Levítico 26:26 - Q'eqchi Bible

²⁶ “Naq tinmaq' cheru chixjunil leetzekemq, lajeeb' chi ixq te'chiqoq leewa sa' jun chi chiqleb'aal, ut b'isb'il chik li wa li teewa': texwa'aq, ab'anan ink'a' taak'ojlaaq leech'ool.

Li Santil hu

²⁶ Incꞌaꞌ chic ta̱cua̱nk chi tzꞌakal le̱ tzacae̱mk. Laje̱b chi ixk teꞌxyi̱b li caxlan cua saꞌ jun chi horno. Ajlanbil chic li caxlan cua li te̱cꞌul. Ut nak ac xecuaꞌ chixjunil, incꞌaꞌ ta̱tzꞌaklok e̱re.

Levítico 26:26 ပူးပေါင်းရင်းမြစ်များ

Miqueas 6:14

Tattzekanq, ab'an ink'a' taak'ojlaaq laach'ool: li tz'okaak taachoyoq aawe. Tatk'uulanq tzekemq, ab'an maak'a' taa'ela'anq chawu; ut wi wank k'aru taaxok, tink'e chi oso'k xb'aan li raaxiik'.

Isaías 3:1

K'ehomaq reetal naq li Qaawa', li Nimajwal Yos, tixkanab' Judá ut Jerusalén chi maak'a' chik wanq re, ut taarisi chixjunil li xwaheb' ut ruk'a'eb'.

Ezequiel 5:16

“Tintaqla chaq li we'ej sa' eeb'een jo' li simaj jwal jutz' ru'uj, li taasachoq chi junwaakaj. Yaal naq tintaqla chaq li we'ej sa' eeb'een ut taalajq chixjunil leewa leeruk'a'.

Salmos 105:16

Li Yos kixtaqla li we'ej sa' li tenamit a'an, ut chixjunileb' ke'kanaak chi maak'a' chik xwaheb'.

Hageo 1:6

K'ajo' li awimq xeraw, ut kach'in ajwi' nekexok; xextzekank, ab'an ink'a' nak'ojlaak leech'ool; xex'uk'ak, ab'an ink'a' nanume'k leechaqi'eel; xelan eerib' chi us, ut ink'a' nekextiqwo'k; ut li tojb'il moos yal sa' q'ichil koxtal naxk'e li xtojb'al.

Ezequiel 14:13

“At kaamel winq, wi junaq tenamit namaakob'k chiwu ut naxq'et li xpaab'aal, laa'in tinrahob'tesi ut tinkanab' chi maak'a' chik xtzekemq; tintaqla chaq li we'ej sa' xb'een ut tink'eheb' chi kamk eb' li poyanam jo' ajwi' eb' li xul.

Ezequiel 4:16

Chirix chik a'an kixye we: “At kaamel winq, tink'e chi lajk li tzekemq sa' li tenamit Jerusalén. Sa' rahil ch'oolej te'wa'aq ut b'isb'ilaq li tzekemq; b'isb'ilaq ajwi' li ha' te'ruk' ut rik'in xiwak.

Isaías 9:20

Li junjunq nawa'ak sa' junpak'al ut toj yo ajwi' xtz'okajik, nawa'ak sa' junpak'al chik, ab'an ink'a' nak'ojlaak xch'ool; li junjunq naxtiw li xtib'el li xkomon.

Oseas 4:10

Te'tzekanq, ab'an ink'a' te'k'ojlaaq xch'ool; te'ko'b'eetaq, ab'an ink'a' te'alanq. Xb'aan naq xe'xkanab' k'anjelak chiru li Qaawa' ut a' chik li ko'b'eetak xe'xb'aanu.

Ezequiel 4:10

Li tzekemq taatzeka, a'an b'isb'ilaq; waqxaqitq oons chiru li junq kutan.

Jeremías 14:12

Us ta te'ayuuniq, ink'a' twab'i li xyaab' xkuxeb'. Us ta te'xq'axtesi we naab'al li k'atb'il mayej ut li xyeechi'omeb', ink'a' tink'ul chi sa sa' inch'ool, tinsach b'an ru li tenamit a'in rik'in q'esnal ch'iich', rik'in we'ej ut raxkamk”.

Levítico 26:27

“Ut wi toj teeq'etq'eti eerib' chiwu ut ink'a' teeraj rab'inkil li waatin, us ta eek'ulum chixjunil li rahilal a'in,

2 Reyes 6:25

Xb'aan a'an kichalk jun nimla we'ej sa' li tenamit a'an. Ut kib'ayk xsutb'al li tenamit toj reetal naq li xjolom jun li b'uur kitojmank chi kaak'aal chi tumin plaat, ut kach'in xk'ot li mukuy kitojmank o'otq chi tumin plaat.

Isaías 5:10

Xb'aan naq lajeeb' k'aam chi uub' taa'awmanq, ut moko k'i ta li b'iin tixk'e. Jun iiq chi iyaj taa'awmanq, ut yal jun chakach ajwi' chi triiw taa'elq”.

Ezequiel 4:17

Taamajelo'q li tzekemq ut li ha', ut k'ajo'aq xxiweb' naq te'xka'ya rib' chirib'ileb' rib', toj reetal te'oso'q sa' li xmaa'usilaleb'”, chan li Qaawa'.

Isaías 9:19

Xb'aan xnimal xjosq'il li Nimajwal Yos x'ok xxamlel li ruuchich'och' ut eb' li poyanam yookeb' chi k'atk jo'eb' li k'im; maajun chik naril xtoq'ob'aal ru li ras riitz'in.