Levítico 24:22 - Q'eqchi Bible

²² “Li chaq'rab' li wank xwankil sa' xb'een laj ralch'ochl, a'an ajwi' li wanq xwankil sa' xb'een laj ab'l tenamit, xb'aan naq laa'in li Qaawa', leeYos”.

Li Santil hu

²² Li chakꞌrab aꞌin tenebanbil saꞌ xbe̱neb laj Israel joꞌ eb ajcuiꞌ li jalaneb xtenamit. La̱in li Ka̱cuaꞌ le̱ Dios.—

Levítico 24:22 ပူးပေါင်းရင်းမြစ်များ

Éxodo 12:49

Juntaq'eetaq li chaq'rab' cho'q eere ut cho'q reheb' li jalaneb' xtenamit li wanqeb' sa' eeyanq”.

Números 9:14

“Ut wi sa' eeyanq laa'ex wank junaq aj jalan tenamit, a'an ajwi' tento tixninq'ehi li Paswa sa' xk'ab'a' li Qaawa'. Jun paayaq ajwi' li mayejak sa' eeyanq, jo' cho'q re li jalan xtenamit jo' ajwi' cho'q laj ral ch'och'”.

Números 15:29

Jun ajwi' li chaq'rab' wanq cho'q reheb' laj Israel ut cho'q reheb' laj ab'l tenamit li wankeb' sa' eeyanq: maak'a' chik junaq chaq'rab' cho'q reheb' li neke'maakob'k chi ink'a' xe'xk'e reetal.

Levítico 19:34

Laj ab'l tenamit li wank sa' eeyanq, cherilaq jo' junaq leerech tenamitul. Cheraheb' jo' naq nekera eerib' laa'ex, xb'aan naq laa'ex ajwi' kex'ab'lo'k chaq aran Ejiipt.

Levítico 17:10

“Laa'in tinjosq'o'q rik'in chixjunileb' laj Israel malaj aj ab'l tenamit li wanqeb' sa' eeyanq wi te'tzekanq kik' a' yaal chanru. Laa'in te'wisi sa' xyanqeb' li rech tenamitul.

Levítico 24:23

Laj Moisés ki'aatinak rik'ineb' laj Israel, ut eb' a'in ke'risi chaq sa' li xmuheb'aaleb' li ani xmajewank re li Yos ut ke'xkamsi chi pek. Eb' laj Israel ke'xb'aanu jo' tz'aqal kiyehe'k re laj Moisés xb'aan li Qaawa'.

Deuteronomio 1:16

Jo'kan ajwi' kinye li aatin a'in reheb' laj raqol aatin: «Teerab'i li k'aru neke'xk'ul leeras eeriitz'in ut texraqoq aatin sa' tiikilal sa' xyanq junaq winq ut li ras riitz'in malaj junaq jalan xtenamit.