Levítico 4:7 - Q'eqchi Bible

⁷ Rik'in li kik' a'an tixyul ajwi' b'ayaq li xxukub'eb' li artal b'arwi' nak'atmank li pom jwal sununk xb'ook, a' li wank chiru li Qaawa', sa' li Loq'laj Muheb'aal, ut li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Li Santil hu

⁷ Chirix aꞌan tixqꞌue caꞌchꞌinak li quicꞌ saꞌ xbe̱n li xucub li cuanqueb saꞌ li artal li nacꞌateꞌ cuiꞌ li sununquil pom chiru li Ka̱cuaꞌ saꞌ li tabernáculo. Li relaꞌ li quicꞌ tixhoy saꞌ xto̱n li artal re li cꞌatbil mayej li cuan saꞌ li oqueba̱l re li tabernáculo.

Levítico 4:7 ပူးပေါင်းရင်းမြစ်များ

Levítico 8:15

Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

Levítico 9:9

Aka' chik eb' li ralal ke'xk'am li kik' ut ke'xk'e re, ut laj Aharón kixtz'a li ru'uj ruq' chisa', kixyul chiru xxukub' li artal ut kixhoy li rela' li kik' chi roq li artal.

Levítico 16:18

taa'elq chaq re xch'ajob'resinkil li artal wank chiru li Qaawa'. Tixchap b'ayaq xkik'el li saaj wakax ut xkik'el li chib'aat, ut tixyul chi xxuk ut chi xsutam li artal,

Levítico 5:9

Chirix a'an tixrachrachi b'ayaq xkik'el li xul xmayejamank chirix li maak chi xk'atq li artal, ut li kik' taa'ela'anq tixhoy sa' xtoon li artal, xb'aan naq a'an mayej re kuyuk sachok maak.

Levítico 4:34

Toja' naq laj tij tixchap rik'in ru'uj ruq' kach'inaq xkik'el li xul xmayejamank chirix li maak ut tixyul chiru xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:18

Rik'in li kik' tixyul b'ayaq eb' li xxukub' li artal li wank chiru li Qaawa', sa' li Loq'laj Muheb'aal. Ut chixjunil li rela' li kik' tixhoy chi roq li x'artalil li k'atb'il mayej, a' li wank sa' rokeb'aal li Loq'laj Muheb'aal.

Levítico 4:30

Toja' naq laj tij tixchap rik'in ru'uj ruq' b'ayaq li kik' ut tixyul chiru li xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Hebreos 9:21

Jo'kan ajwi' kixkirkisi chi kik' li Muheb'aal ut chixjunileb' li sek' neke'k'anjelak re li paab'ank,

Hebreos 9:15

A'in aj e naq li Kriist na'okenk chirix jun li ak' Sumwank. Rik'in li xkamik naxsacheb' li maak uxb'ileb' naq toj wan chaq li xb'een Sumwank, ut eb' li sik'b'ileb' ru xb'aan li Yos neke'xk'ul li ereens li ink'a' nalajk na'oso'k, a' li kiyeechi'iik chaq reheb'.

Efesios 2:13

A'ut anaqwan sa' xk'ab'a' li Kristo Jesus laa'ex li najt wankex chaq junxil, nach' chik wankex sa' xk'ab'a' xkik'el li Kriist.

Salmos 118:27

Li Qaawa' a'an Yos, a'an nakutanob'resink qe. Choojiloq chi tzol toj sa' xxuk li artal, chi wanq qutz'u'uj sa' quq', ut chooninq'ehiq.

Apocalipsis 6:9

Naq kixte li ro' tz'apleb', kiwil rub'el li artal wankeb' aran li raanmeb' li ke'kamsiik sa' xk'ab'a' li Raatin li Yos ut li yaal ke'xk'e wi' xch'ooleb'.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Levítico 6:30

Ab'an ink'a' naru xtzekankil junaq xul li xmayejamank chirix li maak, wi li xkik'el xk'ame'k sa' Loq'laj Muheb'aal re xtz'aamankil xkuyb'al li maak sa' li Santil Na'ajej. Li mayej a'an tento taak'atmanq chixjunil.

Éxodo 29:12

Taaxok xkik'el, taayuleb' li xxuk li artal rik'in ru'uj aawuq' ut taahoy chixjunil li kik' chi roq li artal.

Levítico 1:5

Tixyok' li xkux li teelom wakax chiru li Qaawa'. Chirix chik a'an eb' li ralal xk'ajol laj Aharón ut eb' laj tij te'xyeechi'i li kik' ut te'xkirkiri chi xsutam li artal li wank sa' rokeb'aal li Loq'laj Muheb'aal.