Levítico 5:2 - Q'eqchi Bible

² “Wi ani tixch'e' junaq k'a'aq re ru tz'ajn ru, qayehaq junaq kamenaq xul tz'ajn ru, us ta xxulel k'iche' malaj xxulel ochoch, malaj ut xkomoneb' li neke'xjukuki rib' chiru ch'och', a'an tixtz'ajni rib' ut taakanaaq li maak sa' xb'een, us ta ink'a' xk'e reetal.

Li Santil hu

² Joꞌcan ajcuiꞌ junak li cristian tixchꞌeꞌ li camenak xul xcomoneb li xul li quixye li Dios nak incꞌaꞌ teꞌxtzaca, usta joskꞌ aj xul usta incꞌaꞌ, malaj ut xcomoneb li nequeꞌxquelo rib saꞌ chꞌochꞌ. Cui tixchꞌeꞌ li xul aꞌan usta incꞌaꞌ naxnau nak incꞌaꞌ us xba̱nu, tixmux rib ut cua̱nk xma̱c.

Levítico 5:2 ပူးပေါင်းရင်းမြစ်များ

Levítico 5:17

“Wi ani taamaakob'q rik'in xb'aanunkil k'a'aq re ru ramro xb'aan xchaq'rab' li Qaawa', us ta ink'a' tixk'e reetal, a'an wanq xmaak ut tento taariiqani li maak.

Deuteronomio 14:8

Jo'kan ajwi' li aaq xalxo rixi'jil li roq, ab'anan ink'a' naxhab'le xka'sutil li xwa: a'anaq ajwi' tz'ajnil xul cho'q aawe. Moko teetzeka ta li xtib'el chi moko teech'e' naq ak kamenaq chik.

Hageo 2:13

Toja' naq laj Hageo kixye wi' chik: “Wi junaq muxb'il ru xb'aan xch'e'b'al junaq kamenaq, ut tixch'e' junaq reheb' li tzekemq a'in, ma muxb'il ru tkanaaq li tzekemq?”. Ut eb' laj tij ke'xye: “Muxb'il ru tkanaaq”.

Levítico 11:11

Moko naru ta teetzeka li xtib'eleb' chi moko teech'e' wi kamenaqeb', tz'eqtaananb'ilaqeb' b'an eeb'aan.

2 Corintios 6:17

Jo'kan utan, “elenqex sa' xyanqeb' ut jek'omaq eerib' rik'ineb', chan li Qaawa'. Meech'e' li k'a'aq re ru tz'ajn ru. Toja' naq laa'in texink'ul:

San Lucas 11:44

“Ra chaalel sa' eeb'een laa'ex, xb'aan naq chanchanex li muqleb'aal kamenaq li ink'a' neke'k'utunk, ut eb' li tenamit neke'b'eek sa' xb'een chi ink'a' neke'xnaw!”.

Isaías 52:11

Jo'kan naq elenqex, elenqex ut kanab'omaq Babilonia! Meech'e' li k'a'aq re ru tz'ajn ru. Elenqex chaq sa' li tenamit a'an! Ch'ajob'resiiq eerib' laa'ex li nekexk'amok li xsahil eechej li Qaawa'.

Salmos 19:12

Jo'kan naq laj k'anjel chawu naxk'e xch'ool chirixeb', k'ajo' rusil xpaab'ankil a'an!

Levítico 7:21

“Wi junaq poyanam tixch'e' k'a'aq re ru muxb'il (a' yaal k'aru xtz'ajnil poyanam malaj xtz'ajnil xul, malaj k'a'aq chik re ru ink'a' us) ut chirix a'an tixtzeka xtib'el li mayej re k'amok ib' sa' usilal li ak q'axtesinb'il re li Qaawa', li poyanam a'an tento taa'isiiq sa' li xtenamit”.

Levítico 5:4

“Wi ani tixye sa' jurament naq tixb'aanu k'a'aq re ru us malaj ut ink'a' us (xkomoneb' li jurament li nab'aanumank chi ink'a' nak'oxlamank rix), chi ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Levítico 4:13

“Wi chixjunileb' laj Israel te'xb'aanu li ink'a' us chi moko rajomeb' ta xch'ool ut maajun reheb' a'an tixk'e reetal naq li xe'xb'aanu a'an xq'etb'al li xchaq'rab' li Qaawa', ut chi jo'kan wankeb' xmaak,

Levítico 5:3

“Wi junaq tixch'e' xtz'ajnil poyanam, yalaq k'aru li namuxuk, ab'an ink'a' xk'e reetal sa' li honal a'an, li poyanam a'an wank xmaak, wi moqon tixk'e reetal naq ink'a' us xb'aanu.

Levítico 11:8

“Ink'a' naru teetiw xtib'eleb' li xul a'in chi moko teech'e' li xb'aqeleb'. A'anaqeb' yib' aj xuleb' cho'q eere.

Números 19:22

Ut chixjunil li taach'e'eq xb'aan junaq muxb'il ru, muxb'ilaq chik ru taakanaaq; ut li ani taach'e'oq re li muxb'il ru, muxb'ilaq ru chalen toj ewu”.