Levítico 4:3 - Q'eqchi Bible

³ “Wi a' li xb'eenil aj tij namaakob'k, nakanaak li xmaak sa' xb'een li tenamit. Jo'kan naq tento tixmayeja chiru li Qaawa' junaq ch'ina wakax maak'a'aq reek', cho'q xmayej chirix li maak li xb'aanu.

Li Santil hu

³ Cui nama̱cob junak li xbe̱nil aj tij, lix ma̱c nacana saꞌ xbe̱neb li tenamit. Tento nak li xbe̱nil aj tij tixmayeja jun li toro toj sa̱j ut tzꞌakal re ru. Joꞌcaꞌin nak tixtoj rix lix ma̱c chiru li Ka̱cuaꞌ.

Levítico 4:3 ပူးပေါင်းရင်းမြစ်များ

2 Corintios 5:21

Li Kriist ink'a' xnawom ru li maak, ut A'an kik'ehe'k cho'q maak xb'aan li Yos sa' qak'ab'a', re naq sa' xk'ab'a' li Kriist toowanq sa' li tiikil ch'oolej nachalk rik'in li Yos.

Levítico 9:2

Ut kixye re laj Aharón: “Chap junaq saaj wakax cho'q mayej chirix li maak, ut junaq karneer li maak'a'aq reek', re naq taayeechi'imanq cho'q k'atb'il mayej, ut q'axtesiheb' chiru li Qaawa'.

Levítico 4:14

naq taanawmanq li maak xe'xb'aanu, tento naq te'xyeechi'i sa' komonil junaq ch'ina wakax cho'q mayej chirix li maak. Te'xk'am chiru li Loq'laj Muheb'aal,

Hebreos 5:3

A'an rajb'al naq tento taamayejaq chirix xmaakeb' li tenamit jo' ajwi' chirix li xmaak xjunes rib'.

Esdras 8:35

Moqon chik eb' li ke'sutq'iik wi' chik Jerusalén ke'xyeechi'i k'atb'il mayej re li xYos laj Israel: kab'laju chi saaj wakax sa' xk'ab'a' chixjunil Israel, waqlaju ro'k'aal (96) chi saaj wakax, wuqlaju xkaak'aal (77) chi karneer ut kab'laju chi kok' wakax re xpatz'b'al xkuyb'al xmaakeb'. Ut chixjunil a'an ke'xk'at chiru li Qaawa' cho'q xmayejeb'.

Romanos 8:3

Naraj naxye, li k'aru ch'a'aj xb'aanunkil chiru xChaq'rab' laj Moisés xb'aan naq na'aaleek li tz'ejwalej, a'an li ki'uxk xb'aan li Yos: kixtaqla chaq li Ralal jo' qech winqilal na'aaleek, ut a'an kixk'am qach'och'el qasululel, re risinkil li maak. Chi jo'kan li Yos kixraq aatin sa' xb'een li maak

Ezequiel 43:19

Eb' laj Leví, ralal xk'ajoleb' laj Sadok, li neke'nach'ok wik'in chi k'anjelak chiwu, taak'e junaq saaj wakax cho'q xmayejeb' chirix li maak -chan li Qaawa'-.

Éxodo 29:21

Chirix chik a'an taaxok b'ayaq li kik' li wank sa' xb'een li artal jo' ajwi' aseeyt re yuluk, ut taarachrachi sa' xb'een laj Aharón ut sa' xb'een li raq', rochb'eeneb' li ralal xk'ajol ut li raq'eb'. Chi jo'kan q'axtesinb'ilaq we li ralal ut li raq'eb'.

Éxodo 29:14

Ab'an toj junpak'al leena'aj teek'at xtib'el li ch'ina wakax rochb'een li xtz'uumal ut li xk'ot: a'an mayej re xtojb'al rix chixjunil li maak.

Éxodo 29:7

Toja' naq taachap li aseeyt re osob'tesink, taahoy sa' xb'een xjolom ut taayul.

Números 8:8

Chirix chik a'an, te'xk'e junaq wakax rochb'een li k'aj yoq'inb'il rik'in aseeyt, ut laa'at taak'e jun chik li wakax re xmayejankil chirix li kuyuk maak.

Levítico 16:11

“Laj Aharón tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Levítico 16:6

Toja' naq tixyeechi'i li saaj wakax jo' tz'aqal xmayej chirix li maak, re naq taakuye'q xmaak jo'wi' xmaakeb' li xjunkab'al.

Levítico 8:12

Chirix chik a'an laj Moisés kixhoy sa' xb'een xjolom laj Aharón li aseeyt re osob'tesink, kixyul ut kixxaqab' cho'q aj tij.

Levítico 5:6

ut tixk'am chaq chiru li Qaawa' junaq ixqi karneer malaj junaq ixqi chib'aat, cho'q mayej chirix li maak. Chi jo'kan laj tij tixk'e li mayej re xtojb'al rix li xmaak li poyanam a'in.

Éxodo 30:10

Jun sut chiru li chihab' laj Aharón tixtz'aama xkuyb'aleb' xmaak li tenamit, sa' xb'eeneb' li xxuk li artal a'in; rik'in xkik'el li mayejanb'il xul tixtz'aama aran xkuyb'aleb' li xmaak li tenamit jun sut chiru li chihab': jo'kan taa'uxmanq chi junelik. Q'axal q'axtesinb'ilaq re li Qaawa' li artal a'in”.

Hebreos 9:12

Ut ki'ok sa' li Santil Na'ajej chi junwaakaj, moko rik'in ta xkik'el teelom chib'aat chi moko rik'in xkik'eleb' kok' wakax, rik'in b'an li xkik'el a'an; ut chi jo'kan kooxkol chi junajwa.

Levítico 4:5

Chirix chik a'an tixxok b'ayaq xkik'el li ch'ina wakax ut tixk'am sa' li Loq'laj Muheb'aal.

Levítico 4:23

Naq tixk'e reetal li maak xb'aanu, tento tixk'am cho'q xmayej junaq teelom chib'aat li maak'a'aq reek'.

Levítico 4:28

naq tixk'e reetal li maak xb'aanu, tento tixk'am junaq ixqi chib'aat maak'a' reek' cho'q xmayej chirix li xmaak xb'aanu.

Números 16:22

A'ut eb' a'an ke'xhupub' rib' chiru ch'och' ut ke'tijok chi kama'in: “At Qaawa' Yos, laa'at nakatk'ehok xyu'am li junjunq. Jun ajwi' li xmaakob'k: k'a'ut naq laa'at nakatjosq'o'k rik'in chixjunil li komonil?”, chankeb'.

2 Crónicas 29:21

Ke'xk'am wuqub' chi saaj wakax, wuqub' ninqi karneer, wuqub' kok' karneer ut wuqub' teelom chib'aat, re xtz'aamankil li kuyuk maak chirix li x'awab'ejihom, chirix li xloq' laj muheb'aal li Yos ut chirixeb' laj Judá. Ut li awab'ej kixye reheb' laj tij, a'eb' li ralal xk'ajol laj Aharón, naq te'xmayeja sa' xb'een x'artal li Qaawa'.

Levítico 1:3

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xwakax, tento naq a'anaq jun teelom wakax li maak'a' reek'. Ut tento tixyeechi'i sa' rokeb'aal li Loq'laj Muheb'aal, re naq k'ulb'ilaq xb'aan li Qaawa',

Levítico 1:10

“Wi li xul li tixyeechi'i cho'q xk'atb'il mayej, a'an isinb'il chaq sa' xyanqeb' li xkarneer malaj ut xchib'aat, tento naq teelomaq chi maak'a' reek'.

Levítico 6:18

Chixjunileb' li teelom sa' xyanqeb' li ralal xk'ajol laj Aharón te'ruuq xtzekankil li jo'k'ihal te'tz'aq rik'in li k'atb'il mayej chiru li Qaawa'. Yalaq k'aru taach'e'oq re li mayej a'in, osob'tesinb'il taakanaaq”.

Levítico 9:3

Ye reheb' laj Israel naq xchapaqeb' jun chib'aat cho'q mayej chirix li maak, jun saaj wakax ut jun karneer aj junq chihab' xyu'ameb' ut maak'a'aqeb' reek', re naq te'yeechi'imanq cho'q k'atb'il mayej.

Levítico 16:3

Laj Aharón tento taa'ok sa' li tijob'aal rochb'eenaq junaq saaj wakax jo' mayej chirix li maak ut junaq karneer re taayeechi'imanq jo' k'atb'il mayej.

Levítico 16:5

“Li xkomonileb' laj Israel te'xk'e re laj Aharón tixchap chaq wiib'aq chib'aat cho'q mayej chirix li maak ut junaq karneer jo' k'atb'il mayej.

Ezequiel 40:39

Ut sa' xmu li okeb'aal wank ka'kab' chi meex sa' xjunqpak'alil; sa' xb'eeneb' li meex a'an neke'kamsiik eb' li mayej xul re li k'atb'il mayej malaj chirix li kuyuk sachok maak.

Ezequiel 44:27

Sa' li kutan naq te'ok wi' chik chiru li neb'aal wank chisa', re xb'aanunkil li xk'anjeleb', tento te'mayejaq chirix li maak. Laa'in, li Qaawa', xinyehok re a'in.