Levítico 26:22 - Q'eqchi Bible

²² Tintaqla chaq eb' li josq' aj xul sa' eeb'een li te'xtiweb' leeralal eek'ajol, te'xt'upi leewakax. Moko k'ihex ta chik texwanq ut nakirirnak taakanaaq li b'e.

Li Santil hu

²² Tintakla li joskꞌ aj xul saꞌ e̱ya̱nk ut telajeꞌxcamsiheb le̱ cocꞌal ut teꞌxcamsi le̱ queto̱mk. Moco qꞌuihex ta chic texcana̱k. Ut ma̱ ani chic teꞌnumekꞌ saꞌ eb li be.

Levítico 26:22 ပူးပေါင်းရင်းမြစ်များ

Ezequiel 14:15

“Wi laa'in tintaqla chaq eb' li josq' aj xul sa' li na'ajej a'an re xkamsinkileb' li poyanam ut nakirirnak te'xkanab', chi maajun chik winq taanume'q aran xb'aaneb' li josq' aj xul,

Deuteronomio 32:24

Telaje'kamq xb'aan tz'okaak ut li tiq; te'sache'q ruheb' xb'aan li yib' aj raxkamk. Tintaqlaheb' sa' xb'eeneb' li josq' aj xul ut eb' li k'anti' neke'kamsink.

Jueces 5:6

Sa' xkutankil laj Sankar, ralal laj Anat, sa' xkutankil lix Jahel ink'a' ki'uxk b'eek sa'eb' li xninqal b'e; ut eb' laj numel junes jalb'e aj chik ke'xk'am.

Zacarías 7:14

Jo'kan naq kincha'cha'iheb' sa' chixjunileb' li tenamit ink'a' xnawomeb' ru, ut li na'ajej li ke'elk wi' kisache'k ut maajun chik naru nawank aran. Nakirirnak aj chik kikanaak li chaab'il ch'och' a'in”.

Lamentaciones 1:4

Jwal ra rilb'aleb' li b'e neke'xik aran Sión: maa'ani chik nachalk chi ninq'ehik. Maa'ani wank chiruheb' li rokeb'aal li tenamit. Neke'yaab'ak eb' laj tij, neke'huyhutk eb' li tuq'ixq, ut q'axal ra xch'ooleb' chixjunileb' laj Jerusalén.

Isaías 33:8

Neke'kirirnak aj chik li b'e ut maajun chik nanume'k aran. Xe'xsach xwankil li sumwank ut xe'xq'et li aatin xe'xye; maajun chik na'oxloq'ink li ras riitz'in.

2 Reyes 17:25

Ab'an naq eb' li poyanam a'an ke'xtikib' wank Samaria, ink'a' ke'xloq'oni li Qaawa'; jo'kan naq li Qaawa' kixtaqlaheb' chaq li kaqkoj sa' xyanqeb' chi xkamsinkileb'.

Levítico 26:6

Tink'e tuqtuukil usilal sa' leena'aj ut sa ajwi' texwarq, xb'aan naq maajun taaxib'esinq eere. Laa'in te'wisi sa' leetenamit eb' li josq' aj xul ut maa'ani taa'ok chi yalok eerik'in.

Miqueas 3:12

Jo'kan utan, eemaak laa'ex naq Sión kama'aq chik li k'aleb'aal re awk, ut Jerusalén taakanaaq cho'q po'lem, ut taak'iche'o'q li xna'aj li rochoch li Yos.

Ezequiel 33:28

Nayamyotk ut joxk' ch'och' tinkanab' li na'ajej a'in, ut taa'oso'q li xwankilal li naxnima wi' rib'. Eb' li xtzuulul Israel nakirirnak te'kanaaq, ut maajun chik taanume'q aran.

Ezequiel 14:21

“Laa'in, li Qaawa', ninye chi jo'ka'in: Q'axal ra wi' chik cho'q reheb' laj Jerusalén naq tintaqla sa' xb'eeneb' li kaahib' chi rahilal jwal xiwajel: li raaxiik', li we'ej, eb' li josq' aj xul ut li raxkamk, ut tink'eheb' chi kamk li winq jo'wi' eb' li xul.

Ezequiel 5:17

Tintaqla chaq li we'ej, li yajel, li raxkamk sa' eeb'een, ut tintaqla ajwi' chaq eb' li josq' aj xul re naq texkanaaq chi maajunaq chik leeralal eek'ajol. Naab'aleb' sa' eeyanq te'kamq sa' li yalok. Laa'in, li Qaawa', xinyehok re eb' li aatin a'in”.

Jeremías 15:3

“Laa'in tintaqla chaq kaahib' paay chi rahilal sa' xb'eeneb': wan te'kamq sa' li yalok, wan te't'upiiq xb'aaneb' li tz'i', wan te'lowe'q ut te'sache'q xb'aaneb' li josq' aj xul ut eb' li so'sol -chan li Qaawa'-.

Isaías 24:6

Jo'kan naq li xmajewahom li Yos xchalk sa' xb'een li ruuchich'och', xsache'k ru chixjunil ut eb' li poyanam yookeb' chi k'uluk rahilal. Xb'aan li xmaa'usilaleb' yookeb' chi oso'k li tenamit ut yal wiib' oxib' aj chik xe'kanaak.

2 Crónicas 15:5

Chiruheb' li kutan a'an, maak'a' chaq tuqtuukilal cho'q reheb' li tenamit, junes b'an xninqal rahilal kixib'esink reheb' chixjunileb' li poyanam wankatqeb' sa'eb' li tenamit.

2 Reyes 2:24

Laj Eliseo kixsutq'isi rib', kikanaak chi xka'yankileb' ut kixmajewaheb' sa' xk'ab'a' li Qaawa'. Toja' naq sa' li k'iche' ke'elk chaq wiib'eb' li tz'uqtz'un, ut ke'xt'upi wiib' roxk'aaleb' xkomoneb' li saaj aleb'.

Jeremías 42:2

rik'in laj Jeremías, li propeet, ut ke'xye re: “Naqatz'aama jun li usilal chawu: Tijon chiru li Qaawa' laaYos, chiqix laa'o li jun ch'inach'uuto xookanaak. K'ajo' qak'ihal junxil, ut anaqwan yookat chik rilb'al naq ink'a' chik k'iho.