Levítico 5:18 - Q'eqchi Bible

¹⁸ Tento tixchap junaq reheb' li xkarneer li maak'a'aq reek' (ut li xtz'aq laa'at tatb'iroq rix), ut tixk'am rik'in laj tij cho'q mayej chirix li maak, re naq chi jo'kan taawanq xkuyb'al xmaak li poyanam a'an, li xmaakob'k chi ink'a' rajom xch'ool, ut li xmaak taakuye'q.

Li Santil hu

¹⁸ Tixqꞌue re laj tij chokꞌ xmayej re xtzꞌa̱manquil xcuybal lix ma̱c jun li carner te̱lom li quixsicꞌ saꞌ xya̱nk lix queto̱mk. Tzꞌakal re ru li xul. Laj tij tixbir rix lix tzꞌak li xul li tixqꞌue chokꞌ xmayej. Laj tij tixmayeja re xtojbal rix lix ma̱c li ani ta̱ma̱cobk chi incꞌaꞌ naxnau nak ma̱c xba̱nu. Ut ta̱cuyekꞌ lix ma̱c.

Levítico 5:18 ပူးပေါင်းရင်းမြစ်များ

Levítico 4:20

naraj naxye, taab'aanumanq rik'in li ch'ina wakax a'in jo' tz'aqal nab'aanumank re li ch'ina wakax namayejaak chirix li maak. Chi jo'kan laj tij tixk'e li mayej re xtojb'al rix li xmaakeb' li tenamir ut taakuymanq li xmaakeb'.

Levítico 1:4

ut tixk'e ajwi' li ruq' sa' xb'een xjolom li xul. Chi jo'kan li xul k'ulb'ilaq xb'aan li Qaawa' re naq kuyb'il sachb'ilaq li xmaak li ani xyeechi'ink re.

Levítico 5:17

“Wi ani taamaakob'q rik'in xb'aanunkil k'a'aq re ru ramro xb'aan xchaq'rab' li Qaawa', us ta ink'a' tixk'e reetal, a'an wanq xmaak ut tento taariiqani li maak.

Levítico 5:19

A'an jun mayej chirix li maak, xb'aan naq li poyanam a'an wank xmaak chiru li Qaawa'”.

Levítico 14:12

Chirix a'an tixchap junaq reheb' li karneer ut tixyeechi'i rochb'een b'ayaq aseeyt, jo' jun mayej re xtojb'al rix li maak, ut tixq'axtesi chiru li Qaawa'.

Números 15:24

“Wi xeq'et li chaq'rab' sa' komonil chi ink'a' nekenaw, chixjunil li tenamit tento te'xmayeja junaq saaj wakax jo' k'atb'il mayej jwal sununk chiru li Qaawa', rochb'een li mayej k'aj ut li b'iin, jo'wi' jun chib'aat cho'q re li kuyuk maak.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',