Levítico 25:8 - Q'eqchi Bible

⁸ “Tento teerajla wuqub' xamaan chi chihab', naraj naxye wuqub' chihab' ut taatamb'resimanq chi wuqutq, taawulaq b'eleeb' roxk'aal chihab',

Li Santil hu

⁸ Yo̱kex rajlanquileb li chihab chi cuukutk toj retal ta̱cuulak li bele̱b roxcꞌa̱l (49) chihab.

Levítico 25:8 ပူးပေါင်းရင်းမြစ်များ

Levítico 23:15

“Chalen sa' xkutankil naq teek'am jun joob' chi triiw, cho'q xnimal ru eemayej, naraj naxye, wulajaq xkutankil li hilank, tento teerajla wuqub' xamaan chirix a'an.

Génesis 2:2

Sa' xwuq li kutan li Yos kixraq chixjunil li xk'anjel li xb'aanu, ut kihilank.

Levítico 25:7

Jo'k'ihal taaruuchin li ch'och', taak'anjelaq ajwi' cho'q reheb' leeketomq ut eb' li k'iche'il xul wankeb' sa' leena'aj.

Levítico 25:9

ut sa' li lajeeb' xb'e li xwuq po, sa' xkutankil li kuyuk sachok maak, teek'e chi yaab'asiik li xukub' sa' chixjunil li tenamit.

Daniel 9:24

«Ak xaqxo lajeeb' xkaak'aal xamaan sa' xb'een laatenamit ut sa' xb'een Jerusalén b'arwi' wankat. Aajel ru a'an, re naq taaraqe'q li maa'usilal ut li q'etb'a aatin, jo'wi' re naq te'tojmanq rix chixjunileb' li maak, re xxaqab'ankil xwankil li tiikilal chi junajwa ut xsantob'resinkil wi' chik li Rochoch li Yos re naq taatz'aqloq ru li moy u xawil ut li xyehom li propeet.

Números 36:4

Ut naq taawulaq li xchihab'il li Nimla Sahil Ch'oolejil cho'q reheb' laj Israel, li xch'och'eb' a'an taak'eemanq chi junajwa re li jun teep chik ut ink'a' chik taawanq cho'q reechanihomeb' li qana' qayuwa'”.

Salmos 89:16

Us xaq re li tenamit li neke'xnaw xloq'oninkil aawu ut neke'b'eek sa' xsaqenkil xnaq' aawu, at Qaawa'.