Levítico 26:17 - Q'eqchi Bible

¹⁷ Laa'in tinjosq'o'q eerik'in ut eb' li xik' neke'ilok eere te'xq'ax eeru; te'numtaaq sa' eeb'een eb' li neke'kaqalink eere, ut tento tex'eleliq chi maajun taa'aanilasinq eere.

Li Santil hu

¹⁷ La̱in incꞌaꞌ chic texintenkꞌa. Texincanab e̱junes re nak li xicꞌ nequeꞌiloc e̱re teꞌnumta̱k saꞌ e̱be̱n ut teꞌtakla̱nk saꞌ e̱be̱n. Tex-e̱lelik chiruheb usta incꞌaꞌ yo̱keb che̱ra̱linanquil.

Levítico 26:17 ပူးပေါင်းရင်းမြစ်များ

Proverbios 28:1

Li ink'a' us xna'leb' na'elelik, us ta maajun na'aanilasink re; ab'an li tiik xch'ool maak'a' naxxiwa, jo' li kaqkoj.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Salmos 53:5

Ma ink'a' te'xtaw xyaalal eb' laj b'aanuhom maa'usilal, chixjunileb' li neke'xlow lintenamit jo' nawa'e'k li wa, eb' li ink'a' neke'xpatz' xk'ab'a' li Qaawa'?

Deuteronomio 28:25

Li Qaawa' tixk'e naq eb' li xik' neke'ilok aawe te'xq'ax aawu: sa' jun ruq'b'e toxaak'uleb' ut sa' wuqub' chik ruq'b'e tat-eleliq chiruheb', ut laa'at xiwajelaqat chiruheb' chixjunil li awab'ejilal sa' ruuchich'och'.

Jeremías 19:7

Sa' li na'ajej a'in tinjuk' chixjunil li xk'uub'ahomeb' laj Judá ut eb' laj Jerusalén. Tink'eheb' chi kamsiik ut chi sache'k xb'aaneb' li xik' neke'ilok reheb', cho'q xtib' eb' li so'sol ut eb' li josq' aj xul.

Jueces 2:14

Jo'kan naq li Qaawa' kichalk xjosq'il sa' xb'eeneb' laj Israel. Kixq'axtesiheb' sa' ruq'eb' laj elq' li ke'maq'ok chixjunil li k'aru wank reheb', kixk'ayeb' sa' ruq'eb' li xik' neke'ilok reheb', li wankeb' chi nach', ut ink'a' chik ke'xkuy xkolb'aleb' rib' chiruheb'.

Lamentaciones 1:5

Eb' li xik' neke'ilok re neke'numtaak sa' xb'een, ut saheb' chik sa' xch'ool. A' li Qaawa' xrahob'tesink re xb'aan xk'ihaleb' li maak xb'aanu Jerusalén. Eb' li ralal xk'ajol xe'k'ame'k chi najt xb'aaneb' li xik' neke'ilok reheb'.

1 Samuel 31:1

Sa' li tzuul Jelbohé eb' laj Filistea ke'ok chi yalok rik'ineb' laj Israel, ut eb' a'in ke'elelik chiruheb' ut naab'aleb' ke'kamsiik.

1 Samuel 4:10

Toja' naq eb' laj Filistea ke'ok chi yalok ut ke'xq'ax ruheb' laj Israel li ke'elelik chiruheb' ut koheb' sa' li xmuheb'aaleb'. K'ajo'eb' li ke'kamk! Lajeeb' xka'k'aal mileb' li ke'kamk sa' xyanqeb' laj Israel li neke'xik chi roqeb'.

Génesis 4:12

Us ta taak'anjela li ch'och', ab'an ink'a' taa'uuchinq; ut taab'eeni aj chik aawib' jo' aj eelel sa' ruuchich'och' chi junelik”.

Josué 7:4

Jo'kan naq koheb' toj Ay oxib' mil tana chi winq, ab'anan ke'elelik chiruheb' laj Ay.

1 Reyes 8:33

“Naq eb' laj Israel te'q'axe'q ru xb'aaneb' li xik' neke'ilok reheb', xb'aan naq xe'maakob'k chawu, wi tikto te'sutq'iiq chaq aawik'in, te'xloq'on wi' chik aawu, te'tijoq ut te'elajinq chawu sa' li ochoch a'in,

Salmos 44:10

A'ut anaqwan xoohaakanab' qajunes ut xak'ut qaxutaan, ink'a' chik nokoohaawochb'eeni naq nokooxik chi yalok.

Jeremías 44:11

«Jo'kan naq laa'in li Qaawa', li xYos laj Israel, ninye chi jo'ka'in: K'ehomaq reetal, tintaqla chaq li rahilal sa' eeb'een, re xsachb'al ru chixjunil Judá.

Ezequiel 15:7

Teb'ink'e chi xtojb'aleb' li xmaak. Xe'kole'k junsut chiru li xam, ab'anan xam ajwi' taasachoq reheb'. Ut naq yooqin chi xrahob'tesinkileb', laa'ex teenaw naq laa'in li Qaawa'.

Jueces 3:8

Jo'kan naq li Qaawa' kichalk xjosq'il sa' xb'eeneb' laj Israel ut kixq'axtesiheb' sa' ruq' laj Kusán Risatáhin, awab'ej re Edom, ut ke'k'anjelak waqxaqib' chihab' chiru li awab'ej a'an.

Jueces 3:14

Chiru waqxaqlaju chihab' eb' laj Israel ke'wank rub'el xwankil laj Eklón, awab'ej re Mohab.

Jueces 6:2

K'ajo' naq eb' laj Madián ke'xrahob'tesiheb' laj Israel! Jo'kan naq eb' a'in ke'xmuq chaq rib' sa' xyanqeb' li tzuul, sa'eb' li ochoch pek ut sa'eb' li xaqxookil b'ool, re xkolb'al rib'eb' chiruheb' laj Madián.

1 Samuel 12:15

Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

2 Reyes 13:3

K'ajo' naq kijosq'o'k li Qaawa' sa' xb'eeneb' laj Israel ut kixq'axtesiheb' rub'el xwankil laj Jasahel, awab'ej re Aram, jo'wi' sa' ruq' laj Ben-Adad, li ralal, chiruheb' li kutan a'an.

2 Reyes 13:7

Laj Johakás kikanaak yal rik'in lajeeb' roxk'aal chi aj puub' neke'yalok chirix kawaay, jo'wi' rik'in lajeeb' chi b'eleb'aal ch'iich' ut lajeeb' mil laj puub' neke'b'eek chi roqeb', xb'aan naq li awab'ej re Aram kixq'ax ruheb' ut kixsacheb' chi junajwa li junch'ol chik chi aj puub', jo' na'uxk re li pojtz' naq nayeq'iik.

Salmos 53:6

Ab'an te'xsiksiki rib' xb'aaneb' xxiw, us ta maak'a' taaxib'esinq reheb', xb'aan naq li Yos tixsach xwankil li xik' na'ilok re. Numtajenaq te'k'ute'q xxutaan xb'aan naq li Yos naxtz'eqtaanaheb'.

Isaías 30:17

Jun mil chi poyanam sa' eeyanq te'eleliq xb'aan jun chi winq ut chejunilex laa'ex tex'eleliq chiruheb' oob' li xik' neke'ilok eere, toj reetal wiib' oxib' aj chik texkanaaq, jo' naq nakanaak chi kumku li che' chiru tzuul malaj jo' jun eetalil sa' xb'een junaq b'ool.

Isaías 63:10

A'ut eb' a'an ke'xq'etq'eti rib' chiru ut ke'xmajewa li xsantil musiq'; jo'kan naq li Qaawa' xik' chik kirileb' ut ki'ok chi yalok rik'ineb'.

Lamentaciones 2:4

Jo' junaq aj xik'il uuchinel xteleb' li xsimaj ut xk'ut xkawilal li xtel. Jo' junaq aj sachonel kilajxsach chixjunil li ch'ina'us rilb'al. Jo' junaq xam xkut li xjosq'il sa' xb'eeneb' li xmuheb'aal Sión.