Levítico 4:32 - Q'eqchi Bible

³² “Wi li poyanam a'an naxk'am chaq junaq karneer cho'q xmayej chirix li xmaak, tento tixk'am chaq ixqi karneer li maak'a' reek'.

Li Santil hu

³² Cui tixqꞌue junak li sa̱j carner chokꞌ xmayej, tento nak tixqꞌue jun li ixki carner tzꞌakal re ru.

Levítico 4:32 ပူးပေါင်းရင်းမြစ်များ

Levítico 4:28

naq tixk'e reetal li maak xb'aanu, tento tixk'am junaq ixqi chib'aat maak'a' reek' cho'q xmayej chirix li xmaak xb'aanu.

1 Pedro 3:18

Xb'aan naq li Kriist, jun wa ajwi' kikamk re xtojb'al rix li maak, li tiik xch'ool chirixeb' li ink'a' tiikeb' xch'ool, re qak'amb'al rik'in li Yos. Li Kriist kikamsiik sa' li xjunxaqalil, ab'an kiyoob'tesiik sa' musiq'ejil yu'am.

1 Pedro 2:22

A'an ink'a' kimaakob'k chi moko ki'ab'iik b'alaq'il aatin sa' xtz'uumal re.

Apocalipsis 5:6

Toja' naq kiwil a'in: chi xk'atq li nimajwal k'ojarib'aal sutsu xb'aaneb' li kaahib' chi yo'yookeb' jo'wi' xb'aaneb' li cheekel winq, kiwil jun li Karneer xaqxo aran chanchan kamsinb'il, wank wuqub' xxukub' ut wuqub' xsa' li ru, a'aneb' li wuqub' chi xmusiq' li Yos taqlanb'ileb' sa' chixjunil li ruuchich'och'.

1 Pedro 2:24

A'an ajwi' li kik'amok re li qamaak sa' xjunxaqalil chiru li krus re naq kamenaqaqo chiru li maak ut yo'yooqo cho'q re li tiikilal: rik'in li xtiq'ilal xexk'irtasiik laa'ex.

Hebreos 9:14

ma toja' ta chik li xkik'el li Kriist li kixyeechi'i rib' chiru li Yos chi maak'a' xmuxul sa' xk'ab'a' li junelik Musiq'ej? Relik chi yaal naq li xkik'el li Kriist tixch'ajob'resi li qak'a'uxl chiru li qakamenaqil k'anjel, re naq took'anjelaq chiru li yo'yookil Yos!

Hebreos 7:26

A'an a'in li xyuwa'il aj tij li tz'aqal aajel ru cho'q qe: sant, maak'a' xmaak, maak'a' xmuxul, jek'b'il rik'ineb' laj maak, kitaqsiik toj sa xb'een li choxa.

Efesios 5:27

re naq li Iklees taaxaqab'aaq chiru chi k'ajo' xloq'al, chi maak'a'aq xtz'ajnil, chi moko xyocholal malaj k'a'aq chik re ru, santaq b'an ut chi maak'a'aq xq'usb'al.

San Juan 1:36

Naq yo chi nume'k li Jesus, kixka'ya ut kixye: —Ilomaq li xKarneer li Yos!

San Juan 1:29

Sa' li kutan jun chik laj Jwan kiril li Jesus yo chi chalk rik'in, ut kixye: “Wahe' li xKarneer li Yos li naxkuy xmaak li ruuchich'och'.

San Lucas 1:35

Kichaq'ok li ánjel ut kixye re: —Li Santil Musiq'ej taachalq sa' aab'een ut li xwankil li Nimajwal Yos taamuheelanq aawe. Jo'kan naq santaq li k'uula'al taayo'laaq aawik'in, ut Ralal li Yos tixk'ab'a'in.

Isaías 53:7

Naq xrahob'tesiik, xkub'si xwankil, chi moko xye jun t'orolaq li raatin. Jo' jun ch'ina karneer ok re chi kamsiik, jo' jun karneer maak'a' naxye naq nab'ese'k li rismal, jo'kan ajwi' a'an ink'a' xte li xtz'uumal re chi aatinak.

Levítico 5:6

ut tixk'am chaq chiru li Qaawa' junaq ixqi karneer malaj junaq ixqi chib'aat, cho'q mayej chirix li maak. Chi jo'kan laj tij tixk'e li mayej re xtojb'al rix li xmaak li poyanam a'in.

Éxodo 12:5

Tento naq li xul maak'a'aq reek', teelomaq ut junchihab'aq xyu'am. Teesik' a'an sa' xyanqeb' li kok' karneer malaj chib'aat,

Éxodo 12:3

Cheye a'in re chixjunil li xkomonileb' laj Israel: Sa' li lajeeb' xb'e li po a'in teechap chejunjunqal jun xkarneer leejunkab'al, jun xkarneer li junjunq chi ochoch.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',