Levítico 3:16 - Q'eqchi Bible

¹⁶ Chirix chik a'an laj tij tixk'at chixjunil a'in sa' xb'een li artal, jo' tzekemq, k'atb'il mayej li sununk xb'ook. Chixjunil li xeeb', rehaq li Qaawa'.

Li Santil hu

¹⁶ Laj tij tixcꞌat chixjunil aꞌin saꞌ li artal. Li tzacae̱mk aꞌin, aꞌanak jun li sununquil mayej ta̱cuulak chiru li Ka̱cuaꞌ. Chixjunil li xe̱b re li Ka̱cuaꞌ.

Levítico 3:16 ပူးပေါင်းရင်းမြစ်များ

San Mateo 22:37

Kixye li Jesus re: —Taara li Qaawa' laaYos chi anchal laach'ool, chi anchal laawaanm ut chi anchal laak'a'uxl.

Isaías 53:10

Li Qaawa' xraj xrahob'tesinkil ut xtawasinkil rik'in rahilal, ut laj k'anjel tiik xch'ool xmayeja rib' re xtojb'al rix li maak. Jo'kan naq taanajto'q roq li xyu'am, toxrileb' li ralal xk'ajol ut sa' xk'ab'a' A'an taatz'aqloq ru li rajom li Yos.

2 Crónicas 7:7

Laj Salomón kixq'axtesi ajwi' re li Qaawa' li xneb'aalil li rochoch li Yos (a' li wank chiru). Aran kixyeechi'i li xk'atb'il mayej ut li xxeeb'ul li mayej re li k'amok ib' sa' usilal rik'in li Yos, xb'aan naq jwal kach'in li artal yiib'anb'il rik'in q'anch'iich', li wank chiru li Qaawa'; jo'kan naq ink'a' ki'ok aran jo'nimal kiyeechi'imank.

Levítico 17:6

Laj tij tixrachrachi li kik' sa' xb'een x'artal li Qaawa', sa' rokeb'aal li Loq'laj Muheb'aal, ut tixk'at li xeeb' jo' sununkil b'ook chiru li Qaawa'.

Levítico 9:24

ki'elk xam b'arwi' kixk'ut rib' li Qaawa' ut kixk'at li xul li taak'atmanq raj ut li xeeb' li wank sa' xb'een li artal. Naq ke'ril a'in, chixjunileb' laj Israel ke'xjap re xb'aan xsahileb' xch'ool ut ke'xhupub' rib' sa' ch'och' chi loq'onink.

Levítico 8:25

Kixchap li xeeb', li xye, chixjunil li xeeb' wank chirix li xk'amk'ot, li ch'och' jwal xeeb' ru, xkab'ichaleb' li kenq' rochb'een xxeeb'ul, ut li ra' wank sa' xseeb'al.

Levítico 4:31

Tento naq taarisi ajwi' chixjunil li xeeb', jo' tz'aqal na'isimank re li xul nayeechi'imank cho'q mayej re k'amok ib' sa' usilal rik'in li Yos, ut tixk'at sa' xb'een li artal jo' sununkil b'ook chiru li Qaawa'. Chi jo'kan laj tij tixk'e li mayej re xtojb'al rix li xmaak li poyanam a'an, ut taakuymanq li maak.

Levítico 4:26

Tixk'at chixjunil li xeeb' sa' xb'een li artal, jo' tz'aqal nab'aanumank re li xeeb'ul li mayej re k'amok ib' sa' usilal rik'in li Yos. Chi jo'kan laj tij tixk'e li mayej re xtojb'al rix li xmaak laj jolominel ut taakuymanq li xmaak.

Éxodo 29:22

“Toja' naq taachap xxeeb'ul li karneer a'in: li xye, li xeeb' li wank chirix li xk'amk'ot, li wank chi xk'atq li xsaaseb', xkab'ichaleb' li xkenq' ut li xeeb' li wank chirixeb', jo' ajwi' li ra' li wank sa' xnim, xb'aan naq a'an mayejanb'il karneer sa' xk'ab'a' li rokikeb' cho'q aj tij.

Éxodo 29:13

Taawisi chixjunil li xeeb' li wank chirix li k'amk'ot, li nawank chi xk'atq li saaseb', jo' ajwi' xkab'ichaleb' li xkenq' ut li xeeb' li nawank chirixeb', re naq taak'ate'q sa' li artal.

2 Crónicas 29:35

Jwal naab'aleb' li k'atb'il mayej ut li xeeb' cho'q re li k'amok ib' sa' usilal rik'in li Yos, jo'wi' li mayej b'iin re rochb'eeninkil li k'atb'il mayej. Jo'ka'in naq ke'xtikib' wi' chik xloq'oninkil ru li Yos sa' rochoch li Qaawa'.

Ezequiel 44:15

“Ab'an eb' laj Leví, li ralal xk'ajoleb' laj Sadok li ink'a' xe'xkanab' k'anjelak sa' li wochoch naq eb' laj Israel xine'xtz'eqtaana, a'aneb' naru te'ok chi k'anjelak chiwu re xyeechi'inkil we li xxeeb'ul ut li xkik'el li mayej -chan li Qaawa'-.

Génesis 4:4

Jo'kan ajwi' laj Abel kixmayejaheb' li xb'een raleb' li xkarneer ut chixjunil li xxeeb'ul. Li Qaawa' kisaho'k xch'ool rik'in laj Abel jo'wi' rik'in li xmayej,