sa' li wochoch chink'ulb'al naq tinsutq'iiq chaq sa' tuqtuukilal. K'atb'il mayej naq tinq'axtesi aawe”, chan.

1 Samuel 25:22

A' taxaq li Yos tinxk'e chi xtojb'al linmaak chi q'axal ra, wi toj yo'yooqeb' li xkomoneb' laj Nabal wulaj naq taasaqewq”, chan.

Números 30:8

Ab'an wi sa' li kutan tixnaw wi' li b'eelomej ink'a' naxk'ul xch'ool, li ixq a'an ink'a' chik tento tixb'aanu li xyeechi'om ut li k'aru xk'ulub'an xb'aanunkil. Li Qaawa' ink'a' tixk'e sa' ajl.

San Mateo 14:9

Kiraho'k xch'ool laj Herodes, ab'anan, xb'aan li jurament ut eb' li rula', kixtaqla xk'eeb'al re;

San Mateo 14:7

jo'kan naq li rey kixyeechi'i re, rik'in jurament, xk'eeb'al li k'aru tixpatz' re.

2 Reyes 6:31

Tikto kixye: “Chinxrahob'tesiiq li Qaawa' chi q'axal ra, wi chiru li kutan a'in toj wanq sa' xna'aj li xjolom laj Eliseo, li ralal laj Safat”.

2 Samuel 21:7

Laj David kiril xtoq'ob'aal ru laj Mefibahal, ralal laj Jonatán ut ri laj Saúl, sa' xk'ab'a' li sumwank kixb'aanu laj David chiru li Qaawa' rik'in laj Jonatán, ralal laj Saúl; ut ink'a' kixq'axtesi reheb'.

1 Samuel 1:11

ut kixye re li Qaawa': “At Nimajwal Yos, chawil taxaq xtoq'ob'aal ru laamoos ut chinjultiko'q taxaq we! Wi taak'e junaq ink'uula'al teelom, laa'in tinq'axtesi aawe chiru chixjunil li xyu'am ut ink'a' taab'esmanq li rismal”, chan.

Jueces 21:18

Ab'an laa'o ink'a' naru tqak'eheb' li qarab'in cho'q rixaqileb', xb'aan naq chiqajunilo laa'o aj Israel xqaye sa' jurament naq tz'eqtaananb'ilaqeb' li te'xk'e xrab'ineb' cho'q rixaqileb' laj Benjamín”.

Jueces 21:7

K'aru tqab'aanu re xk'eeb'al rixaqileb' laj Benjamín li xe'kanaak? Xb'aan naq laa'o xqaye sa' xk'ab'a' li Qaawa' naq ink'a' tqasumub' li qarab'in rik'ineb'.

Jueces 9:19

K'ehomaq reetal: wi laa'ex sa' li kutan a'in xexwank sa' xyaalal ut chi tiik ru leech'ool chiru laj Yerubahal ut li xjunkab'al, chisaho'q leech'ool sa' xk'ab'a' laj Abimélek ut a'an sahaq taxaq li xch'ool sa' eek'ab'a' laa'ex.

Josué 9:15

Ut laj Josué kixk'uub' jun sumwank rik'ineb', ut kixye li raatin naq ink'a' tixkamsiheb'. Jo'kan ajwi' ke'xye sa' jurament li ninqeb' xwankil sa' li komonil.

Josué 2:14

Ke'chaq'ok eb' li winq ut ke'xye: “Wi ink'a' taaye resil li k'aru yooko xb'aanunkil, tqakol rix leeyu'am jo' naq laa'ex xekol rix li qayu'am laa'o. Ut naq li Qaawa' ak xq'axtesi li qana'aj, laa'o tqab'aanu usilal aawe ut toowanq sa' tiikilal aawik'in”, chankeb'.

Números 30:6

“Mare wank ajwi' junaq saaj ixq xsumlaak chi toj wank xyeechi'om malaj k'a' chik ru xsume xb'aanunkil chiru li Qaawa'.

Levítico 5:3

“Wi junaq tixch'e' xtz'ajnil poyanam, yalaq k'aru li namuxuk, ab'an ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Levítico 5:13

Chi jo'kan laj tij tixk'e li mayej re xtojb'al rix li xmaak li poyanam a'an, ut taakuye'q li xmaak. Ut li k'aru taa'ela'anq, taakanaaq cho'q re laj tij, jo' nab'aanumank rik'in li mayej k'aj”.

Salmos 106:33

kiraho'k xch'ool laj Moisés ut ki'aatinak chi ink'a' kixnaw k'aru kixye.