Levítico 3:9 - Q'eqchi Bible

⁹ “Ani tixyeechi'i li xul cho'q mayej re k'amok ib' sa' usilal rik'in li Yos, tento tixq'axtesi chiru li Qaawa', jo' k'atb'il mayej, li xeeb', chixjunil li xye, li xxeeb'ul li xk'amk'ot,

Li Santil hu

⁹ Li mayej re xcꞌambal rib saꞌ usilal riqꞌuin li Ka̱cuaꞌ Dios, aꞌan jun cꞌatbil mayej. Tixqꞌue li xe̱b ut tixqꞌue lix ye chi jun. Tixyocꞌ toj saꞌ xto̱nal ut tixqꞌue ajcuiꞌ lix xe̱bul chixjunil li cꞌamcꞌot joꞌ ajcuiꞌ li cuan chi saꞌ.

Levítico 3:9 ပူးပေါင်းရင်းမြစ်များ

Levítico 9:19

Ke'xk'e ajwi' re li xxeeb'ul li teelom wakax ut li xxeeb'ul li karneer, li xye, ut li xeeb' wank chirix li xk'amk'oteb', eb' li xkenq' ut li xxeeb'ul li xch'och';

Éxodo 29:22

“Toja' naq taachap xxeeb'ul li karneer a'in: li xye, li xeeb' li wank chirix li xk'amk'ot, li wank chi xk'atq li xsaaseb', xkab'ichaleb' li xkenq' ut li xeeb' li wank chirixeb', jo' ajwi' li ra' li wank sa' xnim, xb'aan naq a'an mayejanb'il karneer sa' xk'ab'a' li rokikeb' cho'q aj tij.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

Proverbios 23:26

At walal ink'ajol, k'e aach'ool chi wab'inkil, ut il chi us li b'e nink'ut chawu.

Levítico 8:25

Kixchap li xeeb', li xye, chixjunil li xeeb' wank chirix li xk'amk'ot, li ch'och' jwal xeeb' ru, xkab'ichaleb' li kenq' rochb'een xxeeb'ul, ut li ra' wank sa' xseeb'al.

Levítico 7:3

Tento xmayejankil chixjunil li xxeeb'ul li xul: li wank sa' li xye ut li lanlo wi' li xk'amk'ot,

Levítico 17:5

Taab'aanumanq chi jo'ka'in re naq eb' laj Israel te'xyeechi'i re li Qaawa' eb' li xul te'xkamsi yal chi jo'kan, ut te'xk'am rik'in laj tij sa' rokeb'aal li Loq'laj Muheb'aal, re naq taayeechi'imanq sa' xk'ab'a'eb' a'an jo' mayej re k'amok ib' sa' usilal.

Números 7:88

Li xk'ihal li ketomq ke'mayejaak re li k'amok ib' sa' usilal rik'in li Yos a'an a'in: kaahib' xka'k'aal (24) li saaj wakax, oxk'aal (60) li teelom karneer, oxk'aal li teelom chib'aat ut oxk'aal li kok' karneer aj junq chihab'eb'. A'an a'in li mayej kiq'axtesiik naq li artal kiyuleek rik'in aseeyt ut kisantob'resiik.

1 Samuel 10:8

Laa'at xb'enwa tatxik chiwu aran Kilkal, ut laa'in toxatintaw aran toj moqon, re xyeechi'inkil k'atb'il li mayej ut li k'a'aq re ru re k'amok ib' sa' usilal rik'in li Yos. Aran tinaawoyb'eni wuqub' kutan toj reetal tinwulaq wanqat wi' ut tinye aawe k'aru taab'aanu”.

2 Samuel 6:17

Li xLoq'laj Kaax li Qaawa' kik'ame'k ut kixtaw xna'aj sa' xyi li muheb'aal kixyiib' laj David cho'q re a'an. Tikto laj David kixyeechi'i re li Qaawa' k'atb'il xul ut mayej re li k'amok ib' sa' usilal rik'in li Yos.

1 Reyes 3:15

Naq ki'ajk ru laj Salomón, kixk'e reetal naq a'an yal jun matk'! Toja' naq kiwakliik ut koho Jerusalén. Koxxaqab' rib' chiru li xLoq'laj Kaaxil li xSumwank li Qaawa', kixyeechi'i xk'atb'il mayej ut kimayejak ajwi' chirix li k'amok ib' sa' usilal rik'in li Yos; chirix chik a'an kixk'uub' jun ninq'e cho'q reheb' chixjunileb' laj k'anjel chiru.

1 Reyes 8:63

Laj Salomón kixyeechi'i wiib' xka'k'aal mil (22,000) chi b'ooyx ut waqk'aal mil (120,000) chi karneer, jo' loq'laj mayej re k'amok ib' sa' usilal rik'in li Yos. Jo'ka'in naq li awab'ej ut chixjunileb' li ralal xk'ajol laj Israel ke'xsul li rochoch li Qaawa'.

1 Reyes 8:64

Sa' li kutan a'an li awab'ej kixq'axtesi re li Qaawa' li xneb'aalil li rochoch li Yos -a' li wank chiru-. Aran kixyeechi'i li xk'atb'il mayej, chixjunil li xyeechi'om ut li xxeeb'ul li mayej re li k'amok ib' sa' usilal rik'in li Yos, xb'aan naq jwal kach'in li artal yiib'anb'il rik'in q'anch'iich', a' li wank chiru li Qaawa'; jo'kan naq ink'a' ki'ok aran jo'nimal kiyeechi'imank.

1 Crónicas 16:1

Li xLoq'laj Kaax li Yos kik'ame'k ut ki'oksiik sa' jun li muheb'aal kixyiib' laj David cho'q re a'an. Tikto kiyeechi'imank k'atb'il xul ut mayej re li k'amok ib' sa' usilal rik'in li Yos,