Levítico 26:15 - Q'eqchi Bible

¹⁵ wi teeq'etq'eti eerib' chiru lintaqlahom ut teetz'eqtaana li waatin, wi ink'a' teek'anjela ru chixjunil linchaq'rab' ut teeq'et linSumwank,

Li Santil hu

¹⁵ Cui la̱ex te̱tzꞌekta̱na lin chakꞌrab ut incꞌaꞌ te̱cꞌu̱luban ut cui incꞌaꞌ nequeqꞌue saꞌ e̱chꞌo̱l li cꞌaꞌru ninye ut cui la̱ex te̱risi xcuanquil li contrato li quinba̱nu e̱riqꞌuin,

Levítico 26:15 ပူးပေါင်းရင်းမြစ်များ

2 Reyes 17:15

Ke'xtz'eqtaana li xchaq'rab' ut li xsumwank li Qaawa' li kixk'ojob' rik'ineb' li xxe'toonil yuwa'eb'. Ke'xq'et li teneb'anb'il sa' xb'eeneb' ut koheb' chirixeb' li yos li maak'a' neke'ok wi'. Jo'kan naq ke'kanaak chi maak'a' neke'ok wi' ut ke'xk'anasi eb' li tenamit wankeb' chi xsutameb', us ta yeeb'il reheb' xb'aan li Qaawa' naq ink'a' te'xb'aanu jo' eb' a'an.

Deuteronomio 31:16

Toja' naq li Qaawa' kixye re laj Moisés: “K'e reetal, chi seeb' tatq'ajq tatsutq'iiq rik'ineb' laana' laayuwa', ut li tenamit a'in te'xtikib' xmuxb'al rib' rik'ineb' li jalanil yos, xyoseb' li ch'och' toxe'okaq wi'. Tine'xkanab' ut te'xq'et li Sumwank kinb'aanu rik'ineb'.

Ezequiel 16:59

«Laa'in, li Qaawa', ninye chi jo'ka'in: Tinb'aanu aawe li xab'aanu laa'at: kaq'et linsumwank ut katz'eqtaana li jurament.

Jeremías 11:10

Xe'ok chi xb'aanunkil li maa'usilal jo' ke'xb'aanu chaq eb' li xna' xyuwa'eb', li ink'a' ke'ab'ink chiwu ut koheb' chirixeb' li jalanil yos re k'anjelak chiruheb'. Eb' li ralal xk'ajoleb' laj Israel ut eb' laj Judá ke'xmux xwankil li Sumwank kink'ojob' rik'ineb' li xxe'toonil yuwa'eb'.

Isaías 24:5

Xmuxe'k ru li ch'och' xb'aaneb' li poyanam, xb'aan naq ink'a' xe'xpaab' li chaq'rab', xe'xq'et b'an raatin li Qaawa' ut xe'xsach xwankil li loq'laj Sumwank.

Números 15:31

xb'aan naq xtz'eqtaana li raatin li Qaawa' ut xq'et li xchaq'rab'. Taakamsiiq li winq li ixq a'an, ut li xmaak taakanaaq sa' xb'een”, chan li Qaawa'.

Hebreos 8:9

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq sa' li tenamit Ejiipt. Eb' a'an ink'a' ke'xpaab' linSumwank rik'ineb'; jo'kan naq laa'in ajwi' ink'a' chik kink'oxlaheb', chan li Qaawa'.

1 Ts 4:8

Jo'kan naq li natz'eqtaanank re li chaq'rab' a'in, maawa' winq naxtz'eqtaana, a' b'an li Yos, li nak'ehok eere li xSantil Musiq'.

Romanos 8:7

Li nak'amok wi' li xrahinkil li naraj li tz'ejwalej, a'an wank sa' xiik'ilal rik'in li Yos: li tz'ejwalej ink'a' naxk'e rib' rub'el xwankil xchaq'rab' li Yos, chi moko taaruuq aj ta wi';

Hechos 13:41

«K'ehomaq reetal laa'ex li nekextz'eqtaanank; chisachq eena'leb' ut chexmuqunq, xb'aan naq chiru leeyu'am tinb'aanu jun xnimal ru b'aanuhom, ut a'an ink'a' raj teepaab', us ta taaseeraq'iiq eere»”.

Jeremías 31:32

ink'a' jo' li Sumwank kink'ojob' rik'ineb' li xna' xyuwa'eb', naq keb'inch'ilo chaq chi ruq'eb' ut kiwisiheb' chaq Ejiipt. Eb' a'an ke'xsach xwankil linSumwank, us ta laa'in laj eechal reheb' -chan li Qaawa'-.

Jeremías 6:19

Ab'ihomaq li wankex sa' ruuchich'och'! Tink'am chaq li rahilal sa' xb'een li tenamit a'in xb'aan li maa'usilal neke'xk'uub'. Ink'a' neke'raj xpaab'ankil li waatin ut neke'xtz'eqtaana linchaq'rab'.

Proverbios 5:12

Ut taaye: “K'a'ut naq ink'a' xinpaab' linq'usb'al? K'a'ut naq xintz'eqtaana lintzolb'al?

Proverbios 1:30

Ink'a' xeraj rab'inkil li waatin chi moko xepaab' linq'usum.

Proverbios 1:7

Li roxloq'inkil li Qaawa' a'an xtiklajik li chaab'il k'a'uxl; eb' li jip neke'xtz'eqtaana li tije'k ut li q'use'k.

Salmos 50:17

laa'at li xik' nakawil laatijb'al inb'aan, laa'at li nakatz'eqtaana chixjunil li waatin?

2 Crónicas 36:16

Ab'anan eb' a'an ke'xse'e eb' li xtaql li Yos, ke'xtz'eqtaana li raatineb', ke'reetz'uhatq li xpropeet, toj reetal kichalk xjosq'il li Qaawa' rik'in li xtenamit ut maak'a' chik kikolok reheb'.

Levítico 26:43

Ab'an li ch'och' taakanab'aaq xb'aaneb' a'an ut tixyal xsahil li hilank naq wanq chi nakirirnak; toja' naq te'xtoj rix li xmaa'usilaleb' xb'aan naq xe'xq'et li waatin ut xe'xtz'eqtaana linchaq'rab'.

Éxodo 24:7

Moqon chik kixchap li xHuhil li Sumwank ut kixyaab'asi sa' xxikeb' li tenamit li ke'xsume: “Taaqapaab' ut taaqab'aanu chixjunil li xye li Qaawa'”, chankeb'.

Éxodo 19:5

Jo'kan b'i', wi relik chi yaal teerab'i xyaab' inkux ut teepaab' linSumwank, laa'exaq weechanihom sa' xyanq chixjunileb' li tenamit, xb'aan naq we chixjunil li ruuchich'och'.

Génesis 17:14

Li ink'a' tixk'ul li sirkunsisyon, a' li teelom li ink'a' taasete'q xtz'uumal li xtz'ejwal, a'an taa'isiiq sa' xyanqeb' li xkomon xb'aan naq xq'et li qaSumwank”.

Levítico 26:9

Laa'in tinb'aanu usilal eere ut texink'e chi k'ihank; junelik xaqxooq xwankil linSumwank eerik'in.

Levítico 26:11

“Laa'in tink'ojob' linmuheb'aal sa' eeyanq ut ink'a' texintz'eqtaana;

1 Samuel 12:15

Ab'anan wi ink'a' teerab'i xyaab' xkux li Qaawa', wi teeq'etq'eti eerib' chiru li xtaqlahom, li ruq' li Qaawa' taa'aalo'q sa' eeb'een ut sa' xb'een li awab'ej.

Malaquías 2:2

Wi ink'a' nekex'ab'ink ut ink'a' nekek'e sa' leech'ool li xk'eeb'al inloq'al, texinmajewa ut ink'a' texwosob'tesi, xb'aan naq maajun eere naxk'e xch'ool chinpaab'ankil -chan li Nimajwal Yos-.