Levítico 26:25 - Q'eqchi Bible

²⁵ Texinrahob'tesi rik'in q'esnal ch'iich' li taa'eeqajunq chirix li Sumwank; laa'ex texxik sa'atqeb' leetenamit re xkolb'al eerib', ab'an laa'in tintaqla chaq li raxkamk sa' eeyanq ut laa'ex texq'axtesiiq sa' ruq'eb' li xik' neke'ilok eere.

Li Santil hu

²⁵ La̱in tintaklaheb li xicꞌ nequeꞌiloc e̱re chi pletic e̱riqꞌuin re xtojbal rix le̱ ma̱c nak xekꞌet lin contrato. Nak texxic saꞌ eb li tenamit chixcolbal e̱rib, la̱in tintakla li rax ca̱mc saꞌ e̱be̱n ut la̱ex te̱kꞌaxtesi e̱rib saꞌ rukꞌeb li xicꞌ nequeꞌiloc e̱re.

Levítico 26:25 ပူးပေါင်းရင်းမြစ်များ

Números 14:12

Tinteneb' raxkamk sa' xb'eeneb' ut ink'a' chik te'reechani li ch'och' kinyeechi'i reheb'. A'ut laa'ataq jun nimla tenamit ut q'axal kawaq aawib' chiruheb' awe'”, chan li Qaawa'.

Ezequiel 5:17

Tintaqla chaq li we'ej, li yajel, li raxkamk sa' eeb'een, ut tintaqla ajwi' chaq eb' li josq' aj xul re naq texkanaaq chi maajunaq chik leeralal eek'ajol. Naab'aleb' sa' eeyanq te'kamq sa' li yalok. Laa'in, li Qaawa', xinyehok re eb' li aatin a'in”.

Ezequiel 33:2

“At kaamel winq, aatinaheb' laawech tenamitul ut ye reheb': «Wi laa'in tink'am chaq li raaxiik' sa' xb'een junaq tenamit, eb' a'in te'xxaqab' junaq aj k'aak'alenel sa' xyanqeb'.

Ezequiel 29:8

«Jo'kan naq laa'in, li Qaawa', ninye chi jo'ka'in: At Ejiipt, tintaqla chaq li kamk sa' aab'een ut te'kamsiiq chi ch'iich' eb' laapoyanam jo'wi' eb' li xul.

Ezequiel 20:37

Texink'e chi wank rub'el linwankil ut texwoksi wi' chik sa' linsumwank.

Ezequiel 14:17

“Ut wi tintaqla chaq li raaxiik' sa' li tenamit a'an ut tinye naq te'kamsiiq eb' li winq ut eb' li xul,

Ezequiel 6:3

Ye reheb' chi jo'ka'in: «Ex xtzuulul Israel, ab'ihomaq li naxye li Qaawa' chirixeb' li tzuultaq'a ut eb' li nima': Tintaqla chaq li raaxiik' sa' eeb'een ut tinjuk'i chixjunileb' leetijob'aal.

Jeremías 24:10

Tintaqla sa' xb'eeneb' li raaxiik', li we'ej ut li raxkamk, toj reetal te'oso'q sa' li na'ajej ink'ehom reheb' a'an ut reheb' li xxe'toonil yuwa'”.

Deuteronomio 32:25

Sa'eb' li b'e talaje'kamsiiq li ralal xk'ajol rik'in ch'iich', ut k'ajo'aq li xiwak sa' li rochocheb'. Jun kamikaqeb' chixjunileb', jo' saaj winq jo' saaj ixq, jo' k'uula'al jo' cheekel winq.

Deuteronomio 28:21

Li Qaawa' tixtaqla chaq li raxkamk sa' aab'een toj reetal tatsache'q sa' li ch'och' toxat-okaq wi'.

San Lucas 21:11

Talaje'wanq ninqi hiik ut, sa' naab'al chi na'ajej, taawanje'q we'ej ut yajel; xiwajelaq rilb'al li taak'ulmanq, ut sa' li choxa te'wanje'q xninqaleb' eetalil.

Amós 4:10

“Xintaqla li raxkamk sa' eeb'een jo' li kintaqla sa' xb'eeneb' laj Ejiipt; xeb'ink'e chi kamk leeralal eek'ajol sa' li yalok ut a' chik li xik' neke'ilok eere xe'eechanink reheb' leekawaay. Xink'e ajwi' chi rutz'b'al li xchuhal eb' li kamenaq, ab'anan laa'ex ink'a' xexsutq'iik chaq wik'in”, chan li Qaawa'.

Lamentaciones 2:21

Eb' li kok'al ut eb' li cheekel winq neke't'anaxinje'k chi ch'och'el; eb' linsaaj al ut eb' li tuq'ixq xe'kamsije'k chi q'esnal ch'iich'. K'ajo' xakamsiheb' sa' xkutankil laajosq'il, ut ink'a' xawil xtoq'ob'aal ruheb'!

Jeremías 9:16

Tincha'cha'iheb' sa'atqeb' li tenamit, li ink'a' xnawom ruheb' a'an chi moko xnawom ruheb' li xna' xyuwa'eb'; ut tink'eheb' chi kamsiik chi q'esnal ch'iich' toj reetal te'sache'q ru chixjunileb'”.

Salmos 94:1

Xaqlin, at Qaawa', laa'at aj eeqajunel, laa'at li Yos li nakaweeqajuni li ink'a' us.

2 Samuel 24:15

Ut laj David kixsik' cho'q re li raxkamk. Toja' naq li Qaawa' kixtaqla chaq li raxkamk sa' xb'een Israel, chalen sa' li honal a'an toj sa' li kutan xaqab'anb'il. Lajeeb' xkaak'aal mil (70,000) chi winq ke'kamk sa' li tenamit, chalen chaq Dan toj Berseba.

Deuteronomio 32:41

Naq tinji' re linlemtz'unkil ch'iich' ut tin'ok chi raqok aatin, tink'e reeqaj reheb' li xik' neke'ilok we; ut eb' li neke'tz'eqtaanank we tink'eheb' chi xtojb'al xmaakeb'.

Deuteronomio 32:35

cho'q re xkutankil li tojb'amaak, naq laa'in tink'e reeqaj li xb'aanuhomeb' ut taachalq xq'ehil li xt'anikeb'? Chalk re xkutankil li xsachikeb', chi seeb' taachalq li roso'jikeb'.

Números 16:49

Li ke'kamk xb'aan li raxkamk a'an kaalaju mil rik'in o'lajuk'aal xkab' o'q'ob' (14,700), chi ink'a' k'eeb'ileb' sa' ajl li ke'kamk xmaak laj Koré.

Levítico 26:6

Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Números 31:3

Toja' naq laj Moisés kiraatinaleb' li tenamit ut kixye reheb' chi jo'ka'in: “Kawresihomaq eerib' chi yalok rik'ineb' laj Madián, re naq sa' xk'ab'a' li Qaawa' teek'e reeqaj li rahilal ke'xb'aanu eere.

Jueces 15:11

Toja' naq lajeek'aal xwaqxaq o'q'ob' (3,000) aj Judá ke'kub'eek sa' li ochoch pek li wank sa' li saqoonak re Etán ut ke'xye re laj Sansón: “Ma ink'a' nakanaw naq eb' laj Filistea yookeb' chi numtaak sa' qab'een? K'aru xab'aanu qe?”, chankeb'. Laj Sansón kixsumeheb': “Jo' xe'xb'aanu we laa'in, jo'kan naq xinb'aanu reheb'”, chan.

1 Reyes 8:33

“Naq eb' laj Israel te'q'axe'q ru xb'aaneb' li xik' neke'ilok reheb', xb'aan naq xe'maakob'k chawu, wi tikto te'sutq'iiq chaq aawik'in, te'xloq'on wi' chik aawu, te'tijoq ut te'elajinq chawu sa' li ochoch a'in,

1 Reyes 8:37

“Naq taawanq we'ej sa' li tenamit malaj raxkamk, naq te'chalq eb' laj saak', malaj naq te'chaqiq eb' li awimq xb'aan li saq'ehil, xsujewink malaj xmotzo'ink, naq te'chalq eb' li xik' neke'ilok qe chi xsutb'al li qatenamit, malaj twanq junaq chik rahilal ut yajel,

Jeremías 50:28

Ab'ihomaqeb' li xe'elelik chaq Babilonia, yookeb' chi xyeeb'al resil sa' li tenamit Jerusalén naq li Qaawa' li qaYos xreeqaju li xsachik li xsantil ochoch.

Jeremías 51:11

Q'esnaaq ru'uj leesimaj ut kawresihomaq leech'iich' li nekekol wi' re leech'ool. Li Qaawa' xtoch' chaq li xch'ooleb' li awab'ej re Media re naq te'chalq chi xsachb'al ru Babilonia. A'an a'in li reeqaj tixb'aanu li Qaawa' naq ke'xjuk' li xsantil ochoch.

Éxodo 5:3

Ke'xye ut eb' a'an: “Li xYoseb' laj Hebreo xk'utb'esi rib' chiqu. Jo'kan naq naqatz'aama usilal, choohaakanab' chi xik sa' li chaqich'och' oxib'aq kutan chi b'e, re naq toomayejaq chiru li Qaawa' li qaYos. Mare anchal tooxrahob'tesi rik'in rax kamk malaj ch'iich'”.

2 Reyes 17:3

Laj Salmanasar, awab'ej re Asiria, koho chi yalok rik'in laj Oseas, ut a'in kikanaak rub'el xwankil laj Salmanasar ut ki'ok chi xk'eeb'al xtoj re.

2 Crónicas 24:24

Us ta ink'a' k'iheb' laj puub' li ke'chalk chaq Aram, ab'an q'axal naab'aleb' laj puub' aj Judá li ke'q'axtesiik sa' ruq'eb' xb'aan li Qaawa', xb'aan naq ke'xtz'eqtaana li Qaawa', xYos eb' li xxe'toonil yuwa'eb'. Jo'ka'in naq eb' laj Aram ke'xk'e laj Johás chi xtojb'al rix li xmaak.

Isaías 1:20

ab'an wi toj q'etq'etex, ch'olch'o naq texkamq chi ch'iich'. Laa'in li Qaawa' xinyehok eere a'in”.

Isaías 65:12

laa'in texink'e chi kamsiik chi q'esnal ch'iich' ut chejunilex tex'oso'q chi ch'otb'il leekux, xb'aan naq xexinb'oq ut ink'a' xineesume, xexwaatina, ut ink'a' xeraj wab'inkil; xeb'aanu b'an li ink'a' nawulak chiwu, a' chik li nachiq'ok injosq'il xesik' xb'aanunkil”.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Oseas 11:6

Sa' li xtenamiteb' taawanq li yalok: te'sache'q eb' li kawub'resinb'il ochoch ut taajuk'iiq chixjunil xb'aan li maa'usilal neke'xk'uub'.

Habacuc 3:5

K'amol b'e li raxkamk chiru li Qaawa' ut chirix A'an yo chi xik li kaqitiq.