Levítico 26:9 - Q'eqchi Bible

⁹ Laa'in tinb'aanu usilal eere ut texink'e chi k'ihank; junelik xaqxooq xwankil linSumwank eerik'in.

Li Santil hu

⁹ La̱in tinba̱nu usilal e̱re. Texcuosobtesi ut texnabalokꞌ. Junelic xakxo̱k xcuanquil li contrato li quinba̱nu e̱riqꞌuin.

Levítico 26:9 ပူးပေါင်းရင်းမြစ်များ

Salmos 107:38

Li Qaawa' kirosob'tesiheb' ut q'axal ke'k'ihank; ink'a' kixk'e chi lajk eb' li xketomq.

Ezequiel 16:62

Laa'in tinxaqab' wi' chik xwankil linsumwank aawik'in, ut taanaw naq laa'in li Qaawa'.

Nehemías 9:23

Ut kanaab'alob'resiheb' li ralal xk'ajoleb' jo' xk'ihal li chahim chiru choxa; ut kak'ameb' sa' li ch'och' li kaye naq te'reechani li xna' xyuwa'eb'.

Isaías 55:3

Chex'ab'inq ut kimqex wik'in; ab'ihomaqin ut taawanq eeyu'am. Xb'aan naq tink'ojob' eerik'in jun junelik sumwank, ut chi jo'kan tinb'aanu li kinyeechi'i re laj David sa' xk'ab'a' linrahom.

Génesis 28:3

A' taxaq li Nimajwal Yos chi'osob'tesinq aawe, chixk'e taxaq aawalal aak'ajol, ut chatk'ihanq re naq laa'ataq xnimal xteepaleb' tenamit.

Jeremías 33:3

Patz' link'ab'a' ut laa'in tatinchaq'b'e; tinye aawe xninqal na'leb' li wankeb' chi muqmu ut toj maji' nakanaw laa'at.

Deuteronomio 28:11

Li Qaawa' tixk'e aawe li chaab'il eechej chi numtajenaq: tixk'e naab'al laawalal laak'ajol, jo'wi' laawakax ut laawawimq, chiru li ch'och' kixyeechi'i reheb' laana' laayuwa' chaweechani laa'at.

San Lucas 1:72

rik'in ruxtaanankil ru li qana' qayuwa' jo'wi' rik'in xnaqik sa' xch'ool li xsantil Sumwank

Salmos 89:3

Tinye naq k'ojk'o laawuxtaan chi junelik, li xtiikilal laach'ool xaqxo xwankil sa' choxa.

Deuteronomio 28:4

Osob'tesinb'ilaq laawalal jo' ajwi' li taaruuchini laach'och' ut eb' li ral laaketomq, li ral laawakax ut li ral laakarneer.

Éxodo 6:4

Xink'ojob' ajwi' jun Sumwank rik'ineb' ut xinye li waatin naq tink'e reheb' li tenamit Kanahán, a' li ch'och' ke'xb'eeni chaq jo' aj numeleb'.

Éxodo 2:25

Kirileb' li ralal xk'ajol laj Israel ut kirusilaheb'.

Éxodo 1:7

ab'anan eb' laj Israel ke'alank ut ke'naab'alo'k. K'ajo' naq ke'k'ihank ut ke'xtaw xwankilaleb': ke'xnujob'resi chixjunil li tenamit!

Génesis 28:14

Li xk'ihaleb' laawalal aak'ajol jo'aq li xpojtz'il li ch'och'; ut laa'at tatpukanq chalen sa' releb'l saq'e toj sa' rokeb'l; chalen sa' releb'l li iq' toj sa' rokeb'l. Sa' aak'ab'a' ut sa' xk'ab'a'eb' laawalal aak'ajol osob'tesinb'ilaqeb' chixjunil li tenamit sa' xb'een li ruuchich'och'.

Génesis 26:4

Tink'ihob'resi eb' laawalal aak'ajol, kama'aqeb' li chahim sa' choxa, ut tink'e chixjunil li ch'och' a'in reheb' laawi aamam, ut sa' xk'ab'a'eb' a'an osob'tesinb'ilaqeb' chixjunil li tenamit sa' ruuchich'och',

Génesis 17:20

Xwab'i ajwi' li xapatz' chirix laj Ismael. Matk'oxlak. Twosob'tesi, tink'e chi pukank eb' li ralal xk'ajol. A'anaq jun nimla tenamit ut a'anaq ajwi' xyuwa' kab'laju chi xninqal ru winq.

Génesis 6:18

Ab'anan aawik'in tink'ojob' jun sumwank: tat-ok laa'at sa' li jukub' kab'l aawochb'eeneb' laawalal, laawixaqil ut eb' laawalib'.

Hebreos 8:9

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq sa' li tenamit Ejiipt. Eb' a'an ink'a' ke'xpaab' linSumwank rik'ineb'; jo'kan naq laa'in ajwi' ink'a' chik kink'oxlaheb', chan li Qaawa'.

Nehemías 2:20

Ab'anan laa'in kinchaq'b'eheb': “Li choxahil Yos tooxk'e chi q'axok u. Laa'o li nokook'anjelak chiru ok qe chi k'anjelak. Ut laa'ex maak'a' truuq teereechani arin; maak'a' eek'ulub'; moko eek'ulub' ta naq wanq eepatz'b'al sa' li tenamit Jerusalén”, chankin reheb'.

2 Reyes 13:23

Ab'an li Qaawa' kixtoq'ob'a ut kiruxtaana ruheb', kisutq'iik wi' chik rik'ineb' sa' xk'ab'a' li xsumwank rik'in laj Abrahán, laj Isahak ut laj Jakob, ut ink'a' kiraj xsachb'aleb' ru chi junajwa, chi moko kixtz'eqtaanaheb' chalen toj anaqwan.

Génesis 1:28

Li Yos kirosob'tesiheb' ut kixye reheb': “Chiwanq eeralal eek'ajol, chexk'ihanq, chenujob'resi li ruuchich'och' ut chereechanihaq. Chextaqlanq sa' xb'eeneb' li kar sa' palaw, sa' xb'eeneb' li xul li neke'rupupik chiru choxa ut sa' xb'eeneb' chixjunil li xul li neke'xjukuki rib' chiru ch'och'”.

Génesis 22:17

Jo'kan naq xinye li waatin chi tz'aqal yaal naq q'axal tatwosob'tesi ut tink'ihob'resi chi yo'oon eb' laawalal aak'ajol, jo'aqeb' xk'ihal li chahim sa' choxa ut li samahib' chire li palaw. Eb' laawalal te'eechaninq re li xtenamiteb' li xik' neke'ilok reheb'.

Génesis 48:4

ut kixye we: «K'e reetal: laa'in tink'eheb' chi k'ihank ut chi pukank eb' laawalal aak'ajol. Aawik'in twisi jun xnimal xteepaleb' chi tenamit, ut li ch'och' a'in tink'e chi junajwa reheb' li te'yo'laaq aawik'in».

Levítico 26:15

wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Deuteronomio 7:13

Tatxra, tatrosob'tesi, tatnaab'alob'resi, trosob'tesiheb' laawalal aak'ajol ut laawawimq: laawixim, laawuk'a', laa'aseeyt, eb' li ral laawakax, eb' li ral laakarneer, sa' li ch'och' kixyeechi'i reheb' laana' laayuwa' cho'q aawe laa'at.

Ezequiel 36:9

Laa'in tinkoloq eere, tinsutq'iiq chaq eerik'in ut texink'e chi k'anjelaak re naq taa'uxq li awk cheru.

1 Reyes 3:8

Wankin sa' xyanq laatenamit, jun tenamit sik'b'il ru aab'aan, k'ajo' xk'ihal, li ink'a' naru rajlankileb'.

Jeremías 23:3

Laa'in tink'ameb' chaq linkarneer b'arwi' xwaanilasiheb', tinch'utub'eb' ut teb'ink'am chaq wi' chik sa' li xna'ajeb', re naq te'k'iiq ut te'k'ihanq.

Jeremías 23:4

Tinxaqab'eb' aj ilol reheb' re naq te'xch'oolaniheb'; chi jo'kan maak'a' te'xxiwa chi moko taasachq junaq sa' xyanqeb'”, chan li Qaawa'.