Levítico 26:5 - Q'eqchi Bible

⁵ Wanq eetriiw toj reetal taawulaq xq'ehil li xxokb'al ru li uub', ut wanq ajwi' ee'uub' toj sa' xq'ehil li awk; texwa'aq toj reetal taak'ojlaaq eech'ool ut texwanq sa' sahilal sa' leetenamit.

Li Santil hu

⁵ Nabal li ru li trigo tixqꞌue. Toj yo̱kex ajcuiꞌ chixsicꞌbal nak ta̱cuulak xkꞌehil xsicꞌbal ru li uvas. Ut nabal ru li uvas tixqꞌue. Toj ma̱ji ajcuiꞌ nequechoy xsicꞌbal ru li uvas nak ta̱cuulak xkꞌehil li a̱uc. Textzaca̱nk chi us toj retal ta̱cꞌojla̱k e̱chꞌo̱l. Sahak saꞌ le̱ chꞌo̱l ut cua̱nkex saꞌ xya̱lal saꞌ le̱ naꞌaj.

Levítico 26:5 ပူးပေါင်းရင်းမြစ်များ

Amós 9:13

“Taawulaq xkutankil naq toj yooq li xokok triiw ut taa'uxq ajwi' li k'alek; ut naq toj maji' naraqe'k li yatz'ok uub', taatiklaaq rawb'al li triiw. Jo'aq li nima' naq taa'elq li b'iin sa'eb' li tzuul ut sa'eb' li b'ool.

Joel 2:26

Textzekanq toj reetal taak'ojlaaq leech'ool ut teek'e xloq'al li Qaawa' leeYos, xb'aan naq xinb'aanu xninqal sachb'ach'oolej cho'q eere. Maajoq'e chik taak'ehe'q chi se'eek lintenamit.

Joel 2:19

ut kixye reheb': “Tintaqla chaq eere li triiw, li b'iin ut li aseeyt toj reetal taak'ojlaaq eech'ool, ut maajoq'e chik texink'e chi se'eek xb'aaneb' li tenamit junch'ol.

Proverbios 1:33

A'ut li naxk'e xch'ool chi wab'inkil taawanq xyu'am sa' tuqtuukilal; sa taawanq ut ink'a' taaxiwaq xb'aan li rahilal”.

Deuteronomio 11:15

Laa'in tink'e chi yo'laak li raxpim cho'q xwaheb' leeketomq; ut laa'ex texwa'aq toj reetal taak'ojlaaq leech'ool.

1 Timoteo 6:17

Chatz'aama chiruheb' li b'ihom sa' li ruuchich'och' a'in naq me'xq'etq'eti rib' chi moko te'xk'ojob' xch'ool rik'in li b'ihomal li taa'oso'q, te'xk'ojob' b'an xch'ool rik'in li Yos li nak'ehok qe chi yo'oon chixjunil li k'a'aq re ru, re tqayal xsahil.

1 Pedro 1:5

li xokxookex xb'aan xwankil li Yos, sa' xk'ab'a' leepaab'aal, cho'q re li kolb'a ib' li taak'utb'esiiq sa' roso'jikeb' li kutan.

Hechos 14:17

us ta maajun sut kixkanab' xk'utb'al rib' rik'in xhoyb'al chaq li rusilal sa' xb'eeneb' chixjunileb'; toj sa' choxa naxtaqla chaq li hab' ut li ru leerawimq sa' xq'ehil, ut naxk'ojob' eech'ool rik'in tzekemq ut sahil ch'oolej.

San Mateo 23:37

“At Jerusalén, Jerusalén, li nakakamsiheb' li propeet ut nakakuteb' chi pek li taqlanb'ileb' chaq aawik'in! K'ajo' naq xwaj raj xch'utub'ankileb' laawalal aak'ajol, kama' junaq kaxlan naxkupuheb' li ral rub'el li xxik', ut ink'a' xeraj!

Jeremías 23:6

Chiru li x'awab'ejihom, eb' laj Judá te'kole'q, ut eb' laj Israel te'wanq sa' tuqtuukilal. A'an a'in li te'xk'e cho'q xk'ab'a': «Li Qaawa' a'an laj kolol qe».

Proverbios 18:10

Li Qaawa' a'an chanchan li kawub'resinb'il ochoch: rik'in A'an neke'xkol rib' li tiikeb' xch'ool.

Salmos 90:1

Xtij laj Moisés, laj k'anjel chiru li Yos. At Qaawa', chalen chaq sa' xtiklajik laa'at li qochoch chi junelik.

Éxodo 16:8

Ut laj Moisés kixye ajwi': “Hoon ewu li Qaawa' tixk'e chaq eetib' re teetiw, ut wulaj eq'la numtajenaqaq eewa. Xb'aan naq li Qaawa' xrab'i li xwech'inkil rix eeb'aan. Ab'an aniho laa'o? Moko laa'o ta yookex chi qawech'inkil, a' b'an li Qaawa'”.

Oseas 2:18

“Sa' li kutan a'an, sa' xk'ab'a' lintenamit, tink'ojob' jun sumwank rik'ineb' li josq' aj xul, rik'ineb' li neke'xik'ank ut eb' li k'anti'. Twisi sa' li na'ajej a'in li xna' simaj, li q'esnal ch'iich' ut li yalok re naq twanq sa' tuqtuukilal lintenamit.

Salmos 144:13

Che'nujaq taxaq eb' li qak'uuleb'aal, b'uyb'utqeb' rik'in chixjunil ru li qawimq; che'k'ihanq taxaq li qakarneer chi k'iila o'q'ob' sa'atqeb' chixjunil li qatzuul qataq'a.

Isaías 1:19

Wi nikineepaab', teetzeka li chaab'il eechej na'elk sa' li ch'och';

Isaías 30:23

Li Qaawa' tixtaqla chaq li hab' sa' xb'een li iyaj xeraw sa' li ch'och', ut a'in naab'al li wa tixk'e eere ut k'ajo'aq xsahil. Chiruheb' li kutan a'an eb' leewakax q'axal nimaq chik li xna'ajeb' te'ichajib'q wi';

Oseas 2:20

Tatink'am wik'in rik'in chaab'ilal ut aran taanaw naq laa'in li Qaawa' laaYos.

Joel 2:22

Ex k'iche'il xul, mexxiwak, xb'aan naq taawanq wi' chik li raxpim sa' li chaqich'och' ut te'uuchinq wi' chik eb' li che': q'axal naab'alaqeb' li iig ut li uub'.