Levítico 26:12 - Q'eqchi Bible

¹² tinwanq sa' eeyanq, ut laa'inaq leeYos ut laa'exaq intenamit.

Li Santil hu

¹² La̱in junelic cua̱nkin e̱riqꞌuin. La̱inak le̱ Dios ut la̱exak lin tenamit.

Levítico 26:12 ပူးပေါင်းရင်းမြစ်များ

2 Corintios 6:16

K'aru wank re li rochoch li Yos rik'ineb' li yal k'oxlanb'il yos? Xb'aan naq laa'o tz'aqal rochoch li yo'yookil Yos, jo' yeeb'il chaq xb'aan: “Tinwanq rik'ineb' ut tinb'eeq sa' xyanqeb'; laa'inaq li xYoseb' ut a'anaqeb' lintenamit”.

Jeremías 7:23

Li kinchaq'rab'iheb' wi' a'an a'in: «Paab'omaq li waatin; chi jo'kan laa'inaq leeYos ut laa'exaq lintenamit. K'amomaq li b'e tink'ut cheru, re naq junelik us tex'elq», chankin reheb'.

Éxodo 6:7

Texink'e cho'q intenamit ut laa'inaq leeYos; ut teenaw naq Laa'inin li Qaawa' leeYos li texwisi sa' ruq'eb' laj Ejiipt.

Hebreos 11:16

Ab'an yookeb' chaq chi xsik'b'al jun li tenamit q'axal chaab'il, a' li wank sa' choxa. Jo'kan naq li Yos ink'a' naxutaanak xb'aaneb', ink'a' naxutaanak naq naxk'ab'a'in “xYoseb' a'an”, xb'aan naq ak kixkawresi jun li tenamit cho'q reheb'.

Joel 2:27

Toja' naq laa'ex aj Israel teenaw naq wankin sa' eeyanq; laa'in li Qaawa' leeYos, ut maak'a' chik junaq chiwu laa'in! Ut lintenamit maajoq'e chik taak'ehe'q sa' xutaan”.

Deuteronomio 23:14

Li Qaawa' laaYos nab'eek wan wi' li muheb'aal re aakolb'al ut re xq'axtesinkil sa' laawuq' eb' li xik' neke'ilok aawe. Jo'kan naq laamuheb'aal tento naq oxloq'inb'ilaq; li Qaawa' ink'a' naru taaril li ink'a' us aran. Wi taaril li ink'a' us, taarisi rib' aawik'in.

Zacarías 13:9

Ut li jun jachal a'in tinnumsiheb' sa' xam, tinch'ajob'resiheb' jo' na'uxk re li plaat, tinpuuxi ruheb' jo' na'uxk re li oor. Toja' naq te'xyaab'a link'ab'a', ut laa'in tinsumeheb' chaq: «Intenamitex laa'ex», cha'qin reheb'; ut eb' a'an te'xye: «Li Qaawa' a'an li qaYos», cha'qeb'”.

Apocalipsis 21:7

Ani taaq'axoq u, taareechani chixjunil a k'a'aq re ru a'in: laa'inaq li xYos ut a'anaq li walal.

Ezequiel 11:20

re naq te'wanq jo' naxye linchaq'rab', te'xpaab' li waatin ut te'xyu'ami. Chi jo'kan a'anaqeb' lintenamit ut laa'inaq li xYoseb'.

Jeremías 11:4

A'an a'in li Sumwank li kink'ojob' rik'ineb' leena' leeyuwa' naq ke'wisi chaq Ejiipt, sa' li tenamit ke'wank wi' chaq kama' wi' wank sa' xam re ha'lesink ch'iich'. Kinye reheb': Paab'omaq li waatin ut b'aanuhomaq chixjunil li ninye eere; chi jo'kan laa'exaq lintenamit ut laa'inaq leeYos.

Isaías 41:10

Matxiwak, xb'aan naq wankin aawik'in; matk'oxlak xb'aan naq laa'in laaYos. Laa'in ninkawub'resink ut nintenq'ank aawe, kaw nakatinchap rik'in li wuq' li jwal kaw rib'.

Génesis 17:7

Tink'ojob' chi junajwa linSumwank aawik'in, jo' ajwi' rik'ineb' laawalal aak'ajol li te'wanq moqon. Laa'inaq laaYos ut xYoseb' ajwi' laawalal aak'ajol chi junelik.

Jeremías 32:38

A'anaqeb' lintenamit ut laa'inaq li xYoseb'.

Jeremías 31:33

A'an a'in li Sumwank tink'ojob' rik'ineb' laj Israel chiruheb' li kutan chaalel -chan li Qaawa'-: Tink'e linchaq'rab' sa' li xk'a'uxeb' ut tintz'iib'a sa' li xch'ooleb'. Laa'inaq li xYoseb' ut a'anaqeb' lintenamit.

Salmos 50:7

“Ab'i, at intenamit, ok we chi aatinak. Ab'i, Israel, tinch'olob' li yaal chawu. Laa'in li Qaawa', laa'in laaYos.

Ezequiel 36:38

Jo' xk'ihaleb' li karneer mayejanb'il chiwu sa'eb' li ninq'e aran Jerusalén, jo'kanaq naq te'k'ihanq eb' li poyanam sa' li po'lem. Ut aran taanawmanq naq laa'in li Qaawa'»”.

Isaías 12:2

A' li Yos nakolok we; k'ojk'o li waanm rik'in ut maak'a' ninxiwa. Li Qaawa' a'an linkawilal ut linmetz'ew, a'an laj kolol we”.

Éxodo 3:6

Kixye ajwi': “Laa'in li xYos laayuwa'; laa'in li xYos laj Abrahán, laj Isahak ut laj Jakob”. Toja' naq laj Moisés kixmuq li ru xb'aan naq kixxiwa rilb'al li Yos.

Génesis 3:8

Chirix chik a'an ke'rab'i xyaab' roq li Qaawa' Yos yo chi b'eek ewu sa' li awimq, sa' xhonal naq namayusink li iq'. Li winq ut li rixaqil ke'xmuq rib' chiru li Qaawa' Yos sa' xyanqeb' li che', sa' xna'aj li awimq.

San Mateo 22:32

«Laa'in li xYos laj Abrahán, li xYos laj Isahak ut li xYos laj Jakob»? Maawa' xYos li kamenaqeb', xYos b'an li yo'yookeb'.

Apocalipsis 2:1

“Tz'iib'an rik'in li x'ánjel li Iklees li wank Éfeso: «A'in naxye li wank li wuqub' chi chahim sa' xnim uq', li nab'eek sa' xyi li wuqub' chi xna'aj kanteel ooro.

Génesis 6:9

A'an a'in li resil xyu'am laj Noé. Laj Noé a'an jun li winq tiik xch'ool ut chaab'il li xyu'am sa' xyanqeb' li rech winqilal. Laj Noé kiwank sa' sum'aatin rik'in li Yos.

Génesis 5:24

Laj Enok kiwank sa' sum'aatin rik'in li Yos. Sa' jun kutan ink'a' chik ki'ile'k ru, xb'aan naq kolsaapuuq xb'aan li Yos.

Génesis 5:22

Laj Enok kiwank sa' sum'aatin rik'in li Yos. Chirix xyo'lajik laj Matusalén toj o'lajuk'aal (300) chihab' chik kiyo'yook laj Enok sa' ruuchich'och', ut ke'wank ralal xk'ajol.

Génesis 17:8

Tink'e aawe ut reheb' laawalal aak'ajol li ch'och' a'in li wankat wi' jo' aj numel; chixjunil Kanahán tink'e chi reechaniheb' chi junajwa, ut laa'inaq xYoseb'”.

Éxodo 29:45

Tinhilanq sa' xyanqeb' laj Israel ut laa'inaq li xYoseb'.

Números 5:3

Taawisiheb' sa' li na'ajej, a' yaal ma winq malaj ixq; taawisiheb' sa' li na'ajej a'in re naq ink'a' te'xmux li xmuheb'aaleb' b'arwi' wankin sa' xyanqeb'”, chan.

2 Samuel 7:7

Chiru chixjunileb' li kutan xe'wochb'eeni wi' chaq eb' laj Israel yalaq b'ar, maajun sut xinye reheb' laj k'amol b'e li xeb'inxaqab' chi xb'eresinkil lintenamit Israel, naq te'xyiib' junaq ochoch rik'in yaw».

Éxodo 29:46

Ut eb' a'an te'xnaw naq laa'in li Qaawa' li xYoseb', li xe'wisi chaq sa' li tenamit Ejiipt re naq tinhilanq sa' xyanqeb': laa'in li Qaawa', li xYoseb'.

Deuteronomio 23:15

“Ink'a' taaq'axtesi re laj eechal re, laj mun li x'elelik ut xol'okaq aawik'in;