Levítico 5:11 - Q'eqchi Bible

¹¹ “Wi maak'a' xtumin re xloq'b'al wiib'aq mukuy malaj ut wiib'aq k'ook'ob', tento tixk'am cho'q xmayej chirix li xmaak kaahib'aq liib'r li xchaq'alil ru k'aj triiw. Ink'a' tixk'e x'aseeytil chi moko pom sa' xb'een, xb'aan naq a'an jun mayej chirix li xmaak.

Li Santil hu

¹¹ Abanan cui li ani ta̱ma̱cobk incꞌaꞌ tzꞌakal lix tumin re tixlokꞌ cuibak li mucuy malaj ut cuibak li paloma sa̱jeb, tento nak tixqꞌue chokꞌ xmayej re xtzꞌa̱manquil xcuybal lix ma̱c ca̱hib libra riqꞌuin media li cha̱bil cꞌaj. Incꞌaꞌ tixqꞌue li aceite saꞌ xbe̱n chi moco tixqꞌue li incienso xban nak li mayej aꞌan re xtzꞌa̱manquil xcuybal lix ma̱c.

Levítico 5:11 ပူးပေါင်းရင်းမြစ်များ

Números 5:15

li winq a'an tixk'am li rixaqil chiru laj tij ut tixmayeja sa' xk'ab'a' li rixaqil li mayej a'in: kaahib'aq liib'r chi k'aj seb'aad. Ink'a' tixk'e aseeyt sa' xb'een li mayej, chi moko tixk'e li k'ajpom, xb'aan naq a'an «xmayejil li sowenak», a'an mayej re xtawb'al xyaalal junaq maak.

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Números 7:13

Li mayej li kixk'e, a'an jun perpookil sek' yiib'anb'il rik'in plaat aj lajeeb' xwuqk'aal (130) chi tumin ut jun uk'leb' sek' yiib'anb'il rik'in plaat aj lajeeb' xkaak'aal (70) chi tumin, jo' chanru xtz'aq li xtumin li artal, nujenaqeb' chi k'aj yoq'inb'il rik'in aseeyt, cho'q re li mayej re li ru li awimq.

Levítico 5:12

Tento naq tixk'am rik'in laj tij, ut a'an tixchap jun mooch'aq cho'q sahil mayej ut tixk'at sa' xb'een li artal rochb'een li mayej nak'atmank sa' xk'ab'a'. A'an jun mayej chirix li maak.

Levítico 5:9

Chirix a'an tixrachrachi b'ayaq xkik'el li xul xmayejamank chirix li maak chi xk'atq li artal, ut li kik' taa'ela'anq tixhoy sa' xtoon li artal, xb'aan naq a'an mayej re kuyuk sachok maak.

Levítico 5:6

ut tixk'am chaq chiru li Qaawa' junaq ixqi karneer malaj junaq ixqi chib'aat, cho'q mayej chirix li maak. Chi jo'kan laj tij tixk'e li mayej re xtojb'al rix li xmaak li poyanam a'in.

Éxodo 16:36

Lajeeb' kok' chakach chi maná na'ok sa' jun b'isleb', efá xk'ab'a'.

Éxodo 16:18

Ut naq ke'xb'is rik'in chakach, ke'xk'e reetal naq eb' li ke'xokok naab'al, maak'a' na'ela'ank reheb', ut eb' li ke'xokok b'a'b'ay tz'aqal wank reheb': li junjunq kixxok jo'ch'inal jo'nimal li tixtzeka.

San Lucas 2:24

Naxye ajwi' li xChaq'rab' li Qaawa' naq “mayejanb'ilaq wiib' mukuy malaj wiib'aq k'ook'ob'”.

Hebreos 9:22

xb'aan naq, jo' naxye li Chaq'rab', kach'in chik maa chixjunil nach'ajob'resimank rik'in kik', ut wi ink'a' nahoye'k li kik', maak'a' kuyuk sachok maak.

Levítico 1:14

“Wi li xul tixyeechi'i cho'q xk'atb'il mayej chiru li Qaawa', a'an jun li xul narupupik, tento naq a'anaq jun mukuy malaj jun k'ook'ob'.

Levítico 6:20

“A'an a'in li mayej te'xq'axtesi laj Aharón ut eb' li ralal xk'ajol chiru li Qaawa', naq te'osob'tesiiq cho'q aj tij: te'xk'e cho'q mayej k'aj kaahib' liib'r li xchaq'alil ru k'aj triiw. Ut te'xq'axtesi jun yiijach eq'la ut li jun yiijach chik te'xq'axtesi ewu. Tento te'xb'aanu a'in rajlal kutan.

Levítico 14:21

“Wi neb'a' li yaj ut maak'a' xtumin re xloq'b'al eb' li mayej a'an, tixchap chaq junaq karneer cho'q xmayej re xtojb'al rix li maak ut tixq'axtesi jo' jun chaab'il mayej re taakuymanq li xmaak, rochb'eenaq kaahib' liib'r li k'aj triiw yoq'lenb'ilaq rik'in aseeyt, jo' jun mayej k'aj triiw, rochb'eenaq ajwi' waqib' liib'r chi aseeyt,

Levítico 27:8

Ut wi li poyanam a'an jwal neb'a' ut ink'a' truuq chi xtojb'al li tz'aq xaqab'anb'il, taach'olob'amanq a'in chiru laj tij re naq a'an tixxaqab' chik xtz'aq, jo' chanru tixkuy li xyeechi'ink xtz'aq.

Levítico 12:8

Ut wi li na'b'ej ink'a' taaruuq chi xk'eeb'al junaq karneer, naru tixk'e wiib'aq mukuy malaj wiib'aq k'ook'ob': jun taayeechi'imanq cho'q k'atb'il mayej ut li jun chik cho'q mayej chirix li maak. Toja' naq laj tij tixtoj rix li xmaak li ixq a'an, ut a'in ch'ajob'resinb'il chik taakanaaq.