Levítico 5:1 - Q'eqchi Bible

¹ “Wi junaq taab'oqe'q chi aatinak jo' testiiw chirix li k'aru xril malaj xrab'i, ut ink'a' taaraj xyeeb'al, a'an wank xmaak ut tento taariiqani li maak a'an.

Li Santil hu

¹ Cui junak ta̱bokekꞌ chokꞌ testigo chirix junak cꞌaꞌak re ru quiril malaj quirabi, ut aꞌan incꞌaꞌ tixye lix ya̱lal, aꞌan cuan xma̱c.

Levítico 5:1 ပူးပေါင်းရင်းမြစ်များ

Levítico 5:17

“Wi ani taamaakob'q rik'in xb'aanunkil k'a'aq re ru ramro xb'aan xchaq'rab' li Qaawa', us ta ink'a' tixk'e reetal, a'an wanq xmaak ut tento taariiqani li maak.

Proverbios 29:24

Li na'okenk chirixeb' laj elq', ink'a' naxra rib', xb'aan naq, us ta taamajewaaq, ab'an ink'a' taajitoq re.

San Mateo 26:63

Ab'an li Jesus ink'a' kichaq'ok. Ut li xyuwa'il aj tij kixye re: —Nintz'aama chawu sa' xk'ab'a' li yo'yookil Yos: ye qe ma laa'at li Kriist, li Ralal li Yos.

Levítico 19:8

li ani taatzekanq re, taariiqani li xmaak ut taa'isiiq sa' xyanqeb' li rech tenamitul sa' xk'ab'a' xmuxb'al li q'axtesinb'il chiru li Qaawa'.

Levítico 7:18

Ut wi ani tixtzeka sa' rox li kutan xtib'el li mayej re k'amok ib' sa' usilal, li mayej a'an ink'a' k'ulb'ilaq chi moko k'eeb'ilaq sa' ajl, ut li tib' a'an tz'eqtaananb'ilaq chi junajwa. Ani taatzekanq re, taakanaaq li maak sa' xb'een.

Ezequiel 18:4

K'ehomaq reetal: chixjunileb' li poyanam weheb' laa'in, li yuwa'b'ej jo' ajwi' li alalb'ej. Li taamaakob'q, a'an li taakamq.

1 Reyes 8:31

“Wi junaq winq taamaakob'q chiru li ras riitz'in ut te'xmin ru chi xyeeb'al jurament chiru laa'artal sa' li loq'laj na'ajej a'in,

Números 9:13

Ab'anan wi junaq ink'a' xmuxum rib' ut maab'ar xkoho, ut tixkanab' xninq'ehinkil li Paswa, li winq a'an taa'isiiq sa' xyanqeb' laj Israel. A'an junelik wanq xmaak sa' xb'een, xb'aan naq ink'a' xmayejak chiru li Qaawa' tz'aqal sa' xkutankil.

Levítico 20:17

“Wi junaq winq tixk'am cho'q rixaqil li ranab', xrab'in li xyuwa' malaj ut xko' li xna', ut yooqeb' chi xmuxb'al rib'eb', chi xkab'ichaleb' te'kamsiiq chiruheb' li rech tenamitul, xb'aan naq li xmuxb'al li anab'ej a'an jun tz'eqb'eetal aj na'leb': ani xb'aanunk re li maa'usilal a'an, taariiqani junelik li xmaak.

Levítico 17:16

Ab'anan wi ink'a' tixpuch' li raq' ut ink'a' taa'atinq, sa' xb'een taakanaaq li xmaa'usilal”.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Ezequiel 18:20

Taakamq ka'ajwi' li ani xmaakob'k. Li alalb'ej ink'a' tixtoj rix li xmaak li xyuwa' chi moko li yuwa'b'ej tixtoj rix li xmaak li ralal. Li tiik ru xyu'am tixk'ul xq'ajkamunkil xb'aan xtiikilal li xch'ool, ut li ink'a' us xch'ool taakanaaq li xmaak sa' xb'een.

Isaías 53:11

Sa' xk'ab'a' li k'iila rahilal kixk'ul taaril li saqenk ut taak'ojlaaq li xch'ool. Rik'in li xnawom, laj K'anjel chiwu naab'aleb' tixtiikob'resiheb' xch'ool, xb'aan naq xriiqani li xmaakeb' a'an.

Proverbios 30:9

Mare anchal naq ak xinwa'ak ut xinnujak, tinye: “Ink'a' ninnaw ani li Yos”, cha'qin. Ut wi wanqin sa' neb'a'il, mare tin'ok chi elq'ak ut tink'e chi majewaak laak'ab'a'.

Salmos 38:4

maak'a' chik rusil lintib'el xb'aan laajosq'il, maak'a' chik xkawilal linb'aqel xb'aaneb' linmaak.

2 Crónicas 18:15

Ab'an li awab'ej kixye re: “Jar wa inyehom naq sa' xk'ab'a' li Qaawa' ka'ajwi' li yaal taaye we?”.

1 Reyes 22:16

Ab'an li awab'ej kixye re: “Jar wa inyehom naq ka'ajwi' li yaal taaye we sa' xk'ab'a' li Qaawa'?”.

Jueces 17:2

Sa' jun kutan kixye re li xna': “Naq x'elq'aak chawu o'lajuk'aal rox o'q'ob' (1,100) chi tumin plaat, laa'at xatz'aama maa'usilal sa' xb'een laj elq'. Laa'in xin'elq'ank re laatumin. We' li tumin wank wik'in, ut anaqwan tinq'axtesi aawe”, chan. Kichaq'ok li xna' ut kixye: “Li Qaawa' chi'osob'tesinq taxaq aawe!”, chan.

Levítico 5:15

“Li poyanam taamaakob'q chi ink'a' rajom xch'ool ut taak'utunq naq wank xmaak xb'aan naq xb'alaq'ik sa' li k'a'aq ru jwal loq' chiru li Qaawa', tento tixchap chaq junaq reheb' li xkarneer li maak'a' reek', tixk'e cho'q xmayej re xtojb'al rix li xmaak, ut tixk'am chiru li Qaawa'. Li xtz'aq li karneer tento xb'irb'al rix chi plaat, jo' tz'aqal neke'b'isok sa' li Loq'laj Na'ajej b'arwi' na'uxk li mayejak chirix li maak.

Levítico 4:2

“Ye reheb' laj Israel: Wi ani taamaakob'q chi moko rajom ta xch'ool, tixq'et junaq xchaq'rab' li Qaawa' ut tixb'aanu li ink'a' raj naru xb'aanunkil, kama'in taab'aanumanq chirix:

Éxodo 22:11

toja' naq taaraqmanq aatin rik'in jurament sa' xk'ab'a' li Qaawa': li ani kikanab'aak wi' li xul, tixye sa' jurament naq ink'a' xch'e' li ab'i e. Laj eechal re tixk'am li toj wanq, ut li jun chik maak'a' tixtoj.

Jeremías 23:10

Nujenaq li tenamit chi aj muxuleb' sumlaak; junes maa'usilal naxik wi' xch'ooleb' li poyanam, ut neke'roksi li xwankileb' chi xb'aanunkil li ink'a' us. Jo'kan naq majewanb'il li ruuchich'och' xb'aan li Qaawa'; xe'chaqik li ha' ut xk'ate'k li pim sa' li chaqich'och'.