Levítico 26:3 - Q'eqchi Bible

³ “Wi texwanq jo' chanru naxye li waatin, wi teepaab' linchaq'rab' ut teek'anjela ru,

Li Santil hu

³ Cui te̱ba̱nu li cꞌaꞌru naxye saꞌ li chakꞌrab li xinqꞌue e̱re, ut cui te̱ba̱nu li cꞌaꞌru xinye e̱re,

Levítico 26:3 ပူးပေါင်းရင်းမြစ်များ

Isaías 1:19

Wi nikineepaab', teetzeka li chaab'il eechej na'elk sa' li ch'och';

Apocalipsis 22:14

Us xaq reheb' li neke'xpuch' li raq'eb': chi jo'kan te'ruuq chi tz'aqk rik'in li che' nak'ehok yu'am ut te'ok sa'eb' li rokeb'aal li tenamit.

Deuteronomio 7:12

“Wi taak'e reetal eb' li chaq'rab' a'in, wi taapaab' ut taak'anjela ruheb', relik chi yaal naq li xSumwank li Qaawa' laaYos ut li xrahom twanq aawik'in, jo' kixyeechi'i reheb' laana' laayuwa'.

Éxodo 23:25

Taaloq'oni ru li Qaawa' laaYos, ut laa'in twosob'tesi laawa laawuk'a' ut ink'a' tatinkanab' chi yajerk.

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Zacarías 8:12

Xb'aan naq laa'in tin'awoq re li tuqtuukil usilal: eb' li xtoonal li uub' te'uuchinq chi us; taa'elq chik li awimq chiru li ch'och' ut li k'ajob' tixt'aqresi wi' chik li ch'och'; ut chixjunil a'in tink'e chi reechaniheb' li Rela' li tenamit a'in.

Malaquías 3:10

K'amomaq chaq li junjunq sa' xlajeetqil chixjunil; k'amomaq chaq chi tz'aqal re ru sa' li xloq'laj k'uuleb'aal, re naq wanq li tzekemq sa' li wochoch. Yalomaq wix chi jo'kan, ut laa'in tinte li choxa re eerosob'tesinkil chi yo'oon.

Levítico 19:25

ut sa' ro' li chihab' naru chik teetzeka ru li che' a'an. Chi jo'kan li che' q'axal chik taa'uuchinq. Laa'in li Qaawa' leeYos.

Nehemías 1:9

Ab'an wi texsutq'iiq chaq wik'in, wi teepaab' ut teek'anjela ru linchaq'rab', tinxik chesik'b'al ut texink'am wi' chik sa' li na'ajej sik'b'il ru inb'aan cho'q inmuheb'aal, us ta ak cha'cha'inb'ilex toj sa' xmaril li choxa», chankat.

Isaías 30:23

Li Qaawa' tixtaqla chaq li hab' sa' xb'een li iyaj xeraw sa' li ch'och', ut a'in naab'al li wa tixk'e eere ut k'ajo'aq xsahil. Chiruheb' li kutan a'an eb' leewakax q'axal nimaq chik li xna'ajeb' te'ichajib'q wi';