Levítico 26:30 - Q'eqchi Bible

³⁰ Laa'in tinjuk' leetijob'aal ut tinputz'iheb' li x'artalil leesununkil ensens, teb'intuub' leekamenaq sa' xb'eeneb' leekamenaqil yos ut texintz'eqtaana;

Li Santil hu

³⁰ La̱in tintꞌan li naꞌajej li najt xteram li nequexlokꞌonin cuiꞌ. Ut tinjucꞌ li artal li nequecꞌat cuiꞌ le̱ pom. Ut la̱in tintu̱b le̱ camenak saꞌ xbe̱neb le̱ yi̱banbil dios, li moco yoꞌyo̱queb ta. Ut xicꞌ chic texcuil.

Levítico 26:30 ပူးပေါင်းရင်းမြစ်များ

2 Reyes 23:20

Moqon chik kixkamsiheb' chixjunileb' laj tij li ke'k'anjelak sa'eb' li tijob'aal chi tzuul, a'eb' li wankeb' aran, kixmayejaheb' sa' xb'eeneb' li artal ut kixk'at xb'aqeleb' kamenaq sa' xb'eeneb'. Chirix chik a'an kisutq'iik wi' chik Jerusalén.

Isaías 27:9

Ab'anan taakuymanq taasachmanq li xmaak laj Jakob, wi a'an tixputz'i chixjunileb' li artal jo' na'uxk re li xpekul li chun, ut maajunaq chik li pek, li che' malaj tijob'aal neke'loq'oniik wi' eb' li jalanil yos.

Ezequiel 6:13

Toj aran teenaw laa'ex naq laa'in li Qaawa' Yos, naq teerileb' li kamenaq sa' xyanqeb' li jalanil yos ut chi xsutameb' li artal, sa' xb'eenatqeb' li b'ool najteb' xteram, sa' xjolomeb' li ninqal tzuul, rub'elatqeb' li che', eb' li ninqi ji ut sa'atqeb' li na'ajej xe'mayejak wi' li sununkil pom chiruheb' li xyoseb'.

Jeremías 14:19

At Qaawa', ma xatz'eqtaana laj Judá chi junajwa? Ma xattitz'k chi rilb'al li tenamit Sión? K'a'ut naq xoohaatiq' chi ink'a' chik took'iraaq? Xqoyb'eni wank sa' tuqtuukilal, ut maak'a' junaq usilal xqataw. Xqayo'oni li kawilal, ut a' li xiwak xchalk sa' qab'een.

Salmos 89:38

kama'aq li po chi junelik, li nakanaak chi paab'ajel eetalil sa' choxa”.

2 Crónicas 31:1

Naq kiraqe'k chixjunil a'an, chixjunileb' laj Israel li wankeb' aran, koheb' sa'eb' li tenamit sa' xteepal Judá; ke'xjori eb' li pek neke'xloq'oni jo' Yos, ke'xputz'i eb' li xjalam u lix Aserá ut ke'xjuk'i eb' li tijob'aal wankatqeb' chi tzuul jo' ajwi' eb' li artal sa' xteepal Judá, Benjamín, Efraín ut Manasés, toj reetal ke'xsacheb' chi junajwa. Chirix chik a'an, ke'sutq'iik chixjunileb', chi xjunqal sa' li xna'ajeb' ut sa' li xtenamiteb'.

2 Crónicas 23:17

Ut chixjunil li tenamit koheb' sa' rochoch laj Bahal: ke'xjuk' ut ke'xputz'i eb' li artal ut eb' li jalam u, ut laj Matán, laj tij chiru laj Bahal, ke'xkamsi chiruheb' li artal.

2 Reyes 23:16

Naq laj Josías ki'ilok chi xsutam ut kirileb' li xmuqleb'aaleb' li kamenaq wankeb' sa' li tzuul, kixye naq che'isiiq li xb'aqel eb' li kamenaq ut che'k'ate'q sa' xb'een li artal. Chi jo'kan kixsach xwankil li na'ajej, jo' kixye li Qaawa' chi xtz'uumal re li xtaql li Yos naq kiyehok resil li k'aru taak'ulmanq.

2 Reyes 23:8

Moqon chik kixch'utub'eb' chixjunileb' laj tij sa' xteepal Judá ut kixmux ru eb' li tijob'aal kik'atmank wi' pom xb'aaneb' laj tij, chalen chaq Geba toj Berseba. Kixjuk'eb' li artal wankeb' sa' Rokeb'aal laj Josué, laj jolominel re li tenamit, li nakanaak sa' tz'e uq' naq na'uxk ok sa' li tenamit.

1 Reyes 13:2

Ut ki'aatinak chirix li artal chi kaw xyaab' xkux, jo' kiyehe'k re xb'aan li Qaawa': “At artal, at artal, jo'ka'in xye li Qaawa': «Sa' xyanqeb' li ralal xk'ajol laj David taayo'laaq jun k'uula'al, aj Josías xk'ab'a'. A'an tixmayeja sa' aab'een eb' laj tij li wankeb' sa'eb' li tijob'aal sa' xjolomeb' li tzuul, a'eb' li neke'k'atok pom sa' aab'een. Taak'atoq chik xb'aqeleb' kamenaq poyanam sa' aab'een»”.

Levítico 26:15

wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Levítico 26:11

“Laa'in tink'ojob' linmuheb'aal sa' eeyanq ut ink'a' texintz'eqtaana;

Levítico 20:23

Meeb'aanu jo' neke'xb'aanu eb' li poyanam li te'wisi cheru laa'ex. Eb' a'an xe'xb'aanu li maa'usilal, jo'kan naq ink'a' xinkuyeb' xmaak.

Génesis 19:13

xb'aan naq ok qe chi xsachb'al li na'ajej a'in. Jwal kaw li xyaab' kuxej neke'jite'k wi' chiru li Qaawa', ut A'an xooxtaqla chaq chi xsachb'aleb'”, chankeb'.

Deuteronomio 32:19

Naq li Qaawa' kiril a'an, rik'in xnimal xjosq'il kixtz'eqtaanaheb' li ralal xk'ajol

1 Reyes 13:32

xb'aan naq ch'olch'o naq taatz'aqloq ru li raatin li Qaawa' li xye chirix li artal re Betel ut chirix chixjunileb' li tijob'aal li wankeb' sa' xjolomeb' li tzuul, sa' xteepal Samaria”.

Salmos 106:40

Toja' naq kijosq'o'k li Qaawa' sa' xb'een li xtenamit: k'ajo' naq kixtz'eqtaana li sik'b'ileb' ru xb'aan.

Ezequiel 43:7

kixye we: “At kaamel winq, arin wank link'ojarib'aal, b'arwi' tinxaqab' eb' li woq; arin wanqin sa' xyanqeb' laj Israel chi junwaakaj. Eb' a'an ut eb' li x'awab'ej ink'a' chik te'xsach xloq'al linsantil k'ab'a' rik'in li xmaa'usilaleb': ink'a' chik te'xyiib'atq xjalam uheb' li awab'ej li xe'kamk,

Amós 6:8

Li Qaawa' kixye li raatin; li Nimajwal Yos kixye chi jo'ka'in: “Xik' nawil li xq'etq'etileb' li ralal xk'ajol laj Jakob; nintz'eqtaanaheb' li xchaq'alil ru ochoch; ut tinq'axtesi chixjunil li tenamit sa' ruq'eb' li xik' neke'ilok reheb'”.

Amós 7:9

Te'juk'manq eb' li xtijob'aal laj Isahak, te'sachmanq li xmuheb'aaleb' laj Israel, ut tinwakliiq chi yalok rik'ineb' li ralal xk'ajol laj Jerobohán”.

Jeremías 16:18

Ka'sut te'xtoj rix li xmaakeb' ut li maa'usilal xe'xb'aanu, xb'aan naq xe'xmux ru linna'aj rik'in xtz'i'b'eetal aj jalanil yos ut xe'xnujob'resi li ch'och' chi jo'maajo'il b'aanuhom”.

Ezequiel 16:39

Tatinq'axtesi sa' ruq'eb', re naq eb' a'an te'juk'uq re eb' li na'ajej katmaakob'k wi' ut te'xsach ru eb' laatijob'aal. Te'xmaq'i laab'aatal, te'xsaapu laasahil eechej ut tik t'ust'u tate'xkanab'.

Oseas 10:2

Jachjo li xch'ooleb', ut anaqwan te'xtoj rix li xmaakeb'. Li Qaawa' tixjuk'i eb' li artal ut tixputz'i eb' li jalanil yos.