Levítico 4:6 - Q'eqchi Bible

⁶ Aran tixtz'a li ru'uj ruq' sa' li kik' ut wuqub' sut tixrachrachi li kik' chiru li Qaawa', sa' xjayal li xt'ilkemil li Santil Na'ajej.

Li Santil hu

⁶ Tixtzꞌa li ruꞌuj rukꞌ saꞌ li quicꞌ ut chiru li Ka̱cuaꞌ tixrach cuukub sut nachꞌ riqꞌuin li tꞌicr li naramoc re li Lokꞌlaj Santil Naꞌajej.

Levítico 4:6 ပူးပေါင်းရင်းမြစ်များ

Josué 6:8

Chixjunileb' ke'xb'aanu jo' kiyehe'k reheb' xb'aan laj Josué. Li wuqub' chi aj tij aj k'amolb'eheb' chiru li xLoq'laj Kaaxil li Sumwank, yookeb' chi xyaab'asinkil eb' li xtronpeet, ut li Loq'laj Kaax yo chi xik chirixeb'.

Josué 6:4

Aj k'amolb'ehaqeb' chiru li Loq'laj Kaax wuqub' chi aj tij li te'k'amoq junjunq xxukub'eb' li karneer cho'q tronpeet. Sa' xwuq li kutan teesuti li tenamit wuqub' sut ut eb' laj tij te'xyaab'asiheb' li xtronpeet.

Levítico 26:28

taanumtaaq linjosq'il sa' eeb'een ut texinrahob'tesi wuqub' sutaq wi' chik xb'aan leemaak.

Levítico 26:24

laa'in tinjosq'o'q eerik'in ut texinrahob'tesi wuqub' sutaq wi' chik xb'aan leemaak.

Levítico 26:18

“Ab'anan wi toj ink'a' ajwi' tex'ab'inq, laa'in texinrahob'tesi wuqub' sutaq wi' chik xb'aan leemaak.

Levítico 16:19

ut rik'in ru'uj ruq' tixrachrachi li kik' wuqub'aq sut. Chi jo'kan tixch'ajob'resi li xtz'ajnileb' laj Israel ut taarosob'tesi li artal.

Levítico 16:14

Tixchap ajwi' kach'inaq xkik'el li saaj wakax ut rik'in ru'uj ruq' tixrachrachi sa' xb'een li tz'apleb', sa' xjayal releb'l saq'e. Chirix a'an wuqub'aq sut tixrachrachi chi kik' li xtz'apleb' li Loq'laj Kaax.

Levítico 14:18

Li rela' aseeyt tixyul sa' xjolom li ani taach'ajob'resiiq. Jo'ka'in naq laj tij tixtoj rix li xmaak li poyanam a'an.

Levítico 14:27

ut rik'in li ru'uj li xnim uq' tixrachrachi li aseeyt chiru li Qaawa' wuqub' sut.

Levítico 14:16

tixtz'a junaq ru'uj ruq' li wank sa' xseeb'al chisa' li aseeyt wank sa' li xtz'e uq', ut rik'in a'an tixracharachi li aseeyt wuqub' sut chiru li Qaawa'.

Levítico 9:9

Aka' chik eb' li ralal ke'xk'am li kik' ut ke'xk'e re, ut laj Aharón kixtz'a li ru'uj ruq' chisa', kixyul chiru xxukub' li artal ut kixhoy li rela' li kik' chi roq li artal.

Levítico 8:15

Toja' naq laj Moisés kixyok' xkux li saaj wakax, kixxok li xkik'el rik'in ru'uj ruq', kixrachrachi chi xsutam li artal re xch'ajob'resinkil, ut li rela' li kik' kixhoy chi roq li artal. Chi jo'kan li artal kikanaak chi osob'tesinb'il re xtz'aamankil aran li xkuyb'al li maak.

Levítico 4:34

Toja' naq laj tij tixchap rik'in ru'uj ruq' kach'inaq xkik'el li xul xmayejamank chirix li maak ut tixyul chiru xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:30

Toja' naq laj tij tixchap rik'in ru'uj ruq' b'ayaq li kik' ut tixyul chiru li xxukub' li x'artalil li k'atb'il mayej, ut chixjunil li rela' li kik' taahoye'q chi roq li artal.

Levítico 4:25

Chirix chik a'an laj tij tixchap rik'in ru'uj ruq' b'ayaq li xkik'el li xul xmayejamank chirix li maak, tixyul chiruheb' li xxukub' li x'artalil li k'atb'il mayej, ut tixhoy li rela' li kik' chi roq li artal.

Levítico 4:17

tixtz'a li ru'uj ruq' sa' li kik' ut wuqub' sut tixrachrachi chiru li Qaawa', sa' xjayal li xt'ilkemil li Santil Na'ajej.

Números 19:4

Toja' naq laj Elehasar laj tij tixch'ik li ru'uj ruq' sa' xkik'el li wakax ut rik'in a'an wuqub' wa tixkirkiri chi kik' li rokeb'aal li Loq'laj Muheb'aal.

Levítico 25:8

“Tento teerajla wuqub' xamaan chi chihab', naraj naxye wuqub' chihab' ut taatamb'resimanq chi wuqutq, taawulaq b'eleeb' roxk'aal chihab',

Éxodo 40:21

Toja' naq kixk'am li Loq'laj Kaax sa' li Loq'laj Muheb'aal, kixt'uyub' li t'ilkem, ut chi jo'kan kixmoy li xLoq'laj Kaaxil li Sumwank, jo' kitaqlaak wi' xb'aan li Qaawa'.

Éxodo 40:26

Jo'kan ajwi' kixk'e li artal yiib'anb'il rik'in oor sa' xMuheb'aal li ch'utam, chiru li t'ikr,

Levítico 8:11

Rik'in ajwi' li aseeyt a'an, kixrachrachi li artal wuqub' sut, ut kixyul li artal ut chixjunil li nak'anjelak chiru; jo'kan ajwi' li xna'aj li ha' ut li xk'ochleb'aal, re rosob'tesinkileb'.

Levítico 14:7

Toja' naq wuqub' sut tixkirkiri sa' kik' li ani taach'ajob'resimanq chiru li saqlep, ut tixch'olob' naq a'an ink'a' chik muxb'il ru. Ut li yo'yookil xik'anel xul taa'ach'ab'aaq.