Levítico 26:40 - Q'eqchi Bible

⁴⁰ “Toja' naq te'xch'olob' li xmaakeb' ut li xmaa'usilaleb' li xna' xyuwa', chanru naq xe'xq'etq'eti rib' ut xe'jipunk chiwu.

Li Santil hu

⁴⁰ La̱ex ta̱yotꞌekꞌ e̱chꞌo̱l xban li ma̱c queba̱nu ut xban li ma̱c queꞌxba̱nu chak le̱ naꞌ e̱yucuaꞌ nak quineꞌxtzꞌekta̱na ut queꞌxkꞌet lin chakꞌrab.

Levítico 26:40 ပူးပေါင်းရင်းမြစ်များ

Proverbios 28:13

Li naxmuq li xmaak, maajaruj tox'usaaq; a'ut li naxxooto xmaak ut ink'a' chik naxb'aanu, kuyb'ilaq li xmaak.

Oseas 5:15

“Chirix chik a'an tinsutq'iiq wi' chik sa' linna'aj, toj reetal te'xk'e reetal li xmaakeb' ut toline'xsik'. Naq wanqeb' sa' rahilal, relik chi yaal naq toline'xsik'”.

Números 5:7

Jo'kan naq tento tixxooto li xmaak xb'aanu; tixtoj rix rik'in tumin ut oob' jachal chik xkomon tixk'e.

Ezequiel 36:31

Toja' naq taajultiko'q eere leeyib' aj b'aanuhom jo'wi' leek'anjel moko chaab'il ta; texxutaanaq chik xb'aan leemaak ut leemaa'usilal.

Salmos 32:5

Xinch'olob' linmaak chawu ut maak'a' xinmuq: “Tinxooto linmaa'usilal chiru li Qaawa'”, chankin. Ut laa'at xakuy xasacheb' linmaak, xinaakuy sa' chixjunil li xinmaakob'k wi'.

1 Reyes 8:47

wi sa' li tenamit a'an te'xyot' xch'ool te'xjal xk'a'uxl, wi te'tz'aamanq te'elajinq chawu ut te'xk'e reetal naq xe'maakob'k ut ink'a' us xe'xb'aanu,

Josué 7:19

Toja' naq laj Josué kixye re laj Akán: “At walal, chanima xloq'al li Qaawa', xYos laj Israel; chaterq'usi li xk'ab'a'. Ye we k'aru xab'aanu ut maamuq chiwu”, chan.

Levítico 26:24

laa'in tinjosq'o'q eerik'in ut texinrahob'tesi wuqub' sutaq wi' chik xb'aan leemaak.

Levítico 26:21

“Ut wi toj yooqex chi xq'etb'al li waatin ut ink'a' teeraj inpaab'ankil, laa'in texinrahob'tesi wuqub' sutaq wi' chik xb'aan leemaak.

Levítico 5:5

“Naq junaq taamaakob'q rik'in li k'a'aq re ru a'in, tento tixye k'aru li xmaakob'k wi',

Esdras 10:11

Chexooto leemaak anaqwan chiru li Qaawa', xYos leena' leeyuwa', paab'omaq li rajom ut jek'ihomaq eerib' rik'ineb' li maak'a'eb' xpaab'aal jo'wi' rik'ineb' li ixq aj ab'l tenamit”, chan.

Jeremías 14:20

At Qaawa', naqaxooto li qamaa'usilal jo'wi' li xmaakeb' li qaxe' qatoon, xb'aan naq xoomaakob'k chawu.

Josué 22:15

Ut naq eb' a'in ke'wulak wankeb' wi' laj Rubén, eb' laj Gad ut li xyiijachil xteepal laj Manasés, sa' li na'ajej Galahad, ke'raatinaheb' chi jo'ka'in:

1 Reyes 8:48

wi te'sutq'iiq chaq aawik'in chi anchaleb' xch'ool chi anchaleb' li raanm ut te'tijoq chawu chi yooqeb' chaq chi ilok sa' xjayal li ch'och' aak'ehom reheb' li xna' xyuwa'eb', a' li tenamit aasik'om ru, ut sa' xjayal li kab'l xinyiib' sa' aak'ab'a',

Esdras 9:6

ut kinye: “At inYos, sachso linch'ool ut q'axal ninxutaanak chi xtaqsinkil li wilob'aal chawu, at inYos. Xikenaq xb'een li qamaa'usilal ut jwal naab'al li qamaak: xwulak toj sa' choxa.

Esdras 9:15

“At Qaawa', xYos laj Israel, laa'at tiik aach'ool. Jo'kan naq toj yo'yooko anaqwan jarub'o li xookole'k. Wanko rub'el laawoq rub'el laawuq' laa'o aj maak, us ta maajun xnimal aj maak naxkuy wank chawu”.

Lamentaciones 1:20

Ilin, at Qaawa', sa' li rahilal wankin wi'. Nayot'e'k linch'ool, nab'aqaqnak li waanm xb'aan li maak xinb'aanu: xinq'etq'eti wib' chawu. Chirix kab'l yookeb' chi kamsiik eb' li walal ink'ajol, ut sa' li kab'l yo ajwi' li kamk.

Ezequiel 14:23

Taak'ojlaaq leech'ool naq teenaw chanru li xna'leb'eb' ut teeril li xyehom ut xb'aanuhomeb'. Toja' naq teenaw naq moko maak'a' ta xyaalal naq xinrahob'tesi Jerusalén. Laa'in, li Qaawa', xinyehok re a'in”.